tamaitai o loo faatalofa

Faaopoopoga

Taiala mo le Atinaega o Faiaoga

O lenei taiala mo le atinaega ua tuuina mai ai fautuaga mo taitai faamaopoopo ma taitai o polokalama e fesoasoani ai i faiaoga seminare e faamaea le Aoaoga mo Mataupu Aoaoina o le Seminare ma saunia ai mo se atinaega faaopoopo. Ua mamanuina e fesoasoani i faiaoga e aoao ai mai lea taimi i lea taimi, lea e mafai ona fesoasoani ia i latou ia aua nei lagonaina le lofituina.

Mafaufau e fatu se fuafuaga e fesoasoani ai i faiaoga fou e faamae’a aoaoga ma fesoasoani i isi faiaoga pe a manaomia. E mafai ona faia lenei mea i fonotaga tetele faalemasina a faiaoga pe fetuunai foi i manaoga o faiaoga taitoatasi. A o e mafaufau i le taimi o nei fautuaga, e taua le le lagonaina e faiaoga o le uunaia ia faatelevave ona faia laasaga taitasi. Vaavaai mo auala e faatulaga ai se faasologa o lesona talafeagai e fausia ai le gafatia a ou faiaoga.

A o Le’i Amata ona Latou Aoao Atu

• Valaaulia faiaoga e faitau ma mulimuli i faatonuga o i le “Taiala e Amata Vave Ai.”

• Fesoasoani ia i latou ia iloa le auala e maka ai le auai.

Laasaga 1

• Valaaulia faiaoga e faaaoga mataupu aoaoina o le seminare e ala i le mulimuli ma le faaeteete i lesona e pei ona otootoina mai.

• Faatulaga se taimi e talanoaina ai soo se fesili atonu e i ai e uiga i le mataupu aoaoina ma iloilo pe o faapefea ona latou faia.

Laasaga 2

• Valaaulia i latou e faamae’a le “Aoaoga mo Lesona o Sauniuniga mo le Olaga.”

• Faatulaga se taimi e talanoaina ai soo se fesili atonu o ia i latou e uiga i le auala latou te aoao atu ai Lesona o Sauniuniga mo le Olaga.

Laasaga 3

• Valaaulia i latou e faamae’a le “Aoaoga o le Atamai i Aoaoga Faavae.”

• Faatulaga se taimi e talanoaina ai soo se fesili atonu o ia i latou e uiga i le auala e fesoasoani ai i tamaiti aoga ia ausia le atamai i aoaoga faavae.

Laasaga 4

• Valaaulia i latou e faamae’a le “Aoaoga o le Iloiloga.”

• Faatulaga se taimi e talanoaina ai soo se fesili atonu e i ai e uiga i lesona o le Iloilo Lou Aoaoina po o le auala e fesoasoani ai i tamaiti aoga ia maua ni togi o le kosi mo le iloiloga.

Laasaga 5

• Valaaulia i latou e faamae’a le “Aoaoga o Mataupu Aoaoina o le Faaaogaina ma le Fetuunaiina o le Seminare.” O lea la ua faailoa atu i le taimi nei i faiaoga ia lesona eseese i mataupu aoaoina ma ua i ai se poto masani i le faaaogaina, atonu o le a sili atu ona mafai e faiaoga ona fetuunai ma le talafeagai ia mataupu aoaoina.

• Faatulaga se taimi e talanoaina ai soo se fesili atonu o i ai ia i latou e uiga i le auala e faaaoga ai ma fetuunai ma le talafeagai ia mataupu aoaoina a le seminare.

Laasaga 6

• Saunia se fuafuaga mo le atiina ae faaopoopo o faiaoga a o e fuaina, faauigaina, aoaoina, ma iloiloina o latou gafatia.