Sa Unsang Paagi Ipakigbahin sa mga Young Adult ang Ebanghelyo

3:7

Ang inyong mga paningkamot sa paghigugma, pagpakigbahin, ug pagdapit makatabang sa uban sa pagduol ni Kristo ug magka adunay “mas dakong kalipay, paglaom, kalinaw, ug katuyoan” (Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo [2023], 2).

Mga Pamaagi nga Ipakigbahin sa mga Young Adult ang Ebanghelyo

Ayaw paghukom sa ubang tawo; higugmaa lang sila.
Pasayloa ang tawo o pangayo og pasaylo sa tawo nga inyong napasakitan.
Pagmaabtikon sa pagserbisyo sa uban.
Ipasabot kon sa unsang paagi ang inyong hugot nga pagtuo nakapaarang-arang sa inyong kinabuhi. Pangutana sa uban mahitungod sa ilang pagtuo.
Mopakigbahin og post gikan sa social media nga account sa Simbahan.
Kon ang mga higala mangutana mahitungod sa inyong kataposan sa semana, hisgoti ang mahitungod sa pag-adto sa simbahan ug sa mga kalihokan sa Simbahan.
Paghimo og grupo sa pagtuon sa kasulatan, ug pagdapit og usa ka tawo gikan sa laing tinuohan.
Pagdapit og usa ka higala sa kalihokan sa Simbahan o sa ordinaryo nga panagtapok.
Pagdapit og usa ka higala sa institute nga klase o kalihokan.
Pagdapit og usa ka higala sa pagtambong og komperensiya sa young adult o ngadto sa simbahan.
Pagdapit og usa ka higala sa pundokanang dapit sa mga young adult.

Mga Kapanguhaan nga Ikapakigbahin sa mga Young Adult sa mga Higala

Propetikanhong Tambag

Kanunay nga mag-ampo alang sa mga oportunidad nga makapakigbahin sa ebanghelyo, ug salig nga ang Langitnong Amahan motabang ninyo sa pagkahibalo unsa ang andam na nga dawaton sa inyong pamilya, mga higala, ug sa uban pa.

Samtang kamo mopakigbahin og mga pagdapit, makatabang kamo sa uban nga mausab pinaagi sa Pag-ula ni Jesukristo. Makatabang kamo kanila sa pagsugod og pagkakita “pinaagi sa panglantaw sa plano sa atong Langitnong Amahan” (Neil L. Andersen, “Pagkahimong usa ka Tawo sa Pakigsaad taliwala sa Katawhan sa Pakigsaad,” Liahona, Peb. 2022, 11) ug madawat ang tanang panalangin nga magagikan sa paghimo ug pagtuman sa mga pakigsaad. Bisan unsa pa ang resulta, inyong mabati ang mas dakong sukod sa gugma ni Kristo sa inyong kinabuhi, ug Siya mopanalangin kaninyo og mas dakong kaisog ug tinguha sa pagpakigbahin.

Si Presidente Nelson nag-awhag: “[Kamo] adunay sagrado nga responsibilidad sa pagpakigbahin sa gahom ug kalinaw ni Jesukristo ngadto sa tanan kinsa maminaw ug kinsa mopatigbabaw sa Dios diha sa ilang kinabuhi. … Ang matag usa kaninyo importante ngadto sa Ginoo” (“Pagsangyaw sa Ebanghelyo sa Kalinaw,” Liahona, Mayo 2022, 6). Ipakigbahin ang ebanghelyo sa inyong inadlaw-adlaw nga kinabuhi. Kon wala pa kamo makapili sa pagserbisyo og full-time nga pagtudlo o pangserbisyo nga misyon, ikonsiderar ang pagbuhat sa ingon karon.