Katabuakin Ruanimate

Karaoakin te otenanti aio e kainnnanoa te kariaiakaki mairoun te tia kairiiri n te nakoanibonga are e taui taian kiing aika a katauaki ke are e mwakuri iaan ana kaetieti te aomata are e taui kiing akanne .

Te aomata are e katabua te ruanimate e riai n iai irouna te Nakoanibonga ae te Merekitereka ao ni kariaiakaki iroun te aobitia n te nakoanibonga are e kaira waakin te taromauri. Ni katabuakin te ruanimate, teuanne:

1. E na atonga Tamara are I Karawa.

2. E na taekinna bwa e mwakuri man te kariaiakaki n te Nakoanibonga ae te Merekitereka.

3. Katabwenan ao katabuan te tabo n taunimate bwa te tabo ni motirawa ibukin rabwatan te mate.

4. Tataro bwa e na katabuaki te tabo ao ni kamanoaki ni karokoa te Mangauti (ngkana e riai).

5. Butia te Uea bwa e na karaua nanon te utu ao n taekini iango n aron ana kairiiri te Tamnei.

6. Kainna n aran Iesu Kristo.

Ngkana te utu a tangira riki, te tataro irarikin te ruanimate nakon te taromauri ni katabu e na karaoaki.

Ngkana e kamannangaki rabwatan te membwa n te Ekaretia, te aobitia n tararua e na kamanena ana moti ni baireia bwa e na katabuaki te tabo are e na kawakinaki iai te mannang. E na iangoi bwaai aika e tangiri te utu, katein te tabo, ao tuan te tabo. Ngkana e katabuaki te tabo, kaain te nakoanibonga e kona ni bitii kaetieti ibukin katabuakin te ruanimate.