Kam Butimwaeaki Nakon Rikirake I Bon Iroum

Ngkami bon natin Tamara are i Karawa aine aika kam tangiraki, aika kam tauraoi n nakon te aonaaba n te tai ae onoti aei ma bukina aika tabu man kakukurei. Iai tabem aika kakawaki ni kabongana korakoram ao am anainano ibukin te raoiroi. E a tia ni kakabwaiako Tamam are i Karawa ma tarena ao konabwai ake a na buokiko ni kakoroi nanon am mition aika mai karawa. N am tai n reirei ni karekei ao ni karaoi kororaoia Ataeinnaine inanon maium, ao ko na karekea kateim n tangira te tataro, reirei man booki aika tabu, te ongotaeka nakon taian tua, ao te mwakuri n ibuobuoki nakoia tabeman. Katein maium aikai ni katoabong e na kakorakora am onimaki ao am kakoaua iroun Iesu Kristo. A na karekea naba kinakin ao karikirakean te bwai n tituaraoi ae onoti.

Kabonganai n taainako katei aika ana tabeka rake man kakabwaia am utu, Ataeinnaine ake tabeman, ao te ataeinimwaane ae ko irekereke ma ngaia. Karinea arom n aine, boutoka te nakoanibonga, ao kaungaa ana kakaonimaki te nakoa n tina ao nakoa n tama.

N am tai n ira ana waaki Rikirake I Bon Iroum, ko raonia ngaa n Ataeinnaine ake tabeman ake a mwakuri korakora ni kan kaniia Kristo man “riki bwa taan kakoaua ibukin te Atua n tainako ao ni bwaai nako, ao n taabo nako” (Motiaea 18:9). Reirei mairouia am karo, ao tataro mwaaka n rinei kouru ake a na buokiko ni karikirakei anua n aine, kakorakora am kakoaua, ao ni karekei am konabwai ma ieta. Kabongana am tai n Ataeinnaine man katauraoakim ni karekei otenanti aika tabu n te tembora, man riki bwa te buaine ao te tina ae onimaki, ao ni kakorakora mweengam ao am utu.

Te Moan Beretitentii