Kakabwaiakin te Aoraki

Kainibaire ni Kabuta

Bon tii kaain te Nakoanibonga ae te Merekitereka aika a kona ni kakabwaia te aoraki ke ake a rootaki. Ni bon arona uoman ke ae mwaiti riki kaain te nakoanibonga aika a na kakabwaia te aoraki, ma e kona temanna ni karaoa te kabiribiri ao te kamatoa n ti ngaia ngkana e riai. Ngkana e aki tauraoi te bwaa are e a tia ni katabuaki, te kakabwaia e na kona ni karaoaki n te kariaia n te nakoanibonga n akea te kabiribiri.

Te karo are e taua te Nakoanibonga ae te Merekitereka e bon riai ni kakabwaiaia kaain ana utu ake a aoraki.

Taari a riai ni kakabwaia te aoraki n aron ana bubuti te aomata ae e aoraki ke koraki ake a tabeaiainga n te aro bwa te kakabwaia e na kaineti ma aia onimaki (taraa Reirei ao Berita aika Tabu 24:13–14; 42:43–44, 48–52). Kaain te Nakoanibonga ae te Merekitereka ake a kawara te onaoraki a na riai n aki karikia bwa aia tai ni kakabwaia te aoraki ngkana a aki tuangaki.

Ngkana te aomata e bubuti te kakabwaia ae e raka iaon teuana ibukin te aoraki ae ti te arona, kaain te nakoanibonga a na aki kainnanoia bwa a na manga kabiribiri ma te bwaa imwiin te moan kakabwaia. N onea mwiin aei, e na anga te kakabwaia ni katokaakin baina ao n te kariaiakaki n te Nakoanibonga ae te Merekitereka.

Kakabwaiakin te aoraki iai uoua mwakorona: te kabiribiri ma te bwaa ao kamatoaan te kabiribiri.

Te Kabiribiri ma te Bwaa

Te kabiribiri e karaoaki iroun temanna kaain te Nakoanibonga ae te Merekitereka. Teuanne:

1. E na katimwa teuana te tim te bwaa iaon atuun te aomata.

2. E na katokai baina ni kabebetei iaon atuun te aomata ao ni wetea bwaninin aran teuanne ke neienne.

3. E na taekinna bwa e mwakuri man te kariaiakaki n te Nakoanibonga ae te Merekitereka.

4. Taekinna bwa e kabiribiri ma te bwaa ae e a tia ni katabuaki ibukin te kabiribiri ao kakabwaiakin te aoraki ao ake a rootaki.

5. Kainna n aran Iesu Kristo.

Kamatoakin te Kabiribiri

Ni bon arona, uoman ke ae mwaiti riki kaain te Nakoanibonga ae te Merekitereka ake a na katokai baia ni kabebetei iaon atuun te aomata. Te aomata are e kamatoa te kabiribiri:

1. Wetea bwaninin aran teuanne ke neienne.

2. Taekinna bwa e kamatoa te kabiribiri n te kariaiakaki man te Nakoanibonga ae te Merekitereka.

3. Anga taekan te kakabwaia n aron ana kairiiri te Tamnei.

4. Kainna n aran Iesu Kristo.