Te Bwabetito ao Te Kamatoa

te mwaane e bwabetitoa te aine

Karaoakin te otenanti ni kamaiu aei e kainnanoa te kariaiakaki mairoun te tia kairiiri n te nakoanibonga are e taui taian kiing aika a katauaki ke are e mwakuri iaan ana kaetieti te aomata are e taui kiing akanne .

Taan Kakoaua n te Bwabetito

Uoman ibonga ke kaain te Nakoanibonga ae te Merekitereka a na kakoaua te bwabetito n tatabeua ni kakoaua bwa e karaoaki raoi. Te bwabetito e bon riai ni manga karaoaki ngkana taeka a bon aki taekinaki n aron are e kaotaki n Reirei ao Berita aika Tabu 20:73 ke ngkana iteran rabwatan te aomata ke te kunnikai e aki bane ni mena iaan te ran.

Kaetieti ibukin Karaoakin te Bwabetito

Iaan ana kaetieti te tia tararua ae kariaiakaki, te ibonga ke kaain te Nakoanibonga ae te Merekitereka e na karaoa te otenanti ni bwabetito. Ni karaoakina, e na:

1. Tei inanon te ran ma te aomata are e na bwabetitoaki.

2. Taua touni bain te aomata are n te angatai ni baina te maing (ibukin karaoakina ao te kamaiu); te aomata are e bwabetitoaki e na taua tonutonun bain kaain te nakoanibonga ni baina te angamaing.

3. Tabeka baina te angatai ni katikuea.

4. Atonga bwaninin aran te aomata ao n taekina, “N reken te kariaiakaki mai iroun Iesu Kristo, I bwabetitoiko n aran te Tama, ao te Nati, ao te Tamnei ae Raoiroi. Amen“ (Reirei ao Berita aika Tabu 20:73).

5. Ngkana e a tia n taua bwairina neienne ke teuanne ni baina are te atai (ibukin karaokina); imwina kaain te nakoanibonga e na kamena baina are te angatai i nukan te aomata ao ni kateboa te aomata ni kabanea rabwatana ni ikotaki ma kunnikain te aomata.

6. Buoka te aomata ni kaotinakoa man te ran.

Te Kamatoaki ao ana Bwaintituaraoi te Tamnei ae raoiroi

Te aomata e na bon kamatoaki bwa te membwa n te Ekaretia ao ni karekea ana bwaintituaraoi te Tamnei ae Raoiroi imwin bwabetitoakina (taraa Reirei ao Berita aika Tabu 20:41). Te aomata e riki bwa te membwa n te Ekaretia tii imwin taian otenanti n te bwabetito ao te kamatoaki ake a kaai n tia raoi ao n rn tauaki raoi mwia (taraa Ioane 3:5; Reirei ao Berita aika Tabu 33:11).

Iaan ana kaetieti te bitiobiriki, temanna ke ae mwaiti riki kaain te Nakoanibonga ae te Merekitereka a na iri n te kamatoa. A na katokai baia ni kabebetei iaon atun te aomata. Imwina te aomata are e karaoa te otenanti:

1. E na atonga bwaninin aran te aomata.

2. E na taekinna bwa e karaoaki te otenanti man te kariaiakaki n te Nakoanibonga ae te Merekitereka.

3. Kamatoan te aomata bwa te membwa n Ana Ekaretia Iesu Kristo ibukia Aika Itiaki ni Boong aika Kaitira.

4. Kamanenai taeka “Karekea te Tamnei ae Raoiroi” (tiaki “karekea ana bwaintituaraoi te Tamnei ao Raoiroi”).

5. Aanga taekan te kakabwaia n aron ana kairiiri te Tamnei.

6. Kainna n aran Iesu Kristo.