“Kapitlu 9: Sib Nies biex Tgħallem,” Ippriedka l-Evanġelju Tiegħi: Gwida biex Naqsmu l-Evanġelju ta’ Ġesù Kristu mal-Oħrajn (2023)
“Kapitlu 9,” Ippriedka l-Evanġelju Tiegħi
Immaġni
Ir-Ragħaj it-Tajjeb, ta’ Del Parson
Kapitlu 9
Sib Nies biex Tgħallem
Ikkunsidra Dan
Kif nista’ ntejjeb l-ħila tiegħi biex insiu nies sabiex ngħallem?
Kif nistgħu nespandu l-viżjoni tagħna u ntejbu l-pjanijiet tagħna biex insibu nies sabiex ngħallmu?
Kif nista’ nitjieb fil-kapaċità u l-kunfidenza tiegħi biex nitkellem man-nies li niltaqa’ magħhom kuljum?
Kif nistgħu ningħaqdu mal-membri biex naqsmu l-evanġelju ma’ oħrajn?
X’għandna nagħmlu meta nirċievu riferimenti?
Hemm xi ideat biex insibu n-nies sabiex ngħallmu li għadna ma ppruvajniex?
Is-Salvatur imqajjem mill-imwiet qal lid-dixxipli tiegħu, “Morru, mela, agħmlu dixxipli mill-ġnus kollha, u għammduhom fl-isem tal-Missieru tal-Iben u tal-Ispirtu s-Santu” (Mattew 28:19; ara wkoll Mark 16:15). Il-Mulej irrepeta din il-kommissjoni fi żminijietna, meta qal, “Morru mela fid-dinja [u] ppridkaw l-evanġelju” (Duttrina u Patti 68:8; ara wkoll 50:14).
Il-ħidma missjunarja hija li nsibu n-nies, ngħallmuhom, u ngħinuhom jitħejjew għall-magħmudija. Int se twettaq il-kummissjoni tal-Mulej li tgħallem l-evanġelju Tiegħu u tgħammed l-ikkonvwertiti hekk kif “issib lil dawk li jilqgħuk” (Duttrina u Patti 42:8). Xejn ma jseħħ fil-ħidma missjunarja sakemm ma ssibx lil xi ħadd lil min tgħallem. Kun b’seba’ mitt għajn il-ħin kollu għal opportunitajiet biex tintroduċi l-evanġelju. Tgħallem tuża l-modi li huma effettiva fiż-żona tiegħek.
Huma importanti ħafna biex taħdem mal-membri meta tkun qed tfittex. Aħdem qagħtih biex tikseb il-fiduċja tagħhom. Meta l-membri jafdaw lilll-missjunarji, hemm iktar ċans li jistiednu lil ħbiebhom u lil tal-familja biex jiltaqgħu miegħek. Hemm iktar ċans li dawn in-nies jiġu kkonvertiti fil-Mulej, jitgħammdu, u jagħmlu progress fit-triq tal-evanġelju.
Is-sejbien iseħħ skont ir-rieda tal-persuna li tisma’ l-evanġelju. Iż-żmien se jkun differenti skont l-individwu. Is-sejbien jaf jirriżulta mill-ewwel inkontru jew minn bosta inkontri fuq tul ta’ żmien. Ħafna nies għandhom bosta inkontri mal-missjunarji jew ma’ membri tal-Knisja qabel ma jibdew l-istudju serju tal-evanġelju. Toqgħodx lura milli terġa’ tikkuntattjahom.
L-isforzi tiegħek fit-tfittxija jistgħu jagħtu l-frott wara li tkun ġejt trasferit jew anki wara li tkun temmejt il-missjoni tiegħek. Huwa x’inhu t-tul ta’ żmien jew l-eżitu, il-Mu;ej huwa grat għall-isforzi tiegħek.
Dan il-kapitlu jiddeskrivi prinċipji u ideat li jgħinuk biex issib. Dawn il-prinċipji huma universali. Madanakollu, il-missjunarji u l-mexxejja tal-missjoni jistgħu jkollhom bżonn jadattawhom għaċ-ċirkustanzi tagħhom.
Eżerċita l-Fidi biex Issib Nies biex Tgħallem
Isservi fejn isservi, il-Mulej sejjaħlek biex taħdem “għas-salvazzjoni tal-erwieħ” (Duttrina u Patti 100:4). Biex tagħmel dan, hemm bżonn li teżerċita l-fidi fi Kristu biex issib nies biex tgħallem biex ikunu jistgħu jagħżlu li jimxu warajh u li jitgħammdu.
Il-fidi hija prinċipju ta’ azzjoni u ta’ qawwa. Ara li jkollok il-fidi li l-Mulej qed jipprepara nies biex jirċievu l-evanġelju rrestawrat. Ara li jkollok kunfidenza paċenzjuża li hu se jwasslek għandom, jew lilhom għandek. Aġixxi fuq il-fidi billi tfassal miri, tagħmel pjanijiet, u twettaq il-pjanijiet tiegħek biex issib niex biex tgħallem (ara kapitlu 8).
Immaġni
missjunarji qed jitolbu
Itlob bil-fidi hekk kif tfittex l-għajnuna ta’ Alla biex issib nies biex tgħallem. Meta Alma mexxa missjoni lejn iż-Żoramiti, huwa talab: “O Mulej, nitolbok tgħinna nirnexxu fejn nerġgħu nġibuhom lura għandek fi Kristu. Ara, O Mulej, ruħhom hija prezzjuża … ; għalhekk, agħtina, O Mulej, il‑qawwa u l‑għerf biex inkunu nistgħu nġibu lura għandek [lil dawn ħutna]” (Alma 31:34–35).
In-nies li tiltaqa’ magħhom ħafna drabi ma jirrealizzawx li qed ifittxu l-evanġelju rrestawrat sakemm isibuh. Per eżempju, wieħed ikkonvertit qal, “Meta smajt l-evanġelju, melieli toqba f’qalbi li ma kontx naf li qiegħda hemm.” Ieħor qal, “Jien spiċċajt it-tiftix li ma kontx naf li qed nagħmel.” Oħrajn qed ifittxu l-verità b’mod attiv imma ma jafux fejn se jsibuha (ara Duttrina u Patti 123:12).
Fittex il-gwida tal-Ispirtu hekk kif tfittex nies biex tgħallem. Li tfittex bl-Ispirtu huwa importanti daqs li tgħallem bl-Ispirtu. Ara li jkollok il-fidi li se tkun taf kif se ssib lil dawk li se jirċevuk.
Studju Akkumpanjat
Jista’ jkun hemm membri fir-reġjun tiegħek li huma kkonvertuti għall-Knisja. Staqsi kif għamlu kuntatt mal-Knisja. It-tweġibiet tagħhom jista’ jkun li jagħtuk ideat ta’ kif issib nies biex tgħallem. Staqsi wkoll kif saru jafu li l-missjunarji kienu qed jgħallmuhom il-verità. Qassar l-esperjenzi tagħhom fid-djarju tal-istudju tiegħek.
Studju tal-Iskrittura
Kif inhuma ppreparati u ggwidati lejn l-evanġelju rrestawrat ulied Alla?
Hekk kif tfittex nies biex tgħallem, kun konxju tad-differenza bejn skedar u pjanar. Skedar huwa li timla l-organizzatur u l-ġurnata tiegħek. Pjanar huwa li tagħmel sforz permezz tat-talb, u bi ħsieb biex tiffoka fuq in-nies u l-aħjar modi biex issibhom.
L-attività t-tajba, fil-ħin it-tajjeb u l-post it-tajjeb, jistgħu jgħinuk issib nies biex tgħallem. Staqsi dawn il-mistoqsijiet lilek innifsek:
Fejn nistgħu niltaqgħu ma’ nies li l-Mulej jista’ jkun qed jipprepara?
X’inhuma l-aqwa postijiet u tipi ta’ attivitajiet biex issib nies f’ħinijiet speċifiċi tal-ġurnata jew tal-ġimgħa?
Kif nistgħu nuru mħabba, inservuhom, jew nagħtu valur lil ħajjithom bħalissa?
Kif nistgħu nużaw abbiltajiet personali, ħiliet, u talenti biex nedifikawhom?
X’inhuma l-pjanijiet sekondarji tagħna jekk xi ħaġa ma taħdimx?
Ipprova tagħraf modi li bihom il-Mulej qed jipprepara lin-nies. Huma lesti li jitkellmu miegħek? Qed ifittxu għajnuna jew faraġ?
Aħseb dwar li tfittex sforzi li kienu ta’ suċċess. X’kienet l-ewwel interazzjoni? L-isforzi inkludew membri lokali? It-teknoloġija kienet użata?
Ibda l-ippjanar tiegħek billi tiffoka fuq kif tista’ tbierek lin-nies, u mbagħad l-iskeda tiegħek tieħu forma.
Studju Akkumpanjat
Flimkien mal-kumpann tiegħek, uża t-tabella t’hawn taħt biex tevalwa l-isforzi tiegħek biex issib in-nies biex tgħallem. Ippjana li tipprova xi ftit mill-ideat li huma ġodda għalik.
Insibu l-Isforzi
Xi Drabi
Ħafna Drabi
Kważi Dejjem
Insiru nafu lill-membri u nissapportjawhom fl-isforzi tagħhom biex jaqsmu l-evanġelju mal-oħrajn, inkluż membri ġodda, żgħażagħ, dawk li qed iħejju ruħhom biex iservu bħala missjunarji, missjunarji li qed jirritornaw, familji part-member, u presbiteri prospettivi.
Aħna naħdmu biex niksbu l-fiduċja tal-membri biex huma jkunu komdi jistiednu lill-membri tal-familja tagħhom u lill-ħbieb biex jiltaqgħu magħna.
Aħna naħdmu mal-mexxejja tal-qasam f’lagħqat ta’ koordinazzjoni ta’ kull ġimgħa biex nissapportjaw l-isforzi tagħna biex niskopru jekk dawn hux nies li nistgħu nikkuntattjaw.
Aħna naħdmu ma’ nies kurrenti li qed jiġu mgħallma, nies mgħallma formalment, u nies irreferuti mill-midja.
Nitkellmu ma’ kemm nistgħu nies kuljum,
Aħna spiritwalment nitolbu għall-għajnuna ta’ Alla hekk kif nippjanaw biex insibu nies biex ngħallmu.
Aħna nemmnu li l-Mulej qed jipprepara nies biex aħna ngħallmu.
Nikkunsidraw kif se ngħinu lil dawk li niltaqgħu magħhom iħossu l-influwenza tal-Ispirtu s-Santu.
Infasslu miri speċifiċi kull ġimgħa u kuljum (ara kapitlu 8).
Aħna kontinwament qed infittxu n-nies biex ngħallmu.
Aħna kreattivi u nużaw varjetà ta’ modi biex insibu n-nies. Nippruvaw modi ġodda u nippruvaw nevitaw li neħlu f’rutina.
Nippjanaw speċifikament biex insibu. Nippjanaw meta, fejn, u kif se niffukaw.
Nikkunsidraw liema huma l-aħjar lokazzjonijiet u ħinijiet tal-ġurnata biex insibu n-nies biex ngħallmu.
Nikkunsidraw liema attivitajiet kienu effettivi fil-passat.
Naġġustaw il-pjanijiet tagħna kif se nsibu skont kif meħtieġ u għandna pjanijiet biex jagħmlu tajjeb meta avvenimenti skedati ma jmorrux tajjeb.
Nużaw l-app Ippriedka l-Evanġelju Tiegħi biex infittxu, biex infasslu miri u nagħmlu pjanijiet, u biex nirrevedu u naġġornaw ir-rekords tagħna kuljum.
Nużaw t-talenti u l-kwalitajiet personali tagħna biex ngħinu fit-tfittxija.
Nippjanaw meta u kif se nużaw il-midja soċjali u teknoloġija oħra biex insibu nies lil min ngħallmu.
Nużaw il-kampanji tal-midja u opportunitajiet lokali li jilħqu l-interessi u l-ħtiġijiet tan-nies fiż-żona tagħna.
Nirrispondu malajr għal rikjesti u messaġġi onlajn mingħand nies
Nippjanaw il-posts tagħna fuq il-midja soċjali minn qabel u naħdmu mal-membru biex insibu nies onlajn.
Kun Diliġenti bies Issib
Agħmel it-Tfittxija Sforz Kostanti
Fiż-żminijiet bikrin tal-Knisja rrestawrata, il-Mulej ripetutament ta struzzjoni lil grupp ta’ aħwa biex jgħallmu l-evanġelju Tiegħu “fi triqithom” waqt li qed jivvjaġġaw. Huwa riedhom jużaw kull opportunità biex jaqsmu l-evanġelju ma’ oħrajn. (Ara Duttrina u Patti 52:9–10, 22–23, 25–27.)
Applika din l-istruzzjoni għat-tfittxija tiegħek. Agħmel sforz diliġenti li tfittex matul il-ġurnata kollha. Ippjana l-isforzi tat-tfittxija tiegħek—u anki oqgħod attent għal opportunitajiet ma kinux ippjanati. Li ssib nies ġodda biex tgħallem hija ħtieġa kostanti.
Fittex l-ispirazzjoni u kun lest li tuża varjeta’ ta’ modi. Iffoka fuq il-modi li huma il-iktar effettivi fiż-żona tiegħek.
Immaġni
Kristu Jsejjaħ lil Pietru u lil Indri, ta’ James T. Harwood
Ħalli x-Xlief fl-Ilma
Dwar dak li jikkonċerna x-xogħol tal-missjunarji, il-President Dallin H. Oaks qal:
“Ħadd minna m’għandu jkun bħal sajjied li jaħseb li ilu jistgħad ġurnata sħiħa meta fil-verità jkun qatta’ ħafna mill-ħin tiegħu ġej u sejjer lejn ix-xatt, jiekol l-ikel, u jfettaq bit-tagħmir tiegħu. Is-suċċess tas-sajd huwa relatat ma’ kemm tħalli x-xlief fl-ilma, u mhux ma’ kemm tkun ilek ’il bogħod mid-dar. Xi sajjieda jkunu ’l bogħod mid-dar għal tnax-il siegħa u jkollhom ix-xlief fl-ilma għal għaxar sigħat. Sajjieda oħra jkunu ’l bogħod mid-dar għal tnax-il siegħa u jkollhom ix-xlief fl-ilma għal sagħtejn biss. Is-sajjieda bħal dawn tal-aħħar jafu jistaqsu għalxiex m’għandhomx l-istess suċċess daqs l-oħrajn.
“L-istess prinċipju japplika għall-missjunarji, li l-Imgħallem isejjaħ ‘sajjieda tal-bnedmin’ [Mattew 4:19]. Ix-xlief ta’ missjunarju għandu jinżel ġol-ilma tas-sajd il-mument li hu jew hi joħorġu mid-dar” (seminar għall-presidenti l-ġodda tal-missjoni, 20 ta’ Ġunju, 2000).
Immaġni
diversi qasab tas-sajd
Il-Presbiteru Quentin L. Cook espanda fuq dan il-paragun. Apparti li żżomm “ix-xlief tiegħek ġol-ilma” għal perjodi itwal ta’ ħin, hu għallimna li l-missjunarji li jsibu nies biex jgħallmu “konsistentament iżommu diversi xlief fl-ilma. …
“Huma jidentifikaw u jikkuntattjaw lill-familji part-member.
“Huma jfittxu fl-[app Ippriedka l-Evanġelju Tiegħi] għall-kuntatt ta’ telefown jew messaġġ ta’ nies li ġew mgħallmin fil-passat
“Huma joffru servizz lill-membri, nies li ġew mgħallmin fil-passat, nies li qed jgħallmu fil-mument, u fil-komunità. …
“Huma jgħinu lill-membri joħolqu messaġġi tal-evanġelju biex jaqsmu fuq … il-mezzi soċjali tagħhom.
“Huma jiksbu referenzi mingħand in-nies li jżuru u jgħallmu” (“Kunu Pathfinders u Influencers Spiritwali,” devozzjonali missjunarja, 10 ta’ Sett., 202; enfasi miżjuda).
Studju Akkumpanjat
Iddiskuti l-mistoqsijiet li ġejjin:
X’inhuma xi modi li bihom tista’ żżomm “ix-xlief tiegħek fl-ilma” għal ħin itwal matul il-ġurnata?
X’inhuma xi modi li bihom tista’ żżomm diversi xlief fl-ilma hekk kif issib nies biex tgħallem?
X’karatteristiċi mill-app Ippriedka l-Evanġelju Tiegħi jistgħu jgħinuk?
Kif tista’ tuża t-teknoloġija biex tgħinek iżżomm diversi xlief fl-ilma?
Tkellem ma’ Kulħadd
Żviluppa xewqa qawwija li tressaq l-erwieħ lejn Kristu (ara Mosija 28:3). Meta tħoss din ix-xewqa, l-imħabba u t-tħassib tiegħek se jiġu riflessi fl-isforzi tiegħek biex issib. L-imħabba tiegħek ukoll se tkun riflessa fil-konverżazzjonijiet tiegħek.
Kellem ma’ kemm tiflaħ nies kuljum. Tkellem magħhom kull fejn tmur. Fejn xieraq, mur minn dar għal dar. Il-Mulej ordna lil xi wħud mill-ewwel presbiteri tal-Knisja, “Iftaħ ħalqek biex tiddikjara l-evanġelju tiegħi.” Hu mbagħad wiegħed li ħalqhom se “jimtlew” b’dak li għandhom jgħallmu (Duttrina u Patti 30:5; ara wkoll 33:7–10).
B’mod simili, il-Mulej qal lil Joseph Smith u lil Sidney Rigdon, “Għollu leħinkom fuq dan il-poplu; leħħnu l-ħsibijiet li se nqiegħed f’qalbkom.” Hu mbagħad wiegħed, “Għax jingħatalkom … f’dak l-istess mument, x’għandkom tgħidu” (Duttrina u Patti 100:5–6).
Hekk kif tiltaqa’ man-nies, ħafna drabi int se tħoss l-Ispirtu jgħinek tkun taf x’għandek tgħid. Madanakollu, jekk ma tħossx suġġeriment, ibda minn x’imkien—forsi billi tistaqsi mistoqsija u tisma’ r-rispons tagħhom (ara “Sib lin-Nies Fejn Huma” f’dan il-kapitlu). Jew forsi titkellem dwar il-Mulej Ġesù Kristu jew dwar is-sejħa ta’ Joseph Smith biex ikun profeta ta’ Alla.
L-ideat li ġejjin jistgħu jgħinu hekk kif titkellem ma’ dawk li tiltaqa’ magħhom:
Kun ġentili, awtentiku, u amikevoli. Fittex modi biex tista’ tagħmel kuntatt mal-persuna u kif se tibda konverżazzjoni.
Isma’ b’mod sinċier għal dak li jgħidu n-nies. Fittex li tifhem il-bżonnijiet u l-interessi ta’ kull persuna. Offri għajnuna personali kif xieraq.
Ikkunsidra kif l-evanġelju jista’ jgħin biex tilħaq il-bżonnijiet tagħhom. Imbagħad għallimhom verità bażika mill-evanġelju biex jitgħallmu aktar. Aqsam magħhom kif l-evanġelju restawrat jista’ jġib tama kbira u tifsira fil-ħajja tagħhom.
Staqsi dwar il-familji tagħhom. Għinhom jaraw kif l-evanġelju rrestawrat jista’ jbierek lill-familji tagħhom. Offri li tgħinhom isibu ismijiet tal-antenati mejtin tagħhom.
Stedinhom biex jiġu għal-laqgħa tas-sagrament.
Offri pamflet jew materjali oħra tal-Knisja, kemm ipprintjati u anke diġitali.
Aqsam magħhom l-għan tiegħek bħala missjunarju u għalxiex iddeċidejt li sservi f’missjoni.
Dawn il-prinċipji japplikaw ukoll għall-interazzjonijiet tiegħek mal-membri.
Huwa naturali li tkun xi daqsxejn imħasseb li trid tkellem lin-nies. Itlob għall-fidi u kuraġġ biex tgħallem l-evanġelju rrestawrat. Dawn kollha li tiltaqa’ magħhom huma ħutek fil-familja ta’ Alla. Ftakar li hu “ma jirrifjuta lill-ebda bniedem li jmur għandu, iswed u abjad, ilsir u ħieles, raġel u mara; … kulħadd l-istess għal Alla” (2 Nefi 26:33).
Studju Personali jew Akkumpanjat
Aqra r-rakkont ta’ Victor Manuel Cabrera f’“Bil-Għatx għall-Ilma Ħaj,” Ensign, Awwissu. 2001, 60–61. Hekk kif tagħmel hekk, fittex kif kien preparat biex jirċievi lill-missjunarji u kif il-missjunarji użaw awtorità mhux pjanata biex jgħallmuh l-evanġelju.
Ir-raġel kif ġie ppreparat għall-evanġelju rrestawrat?
X’kien jiġri kieku l-presbiteri ma qasmux messaġġ tal-evanġelju?
Irrevedi dak li għamilt ilbieraħ. Tkellimt ma’ kemm tiflaħ nies? Jekk le, fassal miri u agħmel pjanijiet biex titkellem ma’ aktar nies illum.
Studju tal-Iskrittura
X’tista’ titgħallem mill-iskrittura li ġejja dwar li ssib nies biex tgħallem? X’tista’ titgħallem minn din l-iskrittura dwar x’għandek tgħallem? Xi jwiegħed il-Mulej?
“Li nistiednu lil kulħadd biex jirċievi l-evanġelju huwa parti mill-ħidma tas-salvazzjoni u l-eżaltazzjoni” Manwal Ġenerali, 23.0). Aħdem mal-membri tal-Knisja biex issib nies biex tgħallem. Meta l-membri jirreferuk lil xi ħadd u mbagħad jipparteċipa fil-lezzjonijiet, hemm aktar ċans li n-nies jiġu mgħammda u jibqgħu attivi fil-Knisja.
Ibni Relazzjonijiet b’Saħħithom mal-Mexxejja Lokali
Ibni relazzjonijiet b’saħħithom mal-mexxejja tal-veskovat u mal-mexxejja ta’ qasam ieħor. Il-mexxej tal-missjoni tal-qasam (jekk wieħed jiġi msejjaħ) u l-kworum tal-presbiteri u l-presidenzi tas-Soċjetà tas-Solliev huma l-punt primarju tal-kuntatt tagħna. Fittex il-gwida tagħhom, u ssapportjahom fil-laqgħat ta’ koordinazzjoni ta’ kull ġimgħa (ara kapitlu 13).
Waqt il-lagħqat ta’ koordinazzjoni ta’ kull ġimgħa, aħdem mal-assistent tal-kworum tal-qassisin u mal-president tal-klassi tal-ikbar età fit-Tfajliet . Dawn iż-żgħażagħ għandhom irwol importanti li jaqsmu l-evanġelju mal-oħrajn. Għinhom jinkoraġġixxu l-membri tal-kworum u tal-klassi biex jaqsmu l-evanġelju mal-oħrajn. Mod wieħed huwa li ż-żgħażagħ jistiednu lill-ħbieb għall-attivitajiet.
Staqsi lilek innifsek regolarment, “Jiena barka għall-mexxejja lokali?” Żviluppa attitudni ta’ “Kif nista’ ngħin?” Bħal Ammon fil-Ktieb ta’ Mormon, ersaq lejn mexxejja lokali b’atitudni ta’ servizz (ara Alma 17:23–25).
Il-President Russell M. Nelson lill-mexxejja tal-missjoni għallimhom: “Nittama li taslu biex tħobbu lill-mexxejja u l-membri lokali. Elevawhom u ispirawhom. Qatt ma nistgħu ngħidu kemm hi importanti l-ħila tagħkom li tgħaqqdu l-entużjażmu tal-missjunarji mal-istabbilità tal-membri u l-isforzi kollha mħabba tagħhom. Is-suċċess tagħkom se jkun immultiplikat għal bosta drabi” (“Tamiet ta’ Qalbi,” seminar għall-mexxejja ġodda tal-missjoni, 23 ta’ Ġunju, 2019).
Immaġni
missjunarji li qed jgħallmu lin-nisa
Issapportjaw lill-Membri fl-Isforzi Tagħhom biex Jaqsmu l-Evanġelju mal-Oħrajn
Hemm bosta modi kif tissapportja u tinkuraġġixxi lill-membri fi-tixrid tal-evanġelju fost nies oħra. Għinhom jirriflettu kif l-evanġelju bierek lil ħajjithom. Inkuraġġihom biex “jerfgħu d-dawl [tagħhom] ’l fuq ħalli jdawwal lid-dinja” (3 Nefi 18:24).
Għin lill-membri japplikaw il-prinċipji tal-imħabba, tal-qsim ma’ ħaddieħpr, u tal-istedina. Agħti eżempji ta’ modi normali u naturali fejn huma jistgħu japplikaw dawn il-prinċipji.
Ħobb. Mod wieħed kif turi l-imħabba għal Alla huwa billi tħobb u taqdi lil uliedu. Inkuraġġixxi lill-membri biex jersqu b’imħabba lejn membri tal-familja, ħbieb, ġirien, u oħrajn. Kwalunkwe sforz biex tesprimi l-imħabba huwa mod importanti biex iżżommu l-patti li għamlu ma’ Alla (ara Mosija 18:9–10).
Aqsam ma’ ħaddieħor. Minħabba l-imħabba tagħhom għal Alla u wliedu, il-membri b’mod naturali jridu jaqsmu l-barkiet li Huwa tahom ma’ oħrajn (ara Ġwanni 13:34–35). Ħeġġeġ lill-membri biex jgħidu lill-oħrajn dwar kif l-evanġelju birkilhom ħajjithom. Ħeġġiġhom jitkellmu dwar is-Salvatur u l-influwenza tiegħu. Għinhom iħossu l-hena li tiġi meta jaqsmu mal-oħrajn imħabbithom, il-ħin tagħhom, u l-avvenimenti ta’ ħajjithom. Għinhom jitgħallmu kif għandhom jaqsmu b’modi normali u naturali—sempliċiment bħala parti minn dak li qed jagħmlu diġà f’ħajjithom.
Immaġni
Il-Presbiteru Gary E. Stevenson
“Aħna lkoll naqsmu affarijiet mal-oħrajn. Nagħmlu dan ta’ spiss. Naqsmu magħhom x’films u x’ikel inħobbu, ħwejjeġ umoristiċi li naraw, postijiet li nżuru, arti li napprezzaw, u kwotazzjonijiet li jispirawna.
“Xi ngħidu jekk aħna sempliċiment inżidu mal-lista ta’ ħwejjeġ li diġà naqsmu magħhom x’inhu dak li aħna nħobbu dwar l-evanġelju ta’ Ġesù Kristu? … Meta naqsmu l-esperjenzi pożittivi tagħna fl-evanġelju ma’ ħaddieħor, aħna nkunu qed nieħdu sehem fit-twettiq tal-kummissjoni l-kbira tas-Salvatur” (Gary E. Stevenson, “Ħobb, Aqsam, Stieden,” Liahona, Mejju 2022, 86).
Stiednu. Is-Salvatur jistieden lil kulħadd biex jirċievi l-evanġelju Tiegħu u jħejji ruħu għall-ħajja eterna (ara Alma 5:33–34). Bħal kif jiġri meta naqsmu ma’ ħaddieħor, li nistiednu huwa ta’ spiss mod kif ninkludu lil tal-familja, lill-ħbieb, u lill-ġirien f’dak li l-membri qed jagħmlu diġà. Ħeġġu lill-membri biex jitolbu dwar kif jistiednu lin-nies b’dal-modi li ġejjin:
Ejjew u araw. Stieden lin-nies biex “jiġu u jaraw” il-barkiet li jistgħu jirċievu permezz ta’ Ġesù Kristu, l-evanġelju tiegħu, u l-Knisja tiegħu.
Ejjew u servu. Stieden lin-nies biex “jiġu u jservu” lill-oħrajn fil-bżonn.
Ejjew u appartjenu. Stieden l in-nies biex “jiġu u jappartjenu” bħala membri tal-Knisja ta’ Ġesù Kristu rrestawrata.
Il-Presbiteru Elder Gary E. Stevenson qal: “Hemm mijiet ta’ stediniet x’nistgħu nestendu lil ħaddieħor. Nistgħu nistiednu lil ħaddieħor biex ‘jiġi u jara’ servizz tas-sagrament, attività tal-qasam, vidjo onlajn li jispjega l-evanġelju ta’ Ġesù Kristu. ‘Ejjew u taraw’ tista’ tkun stedina biex xi ħadd jaqra l-Ktieb ta’ Mormon jew iżur xi tempju ġdid waqt li jkun miftuħ għall-pubbliku qabel id-dedikazzjoni tiegħu. Xi kultant, l-istedina hi xi ħaġa li nestendu lilna nfusna—li tgħarrafna u turina l-opportunitajiet li hemm madwarna, u naġixxu skont il-ħtieġa” (“Ħobb, Aqsam mal-Oħrajn, Stieden,” 86).
Kun ċert li tgħin liż-żgħażagħ iħobbu, jaqsmu mal-oħrajn, u jistiednu. Int għandek talent speċjali kif tħobb lill-ħbieb tiegħek, taqsam magħhom dak li għandek f’qalbek, u tistedinhom għall-attivitajiet.
Għin lill-membri jifhmu li kull sforz biex tgħix il-prinċipji ta’ mħabba, li taqsam mal-oħrajn, u li tistieden huwa pożittiv, irrispettivament jekk il-persuna tiltaqax mal-missjunarji jew tingħaqadx mal-Knisja.
Għin lill-membri jafdaw fuq il-ħiliet tagħhom biex jaqsmu l-evanġelju mal-oħrajn. Xi wħud huma tajbin ħafna isibu lin-nies biex jgħallmu, u xi wħud huma tajbin ħafna bħala għalliema. Xi wħud għandhom abbiltà naturali biex jagħmlu kuntatt mal-ħbieb, mentri xi oħrajn iħobbu jitolbu mal-ħbieb tagħhom. Għinhom jaraw li hemm modi għal kulħadd biex jipparteċipa.
Meta tistieden lill-membri, agħmel dan b’għan. Uri li inti ingaġġat b’mod anzjuż fil-ħidma tiegħek biex issib u tgħallem. Irrispetta l-ħin u l-iskeda tagħhom.
Xi membri jista’ jkun li jilqgħuk billi jħeġġuk tgħallem messaġġ minn waħda mil-lezzjonijiet. Il-veritajiet tal-evanġelju ibiddlulek il-ħajja. Li tqawwi l-fehim tal-evanġelju mal-membri jżidilhom il-fiduċja fik u jibnilhom l-eċċitament biex jajqsmuh mal-oħrajn. Għinhom jagħrfu l-Ispirtu u jaġixxu fuq is-suġġerimenti.
Fittex li tfittex lin-nies biex tgħallem permezz tal-familji part-member, presbiteri prospettiv, membri li qed jirritornaw, u membri ġodda. Hemm ċans li jkollhom ħafna membri tal-familja u ħbieb ta’ reliġjonijiet oħrajn.
F’dak kollu li tagħmel mal-membri, segwi l-Ispirtu u fittex li tibni l-fidi tagħhom fis-Salvatur, Ġesù Kristu.
Għal aktar ideat u riżorsi dwar kif tista’ tissapportja lill-membri kif jaqsmu l-evanġelju mal-oħrajn, ara:
Irrevedi l-aħħar appuntament tiegħek ta’ koordinazzjoni ta’ kull ġimgħa. Kif stajt tagħmilha aktar effettiva? Irrevedi r-rikjesti mill-mexxejja tal-qasam u ppjana kif u meta tirrispondi.
Ippjana kif se tikkoordina l-isforzi missjunarji fil-laqgħa ta’ koordinazzjoni li jmiss.
Tgħallem l-ismijiet tal-mexxejja tal-qasam (irġiel u nisa). Ippjana x’se tagħmel matul ix-xahar li ġej biex tiżviluppa relazzjonijiet magħhom u ssapportjahom fl-isforzi missjunjari.
Fittex ġo l-App Ippriedka l-Evanġelju Tiegħi
L-app Ippriedka l-Evanġelju Tiegħi hija riżorsa tajba ħafna biex issib nies biex tgħallem. Il-missjunarji li jużaw konsistentament il-karatteristiċi f’din l-app ikollhom aktar suċċess biex isibu. Biex issir familjari ma’ dawn il-karatteristiċi, irreferi għat-taħriġ ipprovdut fl-app stess. Kun sensittiv għas-sejħiet spiritwali li jista’ jkun li tirċievi hekk kif tirrevedi l-ismijiet tan-nies.
L-app tinkludi informazzjoni dwar nies li kienu referuti minn qabel, ġew ikkuntattjati, jew mgħallma. Xi wħud minn dawn in-nies jista’ jkun li jkunu jridu jerġgħu jiltaqgħu mal-missjunarji. Jista’ jkun li jkunu jafu nies oħrajn li jistgħu jkunu interessati li jitgħallmu dwar l-evanġelju.
Fl-ippjanar tiegħek, uża l-mappa u l-filters fl-app biex tipprijoritizza liema nies se żżur. Ħares lejn l-informazzjoni tagħhom u tgħallem kif instabu. Ara jekk hemmx reġistru dwar il-membri li għenuhom. Uża din l-informazzjoni biex tiddetermina kif l-aħjar li tilħaqhom.
Immaġni
missjunarji jistudjaw fuq il-mowbajls
Uża l-karatteristika li tiffiltra fl-app biex tidentifika lil dawk kollha li:
Kellhom data tal-magħmudija skedata minn qabel imma ma ġewx mgħammdin.
Attendew laqgħa tas-sagrament minn tal-inqas darba imma ma ġewx mgħammdin.
Irċevew aktar minn tliet lezzjonijiet.
Ma ġewx ikkuntattjati riċentament.
Jekk nies li tikkuntattja mhumiex interessati li jiġu mgħallma jew jagħżlu li jieqfu jirċievu żjarat, irreġistra dik l-informazzjoni fl-app. Irreġistra kif se tibqa’ f’kuntatt magħhom u kif se trawwimhom sakemm ikunu lesti biex jitgħallmu aktar. Per eżempju, ikkunsidra li tistedinhom biex jitniżżlu għal serje ta’ imejls biex jirċievu messaġġi dawr Ġesù Kristu jew suġġetti oħrajn tal-evanġelju. Jista’ jkun ukoll li tlaqqagħhom ma’ membru li jista’ jwieġeb u jrawmilhom interess u ħbiberija. Agħmel reminder fl-app biex terġa’ tiltaqa’ magħhom. Staqsi jekk jafux lil xi ħadd ieħor li jista’ jkun interessat.
Int tista’ wkoll issib nies biex tgħallem permezz tal-app Ippriedka l-Evanġelju Tiegħi billi tiffiltra jew fil-gruppi biex tibgħat messaġġi lil grupp. Dan jista’ jkun mod tajjeb ħafna biex tavża lin-nies dwar avvenimenti bħal attivitajiet tal-qasam u servizz tal-magħmudija. Segwi bi stediniet personali għal dawn l-avvenimenti.
Studju akkumpanjat
Biex tara x’riżorsa tajba biex issib lin-nies hija l-app ta’ Ippriedka l-Evanġelju Tiegħi, ipprova l-attivitajiet li ġejjin. Hekk kif tagħmel hekk, kun attent għall-impressjonijiet li tirċievi.
Uża filter biex tidentifika n-nies kollha li ġew mgħallma tliet lezzjonijiet jew aktar. Stedinhom b’mod individwali biex il-Ħadd li ġej jattendu l-knisja.
Oħloq filter u sib lil dawk kollha li kellhom data skedata għall-magħmudija u attendew knisja minn tal-inqas darbtejn.
Ippjana biex tibgħat messaġġ individwali lin-nies biex jingħaqdu għal attività tal-qasam jew proġett tas-servizz. Okkażjonalment tista’ tkun trid tibgħat messaġġ fi grupp u ssegwi lin-nies individwali.
Mal-kumpann tiegħek iddiskuti lil dawk li kont impressjonat dwarhom. Agħmel pjanijiet biex iżżur jew inkella kkuntattjahom mill-aktar fis.
Sib permezz ta’ Servizz
Ipprovdi opportunitajiet għan-Nies biex Jiġu u Jservu
In-nies jista’ jkollhom esperjenzi pożittivi u kuntatt ma’ missjunarji u membri lokali f’attivitajiet ta’ servizz. Ħafna nies huma kuntenti li jaqsmu t-talenti, il-ħiliet, jew is-servizzi u għandhom bżonn biss li jiġu mistiedna.
Stieden lin-nies biex jipparteċipaw f’attivitajiet ta’ servizz organizzati mill-qasam. Int tista’ wkoll tgħqqad lin-nies ma’ opportunitajiet ta’ servizz bħal dawk f’JustServe.org fejn ikun disponibbli. Hekk kif isservi mal-oħrajn, tersqu qrib xulxin b’mod qawwi.
Offri Servizz
Bħas-Salvatur, “[ara li] tagħmel il-ġid” (Atti 10:38; ara wkoll “Ara li Tagħmel il-Ġid” f’kapitlu 1). Itlob li tkun konxju tal-opportunitajiet biex tagħmel il-ġid f’kull jum. Xi drabi s-servizz tiegħek se jkun ippjanat, imma ħafna drabi se jkun spontanju. Sib modi sempliċi u immedjati biex isservi, tgħin, u eleva lin-nies. Ftakar li l-Mulej ħa opportunitajiet mhux mistennija biex jersaq lejn l-oħrajn u jberikhom.
Servi b’xewqa sinċiera biex tgħin lin-nies. Jekk is-servizz iwasslek għal opportunità ta’ tagħlim, kun grat. Jekk le, allura kun grat li għamilt xi ħaġa tajba għal xi ħadd. Wieġeb mistoqsijiet jekk in-nies jistaqsuhom. Jekk xi ħadd juri interess, wieġeb fil-qosor u irranġa biex tiltaqa’ f’ħin differenti biex taqsam messaġġ mal-oħrajn.
Kun ċert li ssegwi l-linjigwidi għas-servizz f’Standards tal-Missjoni għad-Dixxipli ta’ Ġesù Kristu, 2.7 u 7.2.
Sib lin-Nies Fejn Qegħdin
Biex issib lin-nies fejn qegħdin trid tibda billi tipprova tarahom kif jagħmel Alla. Assumi li int jista’ jkun ġejt imressaq biex titkellem ma’ din il-persuna, jew li hu jew hi jista’ jkun li ġew imressqa lejk. Fittex li tifhem il-ħtiġijiet u x-xewqat spiritwali tan-nies. Skopri x’inhu l-aktar ħaġa importanti għalihom, speċjalment fir-relazzjonijiet mal-familja u ma’ Alla. Jista’ jkun li tistaqsi mistoqsijiet bħal dawn t’hawn taħt—imbagħad isma’ b’mod sinċier:
X’inhi l-aktar ħaġa li tagħti valur?
X’jagħtik l-hena?
Xi trid għall-futur tiegħek u għal dawk li tħobb?
Xi sfidi tiffaċċja waqt li tipprova tilħaq l-aspirazzjonijiet u l-ħolm tiegħek?
X’aspetti mill-ħajja tiegħek tixtieq ittejjeb?
Fittex ispirazzjoni hekk kif tirrifletti fuq dak li tgħallem dwar l-aspirazzjonijiet u x-xewqat tal-persuna. X’veritajiet tal-evanġelju jgħaqqduk ma’ dak li hu jew hi jridu?
Ikkunsidra Hu jew hi x’jafu dwarek? X’tista’ toffri li jista’ jkun ta’ għajnuna? Il-persuna tħoss li l-interazzjoni miegħek se tkun siewja?
Ikkunsidra raġunijiet differenti li n-nies jista’ jkun li jridu jsiru jafuk, jafu lill-membri oħrajn, jew lill-Knisja. Xi eżempji ta’ dak li tista’ tipprovdi huma msemmija hawn taħt.
Immaġni
missjunarji jitkellmu ma’ mara
Agħti Esperjenzi jew Informazzjoni li Huma Se Jqisu ta’ Valur
Uża r-riżorsi tal-Knisja u t-talenti u l-ħiliet tiegħek biex tagħmel konnessjoni mal-interessi ta’ xi ħadd. Fittex l-għajnuna tal-Missier fis-Smewwiet meta toffri informazzjoni jew esperjenzi li l-persuna se tara valur fihom.
Kun miftuħ għal ispirazzjoni u kun kreattiv hekk kif taħdeb dwar tipi differenti ta’ esperjenza u informazzjoni li inti tista’ tipprovdi. Xi ideat huma mniżżlin hawn taħt.
Ixxerja link għal riżorsa tal-Knisja li tipprovdi informazzjoni dwar xi ħaġa li għandha tinteressahom.
Organizza avveniment bħal xi devozzjonali (fil-persuna jew striming dirett).
Offri xi ħaġa f’xi laqgħa jew avveniment lokali (per eżempju, oħloq siġar tal-istorja tal-familja bla ebda ħlas fis-suq lokali).
Offri li tgħallem klassi.
Organizza klassi tal-istudju tal-iskrittura, jew offri li taqra magħhom l-Bibbja jew skrittura oħra.
Għallem l-Ingliż bħala t-tieni lingwa
Ippubbliċizza attivitajiet tal-Knisja lokali bħal xi parti waqt il-btajjel jew klassijiet tal-awto-dipendenza. Uża flyers jew il-midja soċjali.
Stedinhom għal servizz tal-magħamudija.
Offri lli ddawwarhom mad-dar tal-laqgħat fil-lokal tagħhom.
Waħda mill-esperjenzi l-aktar ta’ valur li int tista’ tgħin lin-nies li jkollhom hija li jattendu s-servizz tal-Knisja. Stedinhom u spjegalhom f’xiex se tikkonsisti. Għidilhom kif li jattendu laqgħa tas-sagrament se jberkilhom ħajjithom.
Iffaċilita Relazzjonijiet Ġenwini
Ħafna nies ikunu jixtiequ li jiltaqgħu ma’ nies oħra fil-komunità tagħhom jew li jsiru jafuhom aħjar. Xi nies iħossuhom waħedhom. Xi ideat li jistgħu jwasslu biex jiffaċilitaw relazzjonijiet ġenwini huma mniżżlin hawn taħt.
Żur nies li riċentament ġew joqogħdu fiż-żona biex tilqagħhom.
Introduċi nies fil-komunità ma’ membri li għandhom interessi komuni.
Stieden lin-nies għal-laqgħat tal-qasam, l-attivitajiet, u meta jkun hemm open houses.
Offri li tgħinhom jagħmlu konnessjonijiet mal-mexxej fil-qasam tat-tempju u tal-istorja tal-familja, li jista’ jgħinhom jitgħallmu iktar dwar membri tal-familja tagħhom li huma mejtin.
Offri li tgħallem lin-nies kif jagħmlu lejla d-dar jew jaqraw l-iskrittura bħala familja. (Ara Manwal Ġenerali, 2.2.4, għall-prinċipji ta’ għajnuna li jistgħu jiġu addattati għaċ-ċirkostanzi tan-nies).
Stieden lin-nies tal-età xierqa biex jattendu s-seminarju, jattendu istitut, jew jipparteċipaw fi BYU–Pathway Worldwide.
Hemm bosta metodi onorabbli biex issib lil dawk li huma pprepartati għall-evanġelju rrestawrat. Agħmel mill-aħjar li tista’ biex titqiegħed fit-triq ta’ dawk li qed jitħejjew.
Studju akkumpanjat
Identifika xi ideat minn din is-sezzjoni li ma ppruvajtx. Agħmel pjanijiet biex tipprova xi ftit mill-ideat matul il-ġimgħa d-dieħla.
Ikkuntattja Nies Irreferuti Għandek
In-nies li ġew irreferuti għandek jistgħu jkunu lesti biex jirċievu l-evanġelju ta’ Ġesù Kristu. Ir-referenzi jistgħu jiġu mill-membri tal-Knisja, missjunjarji oħrajn, mill-kwartieri tal-Knisja, u mill-isforzi tal-midja soċjali lokali.
Ilħaq lill-Ħaddiehor fil-Pront
Meta persuna tkun referuta għandek permezz tal-kwartieri jew tal-midja soċjali lokali, irrevedi l-informazzjoni fl-app Ippriedka l-Evanġelju Tiegħi dwar l-interessi tagħhom. Agħmel attentat biex tikkuntattjahom mill-aktar fis possibbli.
Immaġni
missjunarju jħabbat bieb
Uża l-linjigwidi li ġejjin meta taħdem man-nies referuti għandek:
Jekk persuna kienet referuta minn membru jew minn missjunarji oħrajn, ikkuntattja lill-persuna li bagħtet ir-referenza biex issir taf aktar. Jekk il-missjunarji irreferew lill-persuna, jista’ jkun li huma jinfurmawk b’mod virtwali jekk il-mexxej tal-missjoni tagħhom japprova. Il-membri jistgħu jingħaqdu miegħek personalment jew virtwalment biex jipparteċipaw fit-tagħlim.
Agħmel tentattiv fil-pront biex tikkuntattja lill-persuna permezz ta’ żjara, telefonata, messaġġ, imejl, jew mezz ieħor ta’ komunikazzjoni. Jekk il-persuna ma tirrispondix, ipprova kkuntattjaha f’ħin differenti tal-ġurnata.
Jekk il-kuntatt inizzjali tiegħek kien permezz ta’ telefonata, messaġġ, jew imejl, irranġa ħin biex tiltaqa’ personalment jew permezz tat-teknoloġija.
Bħala ħidma mal-kumpann tiegħek, irrevedi t-talba tal-persuna u identifika l-bżonnijiet u l-interessi tagħha. Iddetermina kif l-evanġelju jista’ jgħinha biex tilħaq dawk il-bżonnijiet.
Meta tiltaqgħu, ġib kull oġġetti mitluba, bħall-Ktieb ta’ Mormon. Aqsam il-veritajiet tal-evanġelju mil-lezzjonijiet tal-missjoni li huma relevanti għall-interessi u l-bżonnijiet tan-nies.
Xi drabi nies li huma referuti jistgħu jwassluk għal oħrajn li Alla qed jipprepara. Jekk in-nies li tikkuntattja ma jkunux interessati, staqsi jekk jafux oħrajn li jistgħu jkunu interessati jew li għandhom bżonn it-tama f’ħajjithom. Forsi ġejt imlaqqa’ ma’ din il-persuna għax xi ħaddieħor fid-dar jew fl-akwati huwa lest għall-evanġelju
Jekk appuntament ma’ xi ħadd jiġi kkanċellat, ikkunsidra kif tista’ tagħmel xogħol missjunarju fl-akwati. L-app Ippriedka l-Evanġelju Tiegħi tista’ tgħinek issib nies fil-qrib li diġa’ ġew ikkuntattjati jew mgħallma.
Irreferri Nies lill-Missjunarji f’Żona Oħra
Meta tiltaqa’ man-nies li huma interessati li jitgħallmu aktar dwar l-evanġelju imma joqogħdu barra mir-reġjun assenjat lilek, introduċihom mal-evanġelju. Imbagħad għinhom jippreparaw biex jiltaqgħu mal-missjunarji u mal-membri fejn joqogħdu.
Bl-approvazzjoni tal-president tal-missjoni, int tista’ tkompli tissapportja lil dawn in-nies biex tgħinhom jirċievu l-evanġelju (ara Standards tal-Missjoni, 7.5.4).
Studju akkumpanjat
Irrevedi n-nies kollha li ġew referuti fir-reġjun tiegħek matul l-aħħar xahar. Identifika xi nies li ma stajtx tikkuntattja, u erġa’ prova kkuntattjahom. Iddeċiedi liema minn dawk li ġew ikkuntattjati għandhom jerġgħu jingħataw żjara. Aġġorna dawn ir-rekords fl-app Ippriedka l-Evanġelju Tiegħi.
Immaġni
missjunarji jitkellmu fuq il-mowbajl
Uża t-Teknoloġija
Hemm diversi modi ta’ kif tista’ tuża t-teknoloġija biex issib nies biex tgħallem. Xi eżempji huma mniżżla hawn taħt:
Uża l-midja soċjali biex taħdem mal-membri biex isibu n-nies.
Ibni relazzjonijiet billi tilħaq lin-nies permezz tal-imejl u midja soċjali.
Aqsam mal-oħrajn skritturi edifikanti, kwotazzjonijiet, u messaġġi mill-evanġelju.
Għin lin-nies jużaw FamilySerach.org biex jitgħallmu aktar dwar membri tal-familja tagħhom li jkunu għaddew għall-ħajja l-oħra.
Offri klassijiet onlajn biex tgħallem il-ħiliet.
Agħmel konnessjonijiet xierqa permezz ta’ gruppi ta’ interess onlajn.
Oħloq post li javża x’avvenimenti tal-qasam se jkun imiss.
Li nużaw it-teknoloġija huwa mod importanti biex inżommu “diversi xlief fl-ilma” matul il-ġurnata. Apparti l-isforzi l-oħrajn biex issib, żomm diversi xlief fl-ilma permezz tal-internet.
Immaġni
il-Presbiteru David A. Bednar
Il-Presbiteru David A. Bednar għallem: “It-teknoloġija tipprovdi diversi oqsma b’saħħithom li permezz tagħhom aħna nistgħu niddikkjaraw lil ‘Ġesù Kristu, u lilu msallab’ u ‘nippridkaw l-indiema lin-nies’ [1 Korintin 2:2; Duttrina u Patti 44:3]. Il-ġenerazzjoni li għadha tielgħa hija mħejjija speċjalment tajjeb biex tisma’ u titgħallem dwar l-evanġelju rrestawrat permezz tal-mezzi tal-komunikazzjoni” (“Messhom Jipproklamaw dal-Ħwejjeġ lid-Dinja,” seminar għall-presidenti tal-missjoni ġodda, 24 ta’ Ġunju, 2016).
Studju Akkumpanjat
Skopri x’qed tagħmel il-missjoni tiegħek f’dak li għandu x’jaqsam mal-midja soċjali. Iddiskuti mal-kumpann tiegħek kif tista’ toħloq posts fuq il-midja soċjali li jallinejaw ma’ dan. Il-posts tiegħek għandhom jikkonformaw mal-polisi interna tal-Knisja (ara “Internet” f’sezzjoni 3.8 tal-Manwal Ġenerali).
Jekk il-missjoni tiegħek għandha speċjalista fuq il-midja soċjali, ħu parir ta’ dan l-espert jew esperta meta tiġi biex toħloq posts fuq il-midja soċjali.
Immaġni
żewġ nisa jitħaddtu
Uża l-Istorja tal-Familja
L-Istorja tal-familja huwa mod ieħor kif inti tista’ ssib nies biex tgħallem. Madwar id-dinja, l-Ispirtu qed jinfluwenza miljuni ta’ nies biex jidetifikaw l-antenati mejtin tagħhom. Bosta jridu konnessjoni iktar b’saħħitha mal-familja estiża tagġhom. Dan jista’ jwassal għax-xewqa li jsibu konnessjoni u identità bħala parti mill-familja ta’ Alla.
Dak li xi drabi nirreferu għalih bħala l-ispirtu ta’ Elija huwa l-influwenza tal-Ispirtu s-Santu li jressaq lin-nies biex jidentifikaw, jiddokumentaw, u jgħożżu lill-membri tal-familja tagħhom—kemm tal-passat u kemm tal-preżent (ara Malakija 4:5–6).
Int u tfittex, tista’ tintroduċi lin-nies għall-FamilySearch.org jew testedinhom biex iniżżlu l-app FamilySearch Tree jew l-app FamilySearch Memories Tista’ tagħtihom kopja tal-ktejjeb Il-Familja Tiegħi: Stejjer li Jressquna Flimkien. Dawn ir-riżorsi jgħinu lin-nies biex jiskopru nies jiġu minnhom u antenati u biex jiġbru l-istejjer tagħhom.
Iddetermina x’riżorsi tal-istorja tal-familja huma disponibbli fiż-żona tiegħek u kif dawn jistgħu jgħinu lin-nies li int tikkuntattja. Il-mexxej tat-tempju fil-qasam u tempji u l-istorja tal-familja jista’ jgħin lin-nies jidentifikaw l-antenati mejtin tagħhom.
Stieden lin-nies biex jaqsmu miegħek il-memorji tal-maħbubin tagħhom. Hekk kif jagħmlu dan, huma jistgħu jħossu l-Ispirtu s-Santu jagħtiom xhieda dwar l-importanza tal-familji fil-pjan ta’ Alla. Dawn il-mumenti jistgħu jwasslu għall-konverżazzjonijiet naturali dwar l-għan tal-ħajja, il-pjan ta’ Alla għall-kuntentizza, u l-irwol tas-Salvatur f’dak il-pjan.
Meta jkun xieraq, għallem lin-nies id-duttrina dwar ir-raġuni għalfejn il-membri tal-Knisja jagħmlu l-istorja tal-familja u kif dan tirrelata mat-tempji.
Itlob biex tkun konxju ta’ opportunitajiet biex tuża l-istorja tal-familja fl-isforzi tiegħek biex issib nies li tgħallem. Kun kreattiv, u qis li ssir familjari mar-riżorsi disponibbli.
Studju tal-Iskrittura
Studja l-iskrittura li ġejja dwar l-istorja tal-familja. Niżżel dak li titgħallem
Il-Qawwa li Tissiġilla Rrestawrata permezz ta’ Elija
Ipprova waħda, jew iktar, minn dawn l-attivitajiet li ġejjin biex jgħinuk issib permezz tal-istorja tal-familja.
Agħmel arranġamenti biex iżżur flimkien ma’ membru li għandu esperjenza bl-istorja tal-familja. Sir af x’servizzi huma disponibbli permezz tal-mexxej tat-tempju tal-qassam u tal-istorja tal-familja.
Ipprattika kif se toffri l-istorja tal-familja biex tgħin lil dawk li tiltaqa’ magħhom. Agħmel pjanijiet biex toffri l-istorja tal-familja fl-isforzi tiegħek li ssib nies biex tgħallem.
Aqra u ddiskuti l-ktejjeb Familji u Tempji biex tifhem aħjar il-ħidma tal-istorja tal-familja. Iktar dwar dak li titgħallem fid-djarju tal-istudju tiegħek.
Uża l-ktejjeb Il-Familja Tiegħi jew r-riżorsi tal-FamilySearch.org intu u ssib nies biex tgħallem.
Fejn hu possibbli, organizza open house, għallem klassi tal-istorja tal-familja f’post pubbliku, jew offri li tagħti pariri.
Sib Meta Tgħallem
Li nsibu u li ngħallmu huma attivitajiet relatati. In-nies li tgħallem ta’ spiss ikollhom ħbieb jew tal-familja li huma ppreparati li jirċievu l-evanġelju rrestawrat. Hekk kif in-nies li inti tgħallem jesperjenzaw il-barkiet tal-evanġelju, tikber ix-xewqa tagħhom li jaqsmuh ma’ ħaddieħor (ara 1 Nefi 8:12). Fis-sitwazzjonijiet—bħal meta nsibu, ngħallmu, u naħdmu ma’ membri—staqsi, “Lil min tafu li jista’ jibbenifika minn dan il-messaġġ?”
Meta dawk li inti tgħallem ikunu qed jitħejjew għas-servizz tal-magħmudija, staqsihom dwar tal-familja u l-ħbieb li huma jixtiequ jistiednu għall-magħmudija tagħhom. Agħmel pjanijiet li tistedinhom u tħeġġiġhom ilkoll li jiġu. L-Ispirtu jafu jinħass b’mod qawwi ħafna waqt servizz tal-magħmudija.
Studju Akkumpanjat
Irrevedi l-lista tan-nies li qed tgħallem. Agħmel lista ta’ dawk li ints staqsejt għar-referimenti u dawk li ma staqsejthomx. Ipprattika kif int se testendi stedina ta’ refereimenti lil dawk f’kull grupp. Fl-organizzatur tiegħek, agħmel nota biex testendi din l-istedina fiż-żjajjar sussegwenti tiegeħk.
Immaġni
xi nisa jħarsu lejn il-mowbajl
Għallem Meta Ssib
Hekk kif tiltaqa’ man-nies u tidentifika l-interessi u l-ħtiġijiet tagħhom, qis li tiżviluppa d-drawwa li tibda tgħallem u taqsam magħhom ix-xhieda tiegħek. Se ssib iktar nies x’tgħallem int u tixhed dwar is-Salvatur u l-evanġelju tiegħu u tippermettilhom li jħossu l-qawwa tal-Ispirtu s-Santu.
Ikkonsidra li tgħallem dwar suġġetti bħall-kuntentizza, l-avverità, l-għan tal-ħajja, jew il-mewt. Ikun x’ikun il-mod kif tersaq lejhom inizjalment, irreferi minnufih u b’mod sempliċi għas-Salvatur, l-evanġelju tiegħu, u s-sejħa Tiegħu tal-Profeta Joseph Smith. Dan huwa l-messaġġ uniku tagħna għad-dinja.
Is-sezzjonijiet li ġejjin jipprovdu eżempji ta’ kif int tista’ tgħallem fil-qosor dwar ir-Restawrazzjoni tal-evanġelju ta’ Ġesù Kristu u dwar l-importanza tal-familja.
Għallem u Ixhed dwar ir-Restawrazzjoni tal-Evanġelju ta’ Ġesù Kristu
Ixhed dwar Ġesù Kristu u għallem sommarji fil-qosor tal-verità rrestawrata. Per eżempju, tista’ tixhed dwar l-evanġelju rrestawrat ta’ Ġesù Kristu f’’żewġ sentenzi jew tlieta biss:
Wara sekli li kienu mitlufin, il-veritajiet ġew irrestawrati minn Alla kollha mħabba permezz ta’ profeta ħaj. Għandna evidenza ta’ dan li int tista’ żżomm f’idejk, taqra, u tixtarr f’qalbek. Nistednuk taqraha u titlob biex tagħraf il-verità tagħha għalik innifsek. Tippermettielna …
Jekk ikollok ftit iktar ħin, tista’ żżid:
Il-messaġġ tagħna huwa wieħed sempliċi. Alla huwa Missierna. Aħna wliedu. Aħna parti mill-familja Tiegħu. Huwa jafna personalment u jħobbna. Iridna nkunu kuntenti. Sa mill-bidu tad-dinja, Huwa segwa mudell li dejjem jersaq lejna bl-imħabba biex jiżvela l-evanġelju ta’ Ġesù Kristu sa biex uliedu jistgħu jagħrfu kif għandhom jirritornaw għandu. Huwa żvela dan lil profeti bħal Adam, Noè, Abraham, u Mosè. Iżda bosta nies għażlu ripetutament li jiċħdu l-evanġelju u l-profeti li għallmuh. Elfejn sena ilu, Ġesù Kristu stess għallem l-evanġelju Tiegħu. In-nies ċaħdu wkoll lil Ġesù. Wara l-mewt tal-Appostli ta’ Ġesù, in-nies għawġu d-duttrina vera, bħal dik dwar id-Divinità. Bidlu wkoll l-ordinanzi, bħall-magġmudija.
L-istedina tagħna lilek hi li nkomplu nżidu ma’ dik il-verità li inti diġà tgħożż. Ikkonsidra l-ewvidenza li l-Missier fis-Smewwiet resaq mill-ġdid len uliedu bl-imħabba u żvela d-duttrina vera u l-ordinanzi veri lil wieħed profeta. Dan il-profeta jismu Joseph Smith. L-evidenza ta’ din il-verità tinstab fi ktieb—il-Ktieb ta’ Mormon. Tista’ żżommu f’idejk, taqrah, u tixtarr il-verità tiegħu f’moħħok u qalbek. Nistednuk tattendi l-knisja biex issir taf iżjed.
Għallem u Agħti Xhieda dwar l-Importanza tal-Familja
Li tindirizza l-importanza tal-familja jgħinek issib nies biex tgħallem, sew jekk għandhom sfond Kristjan, u sew jekk m’għandhomx. Tista’ bla dewmien tispjega dak li l-maġġorparti tan-nies jafu dwar il-familja għall-pjan ta’ salvazzjoni tal-Missier fis-Smewwiet. Tista’ tgħidilhom xi ħaġa hekk:
Il-familja tagħna tista’ tkun waħda mill-influwenzi l-iktar importanti f’ħajjitna. Il-familja tagħna torbotna ma’ xulxin u tista’ tgħinna biex inħossuna meħtiġin u maħbubin.
Li jkollok familja b’saħħitha u kuntenta hija l-prijorità ta’ ħafna nies. Li jkollok żwieġ b’saħħtu u trabbi t-tfal fid-dinja tal-lum jista’ jkun ta’ sfida kbira.
Imbagħad tista’ tagħmel tranżizzjoni għall-messaġġ tar-Restawrazzjoni:
Int kont parti mill-familja ta’ Alla minn qabel ma twelidt. Huwa Missierna. Il-Missier fis-Smewwiet iridna nerġgħu lura u ngħixu miegħu Int wild Alla, u Hu jħobbok. Huwa għandu pjan biex jgħinek tirritorna għandu.
Dawn il-veritajiet, u oħrajn, ġew irrestawrati lid-dinja minn Missierna fis-Smewwiet, li tant iħobb, permezz ta’ profeta ħaj. Dawn il-veritajiet jgħinuna nifhmu l-post tagħna fil-familja ta’ Alla. Nistgħu ngħallmuk iktar dwatr dawn il-veritajiet? Tixtieq tattendi l-knisja sabiex issir taf iżjed?
Studju Akkumpanjat
Ippreparaw messaġġ ta’ minuta bbażat fuq waħda mil-lezzjonijiet f’kapitlu 3. Ipprattkaw li tgħiduha lil xulxin. Aħsbu f’modi kif tistgħu taqsmu dan il-messaġġ f’sitwazzjoni ta’ sejbien. Ippjanaw li taqsmuha f’sitwazzjoni xierqa biex tistiednu lil oħrajn ħalli jitgħallmu iktar dwar Ġesù Kristu.
L-Ebda Sforz Mhu Moħli
Meta n-nies jagħżlu li ma jitgħallmux iżjed dwar l-evanġelju rrestawrat, l-isforzi tiegħek mhumiex moħlijin. Forsi żrajt żerriegħa li tikber xi żmien ieħor. Indipendentament jekk dan jiġrix jew le, is-servizz tagħkom u l-espressjonijiet tagħkom ta’ mħabba ġenwina se tbierek lilkom it-tnejn u lilhom.
Jekk in-nies għadhom mhux lesti li jirċievu l-evanġelju, ara x’tista’ tagħmel iżjed biex tarrikkixxi lil ħajjithom. Ir-relazzjonijiet li tiżviluppa huma xorta sinifikanti u ta’ siwi. Ibqa’ kun ħabib tagħhom.
In-nies xi drabi għandhom bżonn iż-żmien biex jikkonsidraw il-bidliet li qed jintalbu li jagħmlu. Għinhom biex jirċievu messaġġi permezz tal-imejls u l-websajts tal-Knisja. Dawn il-messaġġi jistgħu jgħinu biex in-nies jiġu ppreparati li jaċċettaw stediniet fil-futur sabiex jitgħallmu iżjed.
Meta persuna ma teċċettax l-evanġelju, huwa naturali li wieħed iħossu diżappuntat. Madanakollu, meta ddur lejn il-Mulej fi żminijiet bħal dawn, Huwa wiegħed, “Jiena nwettqek, jiena ngħinek, inwieżnek” (Isaija 41:10).
Permezz tal-fidi fi Kristu, int tista’ ssib il-paċi u r-riassigurazzjoni dwar l-isforzi tiegħek. Żomm viżjoni ta’ min inti u tar-raġuni għalfejn qed isservi lill-Mulej bħala missjunarju Il-fidi se tgħinek tibqa’ tirsisti u tkompli fix-xewqat ġusti tiegħek.
Ideat għal Studju u Applikazzjoni
Studju Personali
Aqra Ġwanni 15:12, Ġwanni 21:15–17, 1 Tessalonkin 2, u Mosija 18:8–10. Kemm qed twettaq sew ir-responsabbiltà tiegħek li tħobb u sservi lill-oħrajn? Kif tista’ tijieb? Ikteb it-tweġibiet tiegħek fid-djarju tal-istudju tiegħek.
Aqra 3 Nefi 18:31–32, Alma 24:7–8, u Alma 32:41. X’jgħallmuk dawn il-versi dwar meta taħdem ma’ nies li kienu ġew mgħallma qabel? Irrekordja dak li titgħallem fid-djarju tal-istudju tiegħek. Għallem dan lill-kumpann tiegħek.
Kumpann tal-istudju u Skambju ta’ Kumpann
Agħmel pjanijiet biex tiltaqa’ ma’ membri ġodda fiż-żona tiegħek. F’każ li jkun meħtieġ, uża l-app Ippriedka l-Evanġelju Tiegħi biex tidentifikahom. Staqsi mistoqsijiet bħal dawn:
Kif ġejt imħejji għall-evanġelju?
Meta u kif ġejt għall-ewwel darba f’kuntatt mal-Knisja?
X’ħeġġek biex tiltaqa’ mal-missjunarji?
Kif nistgħu nissapportjaw il-progress kontinwu tiegħek?
Minn dawn il-messaġġi, x’tgħallimt dwar kif issib nies li jagħmlu progress lejn il-magħmudija? Agħmel pjanijiet biex tapplika dak li titgħallem din il-ġimgħa.
Irrevedi kull wieħed minn dawn is-suġġetti li ġejjin. Filwaqt li tuża l-lezzjonijiet f’kapitlu 3, ipprepara mod sempliċi kif issib. Ipprattika kif tgħallem f’ambjent fejn qed issib.
Inħossu l-ħtieġa għal iktar direzzjoni u għan fil-ħajja
Irridu inħossuna aktar viċin ta’ Alla
Neħtieġu l-għajnuna meta nieħdu deċiżjonijiet importanti.
Kunsill tad-Distrett, Konferenzi taż-Żona, u Kunsill tat-Tmexxija tal-Missjoni
Iddiskuti kif dawn l-ideat għenu lill-missjunarji jsibu nies biex jgħallmu.
Niżżel ideat oħra biex issib nies sabiex tgħallem. Stieden lill-missjunarji biex jiddeskrivu l-ideat tagħhom.
Stieden lill-missjunarji biex ifasslu miri personali biex itejbu l-isforzi tagħhom li jsibu.
Oħloq lista ta’ bosta opportunitajiet ta’ sejbien.
Assenja lil kull missjunarju waħda mill-opportunitajiet. Agħti lil kull missjunarju ħames minuti biex jipprepara kif hu jew hi ħa jgħallmu parti minn lezzjoni fis-sitwazzjoni assenjata.
Enfasizza l-ħtieġa li żżomm it-tul tal-messaġġ kif xieraq għas-sitwazzjoni.
Stieden bosta missjunarji biex jgħallmu l-lezzjoni li ppjanaw fis-sitwazzjoni assenjata tagħhom.
Stieden lill-missjunarji biex jipprattikaw billi jaqsmu ma’ xulxin messaġġ ta’ minuta dwar l-evanġelju. Tista’ tħejji varjetà ta’ sitwazzjonijiet ta’ sejbien, bħal per eżempju li tgħallem f’dar ta’ membru, li tgħallem fuq l-għatba ta’ bieb, li tgħallem fuq il-bakina fit-triq, jew li tikkuntattja lil xi riferiment. Qabbad lill-missjunarji jipprattikaw it-tagħlim f’kull wieħed minn dawn is-sitwazzjonijiet.
Mexxejja tal-Missjoni u Konsulenti tal-Missjoni
Kun ta’ eżempju għall-ħidma ta’ membru-missjunarju fil-familja tiegħek. Aqsma l-esperjenzi tiegħek mal-missjunarji u l-membri.
Ħu parir tal-mexxejja lokali tas-saċerdozju u l-organizzazzjoni dwar l-aqwa modi għall-missjunarji kif isibu nies x’jgħallmu fil-missjoni tiegħek.
Organizza devozzjonali ta’ missjoni li fihom int tista’ titkellem ma’ nies li qed jiġu mgħallma fil-missjoni tiegħek. Ikkoordina mal-mexxejja lokali tas-saċerdozju sabiex il-membri jistgħu jġibu lil ħbiebhom. Stieden membri ġodda biex jaqsmu t-testimonjanzi tagħhom u jirrakkonataw l-istejjer tagħhom tal-konverżjoni qabel ma titkellem.
Xi drabi mur mal-missjunarji biex tgħinhom isibu nies sabiex jgħallmu.