Ի՞նչ պետք է հասկանամ նույն սեռի հանդեպ հակվածություն ունենալու մասին։

Հաճախակի տրվող հարցերի պատասխանները

• Նույն սեռի հանդեպ հակվածությունը (ՆՍՀ) վերաբերում է նույն սեռի անձի հանդեպ առկա հուզական, ֆիզիկական, ռոմանտիկ կամ սեռական հրապուրանքին: Եթե մարդը նույն սեռի հանդեպ հակվածություն է զգում, նա ընտրություն ունի՝ սեռական կողմնորոշման պիտակ վերցնել, թե իրեն այդպիսին չհամարել: Երկու դեպքում էլ նույն սեռի հանդեպ հակվածությունը տեխնիկական եզր է, որն առանց պիտակավորելու նկարագրում է տվյալ փորձությունը: Սույն վեբ կայքն օգտագործում է այդ եզրը, որպեսզի ընդգրկի այն մարդկանց, ովքեր անհարմար են զգում պիտակ կրել, չանտեսելով նույնասեռական տղամարդկանց և կանանց, ինչպես նաև երկսեռական անհատների գոյությունը:

• Նույն սեռի հանդեպ հակվածությունը նույն կերպ չի արտահայտվում բոլորի մոտ: Որոշ մարդիկ նախընտրում են օգտագործել սեռական ինքնության պիտակ, իսկ մյուսները՝ ոչ: Այս հոդվածը նշված են սեռական կողմնորոշման ընդհանուր պիտակների հիմնական սահմանումները:

• Սեռական կողմնորոշումը կարող է վերաբերել հուզական, ռոմանտիկ կամ սեռական հրապուրանքին, ինչպես նաև ինքնության զգացողությանը: Ոմանք հեշտ են տարբերակում սեռական հրապուրանքը, հուզական հրապուրանքը և ինքնությունը, այլ ոչ թե բոլորը խմբավորել «սեռական կողմնորոշման» տակ:

• Ամենատարածված պիտակներն են լեսբուհիները (կանանց հանդեպ հրապուրանք զգող կանայք), գեյերը (տղամարդկանց հանդեպ հրապուրանք զգող տղամարդիկ) և բիսեքսուալները (տղամարդը և կինը հրապուրանք է զգում երկու սեռերի հանդեպ): Որոշ կանայք իրենց նկարագրելու համար կարող են օգտագործել նաև գեյ եզրույթը: Մարդիկ կարող են օգտագործել այլ պիտակներ, իսկ ոմանք, ովքեր նույն սեռի հանդեպ հակվածություն են ունենում, նախընտրում են չօգտագործել պիտակ իրենց նկարագրելու համար: Այն, թե ինչպես են մարդիկ ընտրում նույնականացնել իրենց, ժամանակի ընթացքում կարող է փոխվել:

• Հակվածությունը՝ մարդու ինքնությունը չէ։ Մարդիկ են ընտրում, թե ինչպես են բնութագրվելու։ Կան ակտիվ, տաճարային երաշխավորագիր ունեցող Եկեղեցու անդամներ, որոնք պահում են մաքրաբարոյության օրենքը և իրենց բնութագրում են գեյ, լեսբուհի կամ երկսեռական: Կան Եկեղեցու ակտիվ անդամներ, որոնք նույն սեռի հանդեպ հակվածություն ունեն և երբեք իրենց չեն բնութագրում պիտակի միջոցով: Մեր հիմնական ինքնությունը միշտ կլինի որպես Աստծո զավակ:

• Սեռական ցանկությունները բարդ են և պայմանավորված են բազմաթիվ գործոններով: Չնայած որ ռոմանտիկ, հուզական կամ սեռական հակվածությունը կարող է սեռական կողմնորոշման նշան լինել, դուք չպետք է ինքնաբերաբար ենթադրեք, որ դա այդպես է: Սեռական զգացումը անկայուն է և փոխվելու հատկություն ունի:

• Նույն սեռի հանդեպ հակվածությունը և սեռական դիստրոֆիան մեծապես տարբերվում են: Օրինակ՝ սեռական դիստրոֆիա ունեցող մարդիկ միշտ չէ, որ հակվածություն են զգում նույն սեռի հանդեպ, իսկ նույն սեռի հանդեպ հակվածություն զգացող մարդկանց մեծամասնությունը սեռը փոխելու նպատակ չունի: Ե՛վ հոգեբանական, և՛ սպասավորման տեսանկյունից, երկուսը տարբերվում են: