Kapau ʻoku ou faivelenga feʻunga, ʻe mole nai ʻa ʻeku ongoʻi puputuʻu ʻi hoku tuʻunga tangata pe fefiné?

ʻOku ʻikai hoko ʻa e ongoʻi taʻe-pau-ʻia ʻi ho tuʻunga ko e tangata pe fefiné ko ha meʻafua ʻo hoʻo faivelengá. ʻOku lotu ha kakai tokolahi ʻo lauitaʻu pea fai e meʻa kotoa te nau lavá ke talangofua ʻi he feinga ke fakasiʻisiʻi e ngaahi ongo peheé ka ʻoku nau kei ongoʻi fefaʻuhi pē. ʻOku ʻikai ko ha meʻa hāhāmolofia ʻeni. ʻOku kehekehe ʻa e tuʻunga mālohi ʻo e ngaahi ongo ko ʻení ki he kakai kehekehe pea ʻi he taimi kehekehe ki he tokotaha tatau. Mahalo ʻe kehekehe foki ʻa e ngaahi ongó ki he fānaú, toʻu tupú mo e kakai lalahí.

Mahalo he ʻikai ke ke lava ʻo mapuleʻi ʻa e lahi mo e fuoloa ʻo e ngaahi ongó ni; ka te ke lava ʻo fili e founga te ke tali ʻakí. ʻOku faʻa tokoni ki ha niʻihi ʻa e nofotaha ʻenau tokangá ʻi he tokoniʻi kinautolu ʻe heʻenau ngaahi aʻusiá ke ako mo tupulakí. Ko ha konga mahuʻinga ʻo e tuí ʻa hono fakafenāpasi hotau lotó mo e finangalo ʻo e ʻOtuá ʻokú ne ʻomi ʻa e ngaahi tāpuaki maʻongoʻonga ʻi he taimí ni pea mo e ngaahi tāpuaki lahi ange ʻi he maama ka hoko maí (vakai, Tokāteline mo e Ngaahi Fuakava 59:23).