Kairake
Atatai

Atatai

Ukoukora te rabakau, n te kamwatebwai ao n te onimaki naba (tara D&C 88:118).

N na teimatoa n ukoukori anga ibukin te kamatebwai ao te rikirake.

Atatai Aika Kainnanoaki Aika Kakawaki

Katiai tenua taneiai aika kakawaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

  1. Reirei aron kakawakin karekean te rabakau man te wareware Taeka n Rabakau1:5; 4:7; 2 Nibwaai 28:30; ao Doctrine ao Covenants 88:78–80, 118; 90:15; 130:18–19; 131:6. Iangoia bwa bukin tera ko kainnanoa karekean te atatai ao ataakina bwa ko na kanga ni maiuakin moan tua n te euangkerio nakon mweengam ngkai ao nakon taai aika ana roko ao maium n am utu. Koroia n am tienero te bwai ae koa tia n reiakinna ibukin te atatai, ao maroroakinna ma kaain am utu ke ma te mataniwi irouia Ataeinnaine.

  2. N am tienero ao koroi tarena ake iai iroum ao tabeman aika kona tangiri ni karikirakei. Wareka Mataio 25:14–30. Reirei te rabakau ke te tarena ae boou are e na buokiko n tabeakina oin am utu ke mweengam (te katooto n aron, katangan te biano, te anene, kataumwane, babairean am tai, kuuka, itutu, ke tararuakiia ataei). Tibwauaia ma am utu, kiraati, ke te mataniwi irouia Ataeinnaine te bwai are ko a tia n reiakinna.

  3. Kamatenanoa Taekan te Onimaki nambwana tebui ma tenua ao taekinna nakon te karo, te mataniwi, ke temanna te ikawai. Imwiina kawara te tabo ni kamataku ke te tabo ni kaoti bwai ke ira te kamataku ae irekereke ma te mwaiu, te katangitang, te taetae, ke te kaotioti. Kabonganaan taekan te onimaki aei bwa te bwai ni kairi, iangoa te bwai ae ko nooria man ongo. Koroia n am tienero am iango bwa kona kanga ni kabongana taekan te onimaki aei bwa kairam ni bwaai ni kabane ake ko karaoi n te aro bwa e na iririko n tainako te Tamnei ae Raoiroi. Tibwauai taian iango akanne ma am karo ke te tia kairiiri.

Taneiai TABEUA AIKA KAKAWAKI RIKI

Katiai tenua taneiai aika kakawaki riki. Kona bae n rinei man taian iango aikai ke koroi nakon uoua oin am iango A riai am karo ke am tia kairiiri ni kariai moa ake ko koroi imwain ae ko waaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

  1. Rinea te moa n tua n te euangkerio ae ko kan oota raoi iai (te katooto n aron te, onimaki, rairannano, tangira, te utu ae akea tokina, ke berita n te bwabetito). Wareki booki aika tabu ao aia taeka burabeti ni boong aika kaitira ake a kaineti ma te moan tua aei. Katauraoa te taetae ae nimaua te miniti manna iaon te bwai anne ao anga te taetae n tain te bootaki n toa, n aia bootaki Ataeinnaine, nakoia am utu, ke nakoia kaain am kiraati. Koroia n am tienero bwa kona kanga ni maiuakina te moan tua n te euangkerio aei nakon maium.

  2. Kamatebwaia aron te mwakuri ke te nakoa ae mamate nanom iai. Taetae nakon temanna ae mwakuri n te aeka ni mwakuri anne ao kakaea bwa tera ana mwakuri te aomata anne, tera te reirei ke te beeba n reirei ae a tia ni karekea te aomata anne ibukin karaoan te mwakuri, ao tera te ibuobuoki ae a tia ni karekea te aomata anne ibukin te botan aomata. Koroi mwiin am ukeuke n am tienero.

  3. Kamatenanoi uoua anene aika a mamate nanom iai man te boki n anene. Reiakina aron etin raoi tain orean tain te anene anne (tara Anene, 383–85) ao imwiina orea taina uoua te tai n tain bootakin te utu n te tairiki, n tain te bootaki irouia Ataeinnaine ke ni bootakin te Ekaretia ake tabeua, ke n te tieminari. Wareki booki aika tabu ake a koreaki n tokin te anene n taromauri mai inano.

  4. N aia kaemba te Ataeinnaine ao ko reiakin rabakau n te moan ibuobuoki ni kamaiu, te kamaiu, te kaitiaki, ao kateimatoaan karaoakina. Manga rinanoi reirei aikai n am Young Women Camp Manual ao koroi n am tienero aron kabonganakiia ni mweengam bwa ana kawakinaki raoi iai kaain am utu. Karekei bwaai n ibuobuoki aika ana kainnanoi kaain am utu ibukin te bwai ae karina. Anga te reirei iaon te bootaki n utu n te tairiki ke tibwauaia ma mataniwi Ataeinnaine te bwai ae koa tia n reiakinna ao tera riki rabakau aika ko tangiri n reiakin ibukin te katauraoi nakon kangaanga aika karina.

Kanikinaai Taneiai Aika Kakawaki

Mwakuri aika a Kakawaki

Imwiin are koa ti ni karaoi onoua taneiai aika kakawaki, karaoa te mwakuri are e na buokiko ni kataneiako n te bwai ae koa tia n reiakinna. E na riki aei bwa te mwakuri ae moan te kakawaki are e na kabanea tebuina te aua ibukin katiaana. Tataro mwaaka n ukoukora ana kairi te Tamnei ae Raoiroi n rinea te mwakuri ae na uaana.

Anganiia am karo ke te tia kairiiri bwa e na kariaia te mwakuri imwain ae waaki. Korea mwiin te kakaae mwiin karaoana. Aikai iango tabeua ibukin te mwakuri ae kakawaki.

  • Reirei aron bairean, kaitiakan, ao kateimatoan te mweenga mairoun tinam, tibum te aine, ke temanna riki te aine ae ko onimakinna. Imwina ao karaoa te bwai ae koa tia n reiakinna ni mweengam.

  • Katauraoi nakon te reirei ae rietaata man karekei rabakau aika rangin ni kainnanoaki man kakaean rongorongon reirei aika rietaata ke bwaai aika kainnanoaki ibukin reirei iaon te mwakuri, reirei itinaniku aika mwanenaki, te roo ao kabane mwane riki tabeua. Kanakoa am bubuti n taina ae riai.

  • Wareka Doctrine ao Covenants 89. Iangoa te bwai ae ko kona ni karaoia ae na anganiko riki te marurung. Katamaroa marurungim man iangoan ao karaoan te burokuraem ibukin te kamarurung ni katoa bong ao n reireiniko aron te kuuka ao kang amwarake aika ana anganiko te marurung.

  • Reirei aron tararuaan am kunikai, n ikotaki ma aron te uaati, te katira, ao karaoan uruaki ao bitaki aika bebete. Karaoi bwaai ake koa tia n reiakin man tararuakin am kunikai.

  • Mwakuri ma tinam, tibum te unaine, ke te aine n am uoote ke am mwaanga, kabanea arom n te mwakuri n te mweenga are e reireiniko.

Au mwakuri bon:

Au babaire ibukin karaoan au mwakuri bon:

Kariaiakaki

Katautau ibukin te bong are e na tia iai

Au koaua iaon te mwakuri e (e raonaki ma aron am namakin ao otam iaon rikiraken atatai):

Ana Tiaaina te karo ke te tia kairiri

Bongin Namwakaina:

Aua ake a kabaneaki