Sa Unsang Paagi Ipakigbahin sa Kabatan-onan ang Ebanghelyo

2:50

Si Mormon mitudlo, “Kana nga iya sa Dios nagdapit ug nagdani sa paghimo sa maayo sa kanunay” (Moroni 7:13). Kon kamo adunay hunahuna sa pagbuhat o sa pagsulti og usa ka butang nga maayo, buhata kini!

Mga Paagi nga Ipakigbahin sa Kabatan-onan ang Ebanghelyo

Maminaw sa usa ka tawo kon siya adunay bati nga adlaw.
Pagmaabtikon sa pagserbisyo sa uban.
Mobarog sa unsay insakto.
Mohangyo sa Langitnong Amahan sa pagtabang kaninyo sa pagpaambit sa ebanghelyo.
Mopakigbahin og post gikan sa social media nga account sa Simbahan.
Mopakigbahin sa musika sa kabatan-onan.
Kon ang mga higala mangutana mahitungod sa inyong hinapos sa semana, pag-istorya mahitungod sa pag-adto sa simbahan o sa pag-apil sa mga kalihokan sa Simbahan.
Modapit og higala sa Alang sa Kalig-on sa Kabatan-onan (AKK) nga komperensiya.
Mopaapil og usa ka tawo nga bag-o diha sa inyong pundok sa mga higala.
Modapit og higala ngadto sa seminary o sa kalihokan sa kabatan-onan.

Mga Kapanguhaan nga Mapakigbahin sa Kabatan-onan ngadto sa mga Higala

Propetikanhong Tambag

Mag-ampo alang sa tabang aron makita ang mga tawo kon unsa ang pagkakita sa Dios kanila ug aron makabaton og kaisog nga makig-istorya kanila mahitungod ni Jesukristo ug sa Iyang ebanghelyo. Salig nga Siya motabang ninyo nga makahibalo unsaon sa pagtabang sa inyong mga higala nga maminaw Niya ug mobati sa Iyang gugma. “Sumala sa giya sa Espiritu, … moimbitar sa mga tawo sa paghimo og mga pasalig nga makatabang kanila nga molambo sa espirituhanong paagi ug mobati sa impluwensya sa Espiritu Santo sa ilang mga kinabuhi” (Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo [2023], 232). Samtang inyo kining himoon, inyong madiskobrehan nga ang paghigugma, pagpakigbahin, ug pagdapit magdala og hingpit nga kalipay ngadto sa inyong kinabuhi ug motabang ninyo nga maandam sa pagserbisyo og full-time nga misyon.

Salig nga ang Langitnong Amahan mogiya ug molig-on kaninyo. Inyong mapalanog ang mga pulong ni Alma: “Kini mao ang akong himaya, nga unta mahimo ako nga instrumento sa mga kamot sa Dios aron sa pagdala sa pipila ka kalag ngadto sa paghinulsol; ug mao kini ang akong kamaya” (Alma 29:9).

Kamo makapamatuod “nga ang Iyang ebanghelyo mao lamang ang malahutayong kasulbaran alang sa kalinaw. Ang Iyang ebanghelyo mao ang ebanghelyo sa kalinaw.” Kamo adunay espesyal nga mga gasa ug mga abilidad sa pagpaambit sa ebanghelyo—karon ug sa umaabot isip full-time nga misyonaryo. “Ang matag usa kaninyo importante ngadto sa Ginoo. Siya migahin kaninyo hangtod niining higayona aron sa pagtabang sa pagpundok sa Israel. Ang inyong desisyon sa pagserbisyo og misyon, pagsangyaw man o pangserbisyo nga misyon, makapanalangin kaninyo ug sa daghan pang uban” (Russell M. Nelson, “Pagsangyaw sa Ebanghelyo sa Kalinaw,” Liahona, Mayo 2022, 6).