Te parau poro’i a te Peresidenira’a Mātāmua

E au mau hoa misiōnare :

Tē ha’apoupou nei mātou ia ’oe nō teie rāve’a fa’ahiahia nō te tāvini ’ei misiōnare nō Te ’Ēkālesia a Iesu Mesia i te Feiā Mo’a i te mau Mahana Hope’a Nei. ’Aita e ’ohipa hau atu i te pāpū ’e ’aore rā i te mea faufa’a roa i te ha’aputuputura’a ia ’Īserā’ela.

’Ua fa’ata’ahia ’Ia poro haere i tā’u nei ’Evanelia nō te tauturu ia ’oe ’ia riro ’ei misiōnare ineine roa a’e, ’e te pa’ari i te pae vārua. ’Ua ’ōpua-ato’a-hia te reira nō te tauturu ia ’oe ’ia riro ’ei ’orometua ha’api’i ’aravihi. Tē a’o nei mātou ia ’oe ’ia fa’a’ohipa i te reira i te mau mahana ato’a i roto i tā ’oe ha’api’ira’a ta’ata hō’ē iho ’e te ha’api’ira’a ’e te hoa misiōnare. Tē fa’aitoito ato’a atu nei mātou ia ’oe ’ia fa’a’ohipa i te reira i roto i tā ’outou mau rurura’a ’āpo’ora’a mata’eina’a ’e te mau ’āmuira’a ārea misiōnare. ’A ’imi i te mau pāpa’ira’a mo’a i fa’ahitihia ’e ’a ha’api’i i te ha’api’ira’a tumu ’e te mau parau tumu.

Tē tītau manihini nei mātou ia ’oe ’ia ti’a i ni’a i te tahi fāito ’āpī nō te fafaura’a, nō te tauturu i tō tātou Metua i te ao ra i roto i tāna ’ohipa hanahana. E ’ohipa faufa’a rahi tā te mau misiōnare tāta’itahi i te tauturura’a i te Fatu i roto i tāna ’ohipa « ’ia fa’atupu i te tāhuti ’ore ’e te ora mure ’ore o te ta’ata nei » (Mose 1:39).

E ha’amaita’i te Fatu ia ’oe mai te mea e pūpū ’oe ia ’oe iho ma te ha’eha’a nō te tāvini iāna. ’Ia ’itehia ia ’oe te ’oa’oa rahi ’e te poupou ’a rave ai ’oe i te ’ohipa i rotopū i te mau tamari’i a te Metua i te ao ra.

Te Peresidenira’a Mātāmua