Ana Kakabwaia te Tama ao Kakabwaia Tabeua n te Karaunano ao Taeka n Reirei

Ana kakabwaia te tama ao kakabwaia riki tabeua n te nakoanibonga a karaoaki bwa a na anga te kaetieti ao te karaunano n aron ana kairiiri te Tamnei.

Te tama are e taua te Nakoanibonga are te Merekitereka e na anga ana kakabwaia te tama nakoia natina. Kakabwaia aikai a na bon rangi ni ibuobuoki riki ngkana a nakon te reirei ataei, n nako ni mitinare, a mare, a rin n te tanga ni buaka, ke ni kaitara ma kakaewenako aika a onoti. Te utu e kona n rawea ana kakabwaia te karo ibukin ana rekooti te utu ma kakabwaia aikai aki kawakinaki ibukin ana rekooti te Ekaretia. Kaaro a riai ni kaungaia natiia n ukeri ana kakabwaia te karo n taai ake a kainnanoaki.

Kaain te Nakoanibonga ae te Merekitereka a kona naba n anga te kakabwaia ni karaunano ao taeka ni ibuobuoki nakoia membwa tabeman n te utu, ao ake a bubuti ibukina.

N anga ana kakabwaia te tama ke te kakabwaia ni karaunano ao taeka ni ibuobuoki, temanna ke ae mwaiti riki kaain te Nakoanibonga a na katokai baia ni kabebetei iaon atuun te aomata. Imwina kaain te Nakoanibonga are e anga te kakabwaia e:

1. Wetea te aomata ni bwaninin aran teuanne ke neienne.

2. Taekinna bwa te kakabwaia e karaoaki man te kariaiakaki n te Nakoanibonga ae te Merekitereka.

3. Anga taeka ni kakabwaia n aron ana kairiiri te Tamnei.

4. Kainna n aran Iesu Kristo.