kau fafine ʻoku nau talanoa

Fakahinohino Vave ki he Kamatá

Ko e Teuteu ke Faiakó

Kimuʻa Pea Kamata Hoʻo Faiakó

1. Ako ʻa e talateu ki he Tohi Lēsoni ʻa e Faiako Seminelí. ʻAi ke ke maheni mo ha niʻihi ʻo e ngaahi meʻangāue ʻoku fakakau ʻi he tohi lēsoní, hangē ko e Taumuʻa ʻo e Seminelí mo e ʻInisititiuti Fakalotú (S&I).

2. Maʻu ha fakahinohino ki he vave hono akoʻí mei hoʻo kouʻotineita S&I pe pule ʻo e polokalamá ki hoʻo taimi-tēpile fakalotofonua ki he seminelí.

3. Fakaʻaongaʻi ʻa e taimi-tēpile ko ʻení ke ʻiloʻi ʻa e lēsoni hoko te ke akoʻí.

Vakai Fakalūkufua ki he Tohi Lēsoni ʻa e Faiako Seminelí

ʻOku fokotuʻutuʻu ʻa e tohi lēsoni ko ʻení ki ha konga lalahi ʻe ua:

1. Ngaahi lēsoni ʻo e Kalasi Ako Folofolá, ʻa ia ʻoku fekauʻaki mo e naunau ako ʻo e Haʻu, ʻo Muimui ʻIate Aú ki he uike takitaha.

2. Ngaahi lēsoni Teuteu ki he Moʻuí, ʻa ia ʻoku fakataumuʻa ke tokoni ki he kau akó ke nau teuteu ki he ngaahi tūkunga faingataʻa ʻoku nau lolotonga fehangahangai mo iá pe te nau fehangahangai mo ia ʻi he kahaʻú.

ʻOku ʻi he uike kotoa pē ʻo e Haʻu, ʻo Muimui ʻIate Aú mo e konga ʻo e Teuteu ki he Moʻuí ha peesi vakai fakalūkufua. ʻOku kau ʻi he ʻū peesi vakai fakalūkufuá ʻa e:

1. Ngaahi taumuʻa ʻo e lēsoní.

2. Ngaahi fakakaukau ki he teuteu ʻa e tokotaha akó.

3. Naunau mei he lēsoní ʻe ala fiemaʻu ki ai ha fakatokanga kimuʻa ke teuteu, hangē ko e ngaahi fakakaukau ki he lēsoni fakatātaá, ʻū laʻipepa tufa, ʻīmisi, mo e ngaahi vitiō kuo fokotuʻu atú.

Tefitoʻi ʻAsenita ki ha Kalasi Semineli

ʻE lava ke muimui ha kalasi semineli angamaheni ki ha ʻasenita hangē ko ʻení:

1. Talitali lelei ʻa e kau akó (miniti ʻe 2–3)

2. Fakataha lotu (miniti ʻe 8–10)

   1. Himi

   2. Fua lotu

   3. Poupou fakalaumālie mei ha tokotaha ako mei he folofolá pe kau palōfita ʻo onopōní

3. Lēsoni

4. Lotu tuku

Ako Lahi Ange

Te ke maʻu ha ngaahi faingamālie ʻi he kahaʻú ki ha ako lahi ange. ʻI he taimi ní, feinga ke ke maheni mo hoʻo kau akó pea ʻai ke ke maheni mo e naunau fakalēsoní.