Parau poro’i nā te Peresidenira’a Mātāmua

Te mau taea’e ’e te mau tuahine here,

’Auē ïa rāve’a hanahana nō ’oe ’ia ha’api’i i te ’evanelia a Iesu Mesia ! E pi’ira’a ta’a ’ē ānei tō ’oe nō te ha’api’i ’aore rā ’aita, e ’orometua ha’api’i ’outou. ’Ei pipi nā te ’Orometua Rahi, ’o Iesu Mesia, e mau rāve’a tā ’oe nō te fa’a’ite i tōna māramarama i te mau vāhi ato’a tā ’oe e haere—i te fare, i te fare purera’a, ’a aupuru ai ’oe ia vetahi ’ē, ’e i rotopū i tō ’oe mau hoa. Te ha’api’ira’a i te ’evanelia ’o te ti’aturia’a mo’a ïa. E tuha’a faufa’a rahi te reira nō te ’ohipa a te Fatu, ’e e tupu maita’i te reira ’ia rave ana’e tātou mai te au i tāna fa’anahora’a.

Tē ani nei mātou ia ’oe ’ia ’apo rahi atu ā nō ni’a ia Iesu Mesia ’e nāhea ’oia i te ha’api’i i te ’evanelia. ’A tuatāpapa nā roto i te pure i tāna mau parau, tāna mau ’ohipa, ’e tōna iho huru mau, ’e ’a tūtava i te pe’e fātata atu ā iāna. E nehenehe te Ha’api’ira’a mai tā te Fa’aora e riro ’ei arata’i nō ’outou.

Te Peresidenira’a Mātāmua