“Ua Faamagalo e Iosefa Ona Uso,” Tala o le Feagaiga Tuai mo Tamaiti Faitau, 2018
“Ua Faamagalo e Iosefa Ona Uso”
Tala o le Feagaiga Tuai mo Tamaiti Faitau
Ua Faamagalo e Iosefa Ona Uso
Mai le Kenese 42, 45
Na avea Iosefa ma se taitai i Aikupito ina ua oo mai se oge. Sa lei tele ni meaai. I se nuu mamao, sa fia aai le aiga o Iosefa. Sa latou malaga atu i Aikupito e saili ai ni meaai.
Na vaai atu Iosefa i ona uso. Ae sa lei iloaina o ia e ona uso! Sa fesili atu Iosefa pe o soifua lava lo latou tama, ma sa latou fai mai ioe.
Na vaaia e Iosefa ua avea ona uso ma ni tagata agalelei. Sa latou tausia lo latou uso laitiiti, o Peniamina. Sa latou popole e uiga i le tasi ma le isi.
Na ta’u atu e Iosefa i ona uso lona tagata moni. Sa faigata ona latou talitonu i ai! Sa fetagisi Iosefa ma ona uso i le fiafia. Sa faamagalo atu e Iosefa i latou mo le faatauina atu o ia o se pologa. Sa ia fai atu o le Atua na taitaiina o ia i Aikupito e faasaoina i latou mai le oge.
E mafai ona ou pei o Iosefa. E mafai ona ou alofa atu i lo’u aiga ma faamagalo atu isi.
Maimoa i Tala o le Feagaiga Tuai i le lds.org/children/scripture-stories.
Itulau e Valivali
E Alofa Iesu ia te A’u
Kiliki i luga o le ata e sii mai ai.
Ata na tusia e Apryl Stott