tamaitai o loo talanoa

Taiala e Vave Amata Ai

Saunia e Aoao Atu

Ao Le’i Amata Aoao E Atu

1. Suesue le folasaga i le Tusi Lesona a le Faiaoga Seminare. Faamasani oe lava i nisi o meafaigaluega o loo aofia ai i le tusi lesona, e pei o le Faamoemoega o Seminare ma Inisitituti o Mataupu Faalelotu (S&I).

2. Ia maua se taiala o le faasologa o lesona mai lou taitai faamaopoopo o le S&I po o le taitai o le polokalama mo lau faatulagaga o le seminare i le lotoifale.

3. Faaaoga le taiala lenei o le faasologa o lesona e faailoa ai le isi lesona o le a e aoao atu.

Vaaiga Aoao o le Tusi Lesona a le Faiaoga Seminare

Ua faatulagaina lenei tusi lesona i ni vaega autu se lua:

1. Lesona o le Kosi o Tusitusiga Paia, lea e fetaui ma anomea suesue o le Sau, Mulimuli Mai ia te A’u mo vaiaso taitasi.

2. Lesona o Sauniuniga mo le Olaga, lea ua mamanuina e fesoasoani ai i tamaiti aoga e saunia mo tulaga faigata o loo latou feagai i le taimi nei pe atonu foi e le o toe mamao ae latou feagai.

O vaega taitasi o sauniuniga o le vaiaso mo le Sau, Mulimuli Mai ia te A’u ma le Sauniuniga mo le Olaga o loo i ai se itulau o le vaaiga aoao. O itulau o le vaaiga aoao e aofia ai:

1. Faamoemoega o le lesona.

2. Manatu mo sauniuniga a tamaiti aoga.

3. O anomea mai le lesona atonu e manaomia ai se faaaliga e saunia mamao atu ai, e pei o manatu o lesona o mea faitino, pepa e fautuaina e tufa atu, ata, ma vitio.

Fuafuaga Autu mo se Vasega Seminare

O se vasega masani o le seminare e mafai ona mulimuli i se lisi o mataupu e talitutusa ma lenei:

1. Faafeiloai tamaiti aoga (2–3 minute)

2. Faigalotu (8–10 minute)

   1. Viiga

   2. Tatalo amata

   3. Mafaufauga faaleagaga e faia e se tamaitiiti aoga mai tusitusiga paia po o perofeta o ona po nei

3. Lesona

4. Tatalo faaiu

Aoaoga Faaopoopo

O le a e maua avanoa i le lumanai mo ni aoaoga faaopoopo. Mo le taimi nei, amata ona faamasani i au tamaiti aoga ma faamasani oe lava i mataupu aoaoina.