ongo fefine ʻoku lulululu

Fakamatala Fakalahi

Fakahinohino ki he Fakalakalaka ʻa e Faiakó

ʻOku ʻoatu ʻe he fakahinohino ki he fakalakalaka ko ʻení ha ngaahi fokotuʻu ki he kau kouʻotineitá mo e kau pule ʻo e polokalamá ke tokoni ki he kau faiako seminelí ʻi hono fakakakato ʻo e Ako ki he Naunau Fakalēsoni ʻa e Seminelí mo teuteu ki ha fakalakalaka lahi ange. ʻOku fakataumuʻa ia ke tokoniʻi ʻa e kau faiakó ke nau ako fakakongokonga, ke tokoni ke ʻoua te nau ongoʻi lōmekina.

Fakakaukau ke faʻu ha palani ke tokoni ki he kau faiako foʻoú ʻi hono fakakakato ʻa e ngaahi akó mo tokoniʻi ʻa e kau faiako kehé ʻo ka fiemaʻu. ʻE lava ke fakahoko ʻeni ʻi ha ngaahi fakataha ʻinisēvesi fakamāhina tokolahi ange pe liliu ke feʻunga mo e ngaahi fiemaʻu ʻa e faiako fakafoʻituitui takitaha. ʻI hoʻo fakakaukau ki he taimi ʻo e ngaahi fokotuʻu ko ʻení, ʻoku mahuʻinga ke ʻoua naʻa ongoʻi mafasia ʻa e kau faiakó ke nau fakahoko vave ʻa e sitepu takitaha. Kumi ha ngaahi founga ke fokotuʻu ai ha taimi feʻunga ke fakatupulaki ʻa e meʻa ʻe malava ʻe hoʻo kau faiakó.

Kimuʻa Pea Nau Kamata ʻa e Akoʻí

• Fakaafeʻi ʻa e kau faiakó ke nau lau mo muimui ki he ngaahi fakahinohino ʻi he “Fakahinohino Vave ki he Kamatá.”

• Tokoniʻi kinautolu ke nau ʻilo ʻa e founga ki hono taliui ʻo e maʻu-kalasí.

Sitepu 1

• Fakaafeʻi ʻa e kau faiakó ke nau fakaʻaongaʻi ʻa e naunau fakalēsoni ʻa e seminelí ʻaki ʻenau muimui fakalelei ki he ngaahi lēsoní ʻo hangē ko ia kuo fokotuʻutuʻu atú.

• Fakataimi-tēpileʻi ha taimi ke aleaʻi ai ha faʻahinga fehuʻi pē ʻoku nau maʻu fekauʻaki mo e naunau fakalēsoní pea mo siviʻi ʻa e tuʻunga ʻoku nau ʻi aí.

Sitepu 2

• Fakaafeʻi kinautolu ke fakakakato ʻa e “Ako ki he Ngaahi Lēsoni Teuteu ki he Moʻuí.”

• Fakataimi-tēpileʻi ha taimi ke aleaʻi ai haʻanau faʻahinga fehuʻi pē fekauʻaki mo hono akoʻi ʻo e ngaahi lēsoni Teuteu ki he Moʻuí.

Sitepu 3

• Fakaafeʻi kinautolu ke fakakakato ʻa e “Ako ki he Fakataukei Fakatokāteliné.”

• Fakataimi-tēpileʻi ha taimi ke aleaʻi ai haʻanau faʻahinga fehuʻi pē fekauʻaki mo e founga ke tokoniʻi ai ʻa e kau akó ke nau aʻusia ʻa e fakataukei fakatokāteliné.

Sitepu 4

• Fakaafeʻi kinautolu ke fakakakato ʻa e “Ako ki he Siviʻí.”

• Fakataimi-tēpileʻi ha taimi ke aleaʻi ai ha faʻahinga fehuʻi pē ʻoku nau maʻu fekauʻaki mo e ngaahi lēsoni Siviʻi Hoʻo Akó pe fekauʻaki mo e founga ke tokoniʻi ai ʻa e kau akó ke nau maʻu ʻa e maaka ʻo e kalasí ki he siví.

Sitepu 5

• Fakaafeʻi kinautolu ke nau fakakakato ʻa e “Ko Hono Fakaʻaongaʻi mo Fakafenāpasi ʻa e Ako ki he Naunau Fakalēsoni ʻa e Seminelí.” Kuo fakafeʻiloaki ʻeni ʻa e kau faiakó ki he ngaahi lēsoni kehekehe ʻi he naunau fakalēsoní pea kuo nau taukei ʻi hono fakaʻaongaʻi kinautolú, mahalo naʻa lava lelei ange ʻe he kau faiakó ʻo fakafenāpasi feʻunga ʻa e naunau fakalēsoní.

• Fakataimi-tēpileʻi ha taimi ke aleaʻi ai haʻanau faʻahinga fehuʻi pē fekauʻaki mo e founga ke fakaʻaongaʻi mo fakafenāpasi lelei ai ʻa e naunau fakalēsoni ʻa e seminelí.

Sitepu 6

• Teuteuʻi ha palani ki ha fakalakalaka lahi ange ʻa e faiakó ʻi hoʻo fuatautau, fakaʻuhingaʻi, akoʻi, mo siviʻi ʻa e ngaahi meʻa ʻoku nau malavá.