Tala o le Feagaiga Tuai mo Tamaiti Faitau

Tavita ma Koliata

saunia e Kim Webb Reid

Ata na tusia e Apryl Stott

Mai le 1 Samuelu 17

O Tavita o se tama o le na tausia mamoe. O ona uso matutua o ni fitafita o loo taumafai e puipui i o latou tagata. I se tasi aso, na auina atu ai e le tama o Tavita o ia e ave meaai i ona uso.

Ina ua taunuu atu Tavita iina, na ia iloa ai se fiafita matautia e igoa ia Koliata. Na faapea mai Koliata afai e i ai se tasi na te faatoilaloina o ia, o le a uma le taua. Ae sa leai se tasi e toa e tau ma ia.

Na fai atu Tavita o le a ia tau ma Koliata. Na fai atu le tupu ia Tavita e leai. O Tavita ua na o se tama o ia, ae o Koliata e malosi ma lapoa! Ae na iloa e Tavita o le a fesoasoani le Atua ia te ia. Mulimuli ane, na faapea mai le tupu, “Alu, ma ia faatasi le Alii ma oe.”

Sa le i ofuina e Tavita ni ofu tau e pei ona faia e Koliata. Sa ia ave a’e se maa ma tuu i totonu o lana maata. Na ia togi le maa i le muaulu o Koliata. Na pau Koliata. Ua manumalo Tavita! Ua faasaoina e ia ona tagata.

O nisi o taimi ou te feagai ai ma ni faafitauli taufaamatau. Pe a ou valaau atu i le Atua mo se fesoasoani, Na te fesoasoani mai ia te a’u ia ou malosi.

Maimoa i Tala o le Feagaiga Tuai i le lds.org/children/scripture-stories.

Itulau e Valivali

E Mafai Ona Avea A’u ma Faataitaiga Lelei

Kiliki i luga o le ata e sii mai ai.

Ata na tusia e Apryl Stott