Fakaafeʻi ʻa e Ako Fakamātoató

Taukei: Faʻu ha ngaahi fehuʻi ki hono fakaʻaongaʻí.

Ko e hā ʻeku ʻuluaki mahinó pe meʻa te u malavá? (Sivi)

Faʻu ha fehuʻi ʻokú ne fakaafeʻi ʻa e kau akó ke tauhi ʻa e ʻaho Sāpaté ke māʻoniʻoní.

Ko e hā nai ia, pea ko e hā ʻa e ʻuhinga ʻoku mahuʻinga aí? (Fakamatalaʻi):

ʻE lava ke tokoni hono teuteuʻi ha fehuʻi ke fakaʻaongaʻi ki he kau akó ke nau fakakaukau, lea, mo moʻui ʻo fakatatau ki he ngaahi tefitoʻi moʻoni kuo nau akó. ʻOku totonu ke fai ʻa e faʻahinga fehuʻi ko ʻení hili ʻa e mahino ki he kau akó ʻa e tefitoʻi moʻoní. ʻOku kau ai hono kumi ha ngaahi founga ke fakakaukau ai ʻa e kau akó ki he founga te nau liliu, moʻui ʻaki, pe fai ha meʻa ʻi ha founga kehe koeʻuhí ko e moʻoni naʻa nau akó pe vakavakaiʻí.

Ko hai pe ko e hā ʻokú ne ʻomi ha fakatātā lelei ʻo e meʻá ni? (Fakatātaaʻi):

ʻOku teuteu ʻe Sisitā ʻOlosoni ha lēsoni ki hono tauhi ʻo e ʻAho Sāpaté ke māʻoniʻoní. Hili hono fakakaukauʻi ʻa e founga te ne tokoniʻi ai ʻa e kau akó ke mahino kiate kinautolu ʻa e tefitoʻi moʻoni ko ʻení, ʻokú ne fakakaukau ki he meʻa te ne lava ʻo fehuʻi ke tokoniʻi ʻa e kau akó ke nau liliu, moʻui ʻaki, pe fai ha meʻa ʻi ha founga kehé. ʻOkú ne hiki ʻa e fehuʻi ko ʻení:

• Ko e hā ha ngaahi liliu ʻe fiemaʻu ke ke fai ke lelei ange ai hoʻo tauhi ʻa e ʻaho Sāpaté ke māʻoniʻoní?

Te u akoako fakaʻaongaʻi fēfē ʻa e taukei ko ʻení pe fakaʻaongaʻi ʻa e tefitoʻi moʻoni ko ʻení? (Akoako):

Faʻu ha ngaahi fehuʻi ki hono fakaʻaongaʻí ki he ngaahi tefitoʻi moʻoni ko ʻení:

• Fakamolemole

• Ko ha tefitoʻi moʻoni ʻi he lēsoni hoko te ke akoʻi

Fakalaulauloto pe aleaʻi:

• Ko e hā ʻokú ke ako ʻi hoʻo akoako faʻu ha ngaahi fehuʻi ki hono fakaʻaongaʻí?

• ʻOku tokoni ʻa e faiako ʻokú ne fehuʻi ʻi he founga lelei ʻa e ngaahi fehuʻi ki hono fakaʻaongaʻí ki he kau akó …

Ko e hā ʻa e founga mo e taimi te u fakakau ai ʻení?

Faʻu ha palani ki he founga te ke teuteuʻi ai ʻa e ngaahi fehuʻi ki hono fakaʻaongaʻí ki hoʻo ngaahi lēsoni ka hokó.