Fakamatala Fakahisitōlia Nounou

ʻOku ʻoatu ʻe he fakahokohoko ko ʻeni ʻo e ngaahi meʻa naʻe hokó ha fakamatala fakahisitōlia nounou ki he ngaahi akonaki ʻa Palesiteni Siaosi Lolenisou Sinou ʻoku ʻoatu ʻi he tohi ko ʻení.

3 ʻEpeleli, 1814	Fāʻeleʻi ʻi Manatua ʻi ʻOhaioó, kia Loseta Leolona Petipouni Sinou mo ʻŌliva Sinou.
1832	Fanongo he malanga ʻa e Palōfita ko Siosefa Sāmitá ʻi Hailame, ʻOhaiō.
1835	Mavahe mei ʻapi ke ako ʻi he Kolisi ʻOpaliní ʻi ʻOhaiō. Fetaulaki ai mo ʻEletā Tēvita W. Peteni ʻo e Kōlomu ʻo e Kau ʻAposetolo ʻe Toko Hongofulu Mā Uá.
1836	Mavahe mei he Kolisi ʻOpaliní ʻo hiki ki Ketilani ʻi ʻOhaioó ke ako ki he lea faka-Hepeluú. Tali ʻa e ongoongolelei kuo toe fakafoki maí pea papitaiso mo hilifakinima ʻi Sune. Fakanofo kimuiange ko ha kaumātuʻá. Maʻu hono tāpuaki fakapēteliaké meia Siosefa Sāmita ko e Lahí ʻi Tīsema.
1837	Malangaʻaki ʻa e ongoongoleleí ʻi ʻOhaiō.
ʻOkatopa 1838 ki Mē 1840	Toe ngāue fakafaifekau ʻo ne malangaʻaki e ongoongoleleí ʻi ʻOhaiō, Mīsuli, Kenitaki mo ʻIlinoisi pea hoko ko ha faiako lolotonga e faʻahitaʻu momoko ʻo e 1839–40.
Mē 1840	Mavahe mei Nāvū, ʻIlinoisi ke ngāue fakafaifekau ʻi ʻIngilani. Naʻá ne tokangaʻi e Siasí ʻi Lonitoni, ʻIngilani mo hono ngaahi feituʻu kaungāʻapí, ʻo fakatatau mo e fakahinohino ʻa e Kōlomu ʻo e Kau ʻAposetolo ʻe Toko Hongofulu Mā Uá. Pulusi e tohi tufa ko e The Only Way to Be Saved.
12 ʻEpeleli 1843	Tūʻuta ʻi Nāvū, ʻIlinoisi mo ha kau ului ʻe toko 250 mei ʻIngilani.
Konga kimui ʻo e 1843 mo e konga kimuʻa ʻo e 1844	Faiako ʻi he ʻapiako ʻi Lima, ʻIlinoisí.
1844	Tokangaʻi ha kemipeini ʻi ʻOhaiō he feinga ke fili ʻa Siosefa Sāmita ko e Palesiteni ʻo e ʻIunaiteti Siteití. Toe foki ki Nāvū hili ʻene ʻilo kuo fakapoongi ʻa Siosefa mo Hailame Sāmitá, he ʻaho 27 ʻo Suné.
Sānuali 1845	Fili ʻe Palesiteni Pilikihami ʻIongi ke fononga ki ʻOhaiō ʻo tānaki ha ngaahi tokoni ke langa ʻa e Temipale Nāvuú.
1845	Fakahoko e mali tokolahí, ʻo hangē ko hono fakahoko he taimi ko iá ʻi he Siasí, peá ne mali ai mo Sālote Sikuea mo Mele ʻAteline Kōteti.
Fēpueli 1846	Mavahe mei Nāvū mo hono fāmilí mo ha niʻihi ʻo e Kāingalotú hili ʻenau maʻu honau ʻenitaumení pea silaʻi kinautolu ʻi he Temipale Nāvuú.
1846 ki he 1848	Nofo mo hono fāmilí ʻi ha feituʻu ne ui ko e Moʻunga Pisikaá ʻi he siteiti ʻAiouaá. Naʻá ne tokangaʻi honau nofoʻangá ʻi ha vahaʻa taimi. ʻI he faʻahitaʻu failau ʻo e 1848, naʻá ne tataki ai ha niʻihi ʻo e Kāingalotú ki Sōleki Siti.
12 Fēpueli 1849	Fakanofo ko ha ʻAposetolo ʻi Sōleki Siti.
1849	Tānaki e ngaahi tokoni ki he Paʻanga Hikifonua Tuʻuloá.
1849 ki he 1852	Ngāue fakafaifekau ʻi ʻĪtali. Toe ngāue ʻi ʻIngilani ʻo ne tokangaʻi ai hono pulusi ʻo e Tohi ʻa Molomoná ʻi he lea faka-ʻĪtalí pea ʻi Suisalani mo Malatā. Pulusi e tohitufa ko e The Voice of Joseph.
1852	Fili ki he Falealea ʻo e Siteiti ʻIutaá.
1853	Ui ʻe Pilikihami ʻIongi ke ne tokangaʻi e nofo ʻa e kāingalotú ʻi he Vahefonua Poukasi ʻEletaá, ʻi he fakatokelau ʻo ʻIutaá. Fakahingoa e kolo lahí ko Pilikihami Siti. Ngāue ʻi ha taʻu lahi ko ha takimuʻa ʻi he Siasí mo e koló.
Māʻasi 1864 ki Mē 1864	Ngāue fakafaifekau taimi nounou ki he ʻOtu Motu Hauaiʻí, fakataha mo ha kulupu naʻe taki ai ʻa ʻEletā ʻEselā T. Penisoni ʻo e Toko Hongofulu Mā Uá.
ʻOkatopa 1872 ki Siulai 1873	ʻAʻahi ki ha ngaahi konga ʻo ʻIulope mo e Hahake Lotolotó, kau ai e Fonua Tapú, fakataha mo ha kulupu naʻe taki ai ʻa Palesiteni Siaosi A. Sāmita, Tokoni ʻUluaki ʻi he Kau Palesitenisī ʻUluakí. Ko e kole ʻe Palesiteni Pilikihami ʻIongi ke fakahoko e folaú ni.
1882	Tali ʻe he Falealea ʻo e ʻIunaiteti Siteití ʻa e Lao Edmunds Act, ʻo hoko ai e mali tokolahí ko ha hia pea taʻofi ke fili (vote), maʻu ha lakanga fakapuleʻanga pe kau ki ha ngāue sula ʻa kinautolu ʻoku mali tokolahí.
ʻAokosi 1885 ki ʻOkatopa 1885	Ngāue fakafaifekau ki he kau ʻInitia ʻAmeliká ʻi he tokelauhihifo ʻo e ʻIunaiteti Siteití mo e siteiti ʻo Uaiōmingí.
12 Māʻasi 1886, ki he 18 Fēpueli 1887	Fakahū pōpula ko e mali tokolahí.
1887	Tali ʻe he Falealea ʻo e ʻIunaiteti Siteití ʻa e Edmunds-Tucker Act, ko ha lau pē ke fakafepakiʻi e mali tokolahí, ʻo fakaʻatā ai ki he puleʻangá ke nau puke ha konga lahi e kelekele ʻo e Siasí. Naʻe hoko ʻeni ko ha lao he ʻaho 3 ʻo Māʻasi 1887.
21–23 Mē 1888	Lau e lotu fakatapui ʻi he ngaahi fakatahaʻanga fakatapui ʻo e Temipale Menitai ʻIutaá. Naʻe fakatapui ʻa e temipalé ʻe Palesiteni Uilifooti Utalafi ʻi he ʻaho 17 ʻo Meé.
7 ʻEpeleli 1889	Hikinimaʻi ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá.
19 Mē 1893, ki Sepitema 1898	Hoko ko e fuofua palesiteni ʻo e Temipale Sōlekí.
2 Sepitema 1898	Hoko ko e ʻAposetolo Pulé mo e takimuʻa pule ʻo e Siasí ʻi he pekia ʻa Palesiteni Uilifooti Utalafí. Maʻu ha fakahā fakalangi ʻi he Temipale Sōlekí ʻo fakahinohinoʻi ai ia ʻe he ʻEikí ke hoko atu ʻa hono toe fokotuʻutuʻu foʻou ʻo e Kau Palesitenisī ʻUluakí.
13 Sepitema 1898	Hikinimaʻi ʻe he Kōlomu ʻo e Kau ʻAposetolo ʻe Toko Hongofulu Mā Uá ke hoko ko e Palesiteni ʻo e Siasí. Kamata ngāue ko e Palesitení.
9 ʻOkatopa 1898	Hikinimaʻi lolotonga e konifelenisi lahí ke hoko ko e Palesiteni ʻo e Siasí.
10 ʻOkatopa 1898	Vaheʻi ko e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
Mē 1899	Folau ki Seni Siaosi, ʻIutā peá ne maʻu ai ha fakahā ke malangaʻaki e fono ʻo e vahehongofulú ki he Kāingalotú. Kamata ʻene vahevahe ʻa e pōpoakí ni ʻi Seni Siaosi peá ne tataki e ngāue ke vahevahe atu ia ki he ngaahi feituʻu kotoa ʻo e Siasí.
1 Sānuali 1901	Pulusi ha fakamatala ne ui ko e “Greeting to the World” ke talitali lelei ʻaki e senituli 20.
10 ʻOkatopa 1901	Pekia ʻi Sōleki Siti, ʻIutā ʻi hono taʻu 87.