O Tala o Tusitusiga Paia
Ua Aoao mai Isaia e uiga ia Iesu Keriso
Sa avea Isaia ma se perofeta. Sa soifua o ia a o le i fanau mai Iesu Keriso. Ae sa ia iloa o le a afio mai Iesu.
Fai mai Isaia o le a fanau mai Iesu o le Alo o le Atua. O le a fesoasoani ma faamalolo e Iesu isi.
Na faapea mai foi Isaia o le a afio mai Iesu i le lalolagi. O le a ta’ua o Ia o le Alii o le Filemu. O le a Ia tuuina mai Lona soifua mo i tatou ona e alofa tele o Ia ia i tatou.
O mea na aoao mai e Isaia na tupu. I le tele o tausaga mulimuli ane, na afio mai ai Iesu i le lalolagi. Na Ia faaali mai ia i tatou le ala. Sa maliu o Ia ma toe soifua mai. O loo soifua o Ia i le asō!
E mafai ona ou aoao e uiga ia Iesu Keriso. Pe a ou manatua le mea na Ia faia mo a’u, e mafai ona ou lagonaina le filemu ma le faamoemoe!
Ata na tusia e Apryl Stott