Te u talanoa fēfē mo ha taha kapau ʻoku ou ongoʻi ʻoku ʻikai fenāpasi ʻeku ongo ki hoku tuʻunga tangata pe fefiné pea mo hoku faʻunga totonu ʻi hono fanauʻi aú?

Kapau ʻokú ke ongoʻi fiemālie ke talanoa ki ha taha hoʻo ongomātuʻá, mēmipa kehe ʻo e fāmilí, kaungāmeʻa, pe taki ʻi he Siasí, fakakaukau ke ke vahevahe ange kiate kinautolu e ngaahi ongo ʻokú ke maʻú. Tokoni ke mahino kiate kinautolu e meʻa ʻokú ke fouá kae lava ke nau ʻoatu ʻa e poupou ʻokú ke fiemaʻú.

Kātakiʻi ʻa e kakai ʻoku mou feohí, peá ke manatuʻi ʻoku mou ako fakataha pē. Kapau ʻoku faingataʻa ke mahino ki he niʻihi ʻokú ke ʻofa aí pe faingataʻa ke maʻu ʻenau poupoú, mahalo te nau fiemaʻu hoʻo tokoní. Fakahaaʻi ki hoʻo ongomātuʻá mo e kau takí ʻa e angaʻofa mo e fakaʻapaʻapa tatau pē ʻokú ke fakaʻamu ke nau fakahaaʻi atu kiate koé.