“Ua Mulimuli Mose i le Atua,” Tala o le Feagaiga Tuai mo Tamaiti Faitau, 2018
“Ua Mulimuli Mose i le Atua”
Tala o le Feagaiga Tuai mo Tamaiti Faitau
Ua Mulimuli Mose i le Atua
Mai le Esoto 2–34
I se tasi o aso sa maua ai e se purinisese Aikupito se pepe Eperu i totonu o se ato. Sa ia faaigoa o ia ia Mose ma tausi o ia e avea ma aloalii.
Ina ua matua Mose, sa lei fiafia o ia i le auala na fai ai e tagata Aikupito ia tagata Eperu, o latou pologa. Ina ua tu atu Mose mo i latou, sa mananao tagata Aikupito e fasioti o ia. O lea sa tatau ai ona sola ese ia Mose. Ona fai atu lea o le Atua ia te ia e toe foi e faasaoloto mai tagata Eperu.
Sa talosaga atu Mose ia Farao, le tupu o Aikupito, e tuu tagata Eperu e o. Sa fai mai Farao e leai. Sa fesoasoani le Atua ia Mose e fetuu le laueleele ina ia sui ai e Farao lona mafaufau. Sa faatumulia Aikupito i lago, utu, sosoo ai ma lane. Mulimuli ane, sa fai mai Farao e mafai ona o ese tagata pologa.
Ao o ese atu tagata Eperu, sa toe sui le mafaufau o Farao ma auina atu lana vaegaau e tuliloa i latou. Ina ua oo atu le nuu o Mose i le Sami Ulaula, sa faia e le Atua se auala matutu i le sami ina ia mafai ona latou sao ai.
Sa tuuina atu e le Atua ia Mose ia Tulafono e Sefulu. Sa aoaoina atu e Mose i tagata a o latou malaga agai atu i le nuu o le folafolaga. Mulimuli ane ua saogalemu ma saoloto i latou!
E mafai ona ou pei o Mose. E mafai ona ou mulimuli i tulafono. O le a fesoasoani mai le Atua ia te a’u pe a ou tu atu mo i latou o e manaomia le fesoasoani.
Maimoa i Tala o le Feagaiga Tuai i le lds.org/children/scripture-stories.
Itulau e Valivali
E Mafai Ona Avea A’u o se Faatupu Filemu
Kiliki i luga o le ata e sii mai ai.
Ata na tusia e Apryl Stott