Արդյո՞ք նույն սեռի հանդեպ հրապուրանքը մեղք է։

Զգացմունքները մեղք չեն

Նույն սեռի հանդեպ հակվածություն զգալը մեղք չէ: Նախագահ Մ. Ռասսել Բալլարդը նշել է.

«Եկեք պարզ արտահայտվենք. Հիսուս Քրիստոսի Վերջին Օրերի Սրբերի Եկեղեցին հավատացած է, որ «նույն սեռի հանդեպ հակվածություն զգալը բարդ իրողություն է շատ մարդկանց համար: Ինքնին համակրանքը մեղք չէ, բայց եթե վերածվում է գործողության, ապա մեղք է: Չնայած համակրանքը կարող է առաջանալ անկախ մարդու ցանկության, մարդը ինքն է ընտրում՝ ինչպես արձագանքել այդ զգացմունքին: Եկեղեցին սիրով և ըմբռնումով ձեռք է մեկնում Աստծո բոլոր զավակներին, այդ թվում նաև [նույն սեռի հանդեպ հակվածություն զգացողներին]» (“The Lord Needs You Now!” Liahona, Sept. 2015, 15):

Չնայած նույն սեռի հանդեպ հակվածությունը մեղք չէ, այն կարող է դժվար հաղթահարելի լինել: Չնայած մարդը կարող է անկախ իրենից նման զգացումներ ունենալ, նա կարող է պարտավորություն վերցնել պահելու Աստծո պատվիրանները: Ծնողը, ում երեխան նույն սեռի հանդեպ հակվածություն է զգում կամ իրեն նույնասեռական է համարում, պետք է ընտրի սիրել և ընդունել այդ երեխային: Որպես Եկեղեցու անդամների համայնք, մեր ընտրությամբ պետք է հյուրընկալ համայնք ստեղծենք: