Kororaoin Temanna

Uringa aron kakawakin temanna te aomata imatan te Atua (tara D&C 18:9–10).

I kororaoi n aki toki n au mition mai karawa, are Nna kakorakorai ni katiaa.

Taneiai Aika Kakawaaki Aika Kainnanoaki

Katiai tenua taneiai aika kakawaaki man kainnanoaki aikai. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

Ngkoe natin Tamara are i Karawa te aine, ae ataiko ao e tangiriko. Wareka Taian Areru 8:4–6; Ieremia 1:5; Ioane 13:34; Doctrine ao Covenants 18:10; Abraham 3:22–23; and Joseph Smith—History 1:1–20. Koroia n am tienero bwa a kanga booki aika tabu aikai n reireiniko bwa Tamara are i Karawa e tangiriko, ao e tabe ibukim.
Reiakina aron kakawakin ana kakabwaia te Tamanuea man kamatebwaia True to the Faith ao taetae riki tabeua man te maungatabu. Kakaea bwa bukin tera a anganako ao antai ae ana anganiia. Maroroakinna ma te karo ke te mataniwi n te Ekaretia bwa kona kanga ni katauraoiko ni karekea ana kakabwaia te Tamanuea ao e kanga n reireiniko n aron kororaoim ao kinakim ao n riki bwa te tia ibuobuoki inanon maium. Ngkana ko tuai ni karekea am kakabwaia, katauraoiko ni karekea.
Wareka Doctrine ao Covenants 18:10 ao 121:45. Karaoa am kabanea ni kona ni kakororaoia tabeman ao ni karekea te namakin irouia ae a kakawaki. Ni katoa bong inanon uoua te wiiki kinai anua ao kateia tabeman aika kororaoi. Kabooia n te taetae ke n te koroboki. Koroi n am tienero bwaai ake koa tia n reiakin ibukin kororaoia n tatabemaniia ao e kanga onimakinam bon iroum n rikirake ngkana ko kakororaoia ake tabeman.

Taneiai Tabeua Aika Uaana

Katiai tenua riki atatai aika kororaoi. Ko kona n rinei man taia n iango aikai ke koroi nakon uoua ae bon oin am iango. A riai am karo ke am mataniwi ni kariaia moa imwain ae kona waaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

Ngkai koa katauraoi nakon kakoroan nanon te kantaninga are kona kakoroa nanona n te maiu aei. Wareka Doctrine ao Covenants 88:119. Koroia n am tienero kanoan am iango ao miim ibukin mweengam nakon taai aika ana roko, utu, ao te reirei ao bwaai tabeua aika bongana aika ko iangoi ni kakoroi bukiia inanon maium, n ikotaki ma te riki ni buaine ao te riki n tina. Imwiina ao korea te babaire are e na buokiko ni kakoroi nanon am kouru. Tibwaua te babaire aei ma kaain am utu, tia kairiiri, ke raoraom.
Irii bootaki ni mwaie, taetae, katangitang, ke kaotioti aika karaoaki n te teirei, n am kaawa, ke n te aro. Ko kanga n iri n te mwakuri ni kakukurei aei ni kakorakora am namakin n aron kororaoia n tatabemaniia ao onimakinaia bon irouia? Koroi am iango n am tienero.
Ngkana ko iri waaki n rongorongon ngkoa te utu, ko kona ni kina rikim ao kororaoia bon irouia. Kawara am koraki ae maiu man karekei rongorongoia ngkoa am utu aika ko kona ni karekei. Imwiina ao kanaoa te booma ibukin te kateiriki ibukin am utu ao koroi otenanti n te tembora ake a tia ni karaoaki ibukiia n tatabemaniia nako.
E a tia n anganiko Tamam are i Karawa bwain tituaraoi aika onoti. Wareka 1 I-Korinto 12:4–12; 13; Moronaai 7:12–13; 10:8–18; ao Doctrine ao Covenants 46:11–26. Tuanga temanna kaain te utu, te mataniwi irouia Ataeinnaine, ao raoraom bwa e na koroi katei aika raraoi ae e a tia te Uea n anganiko. Koroi am bwaintituaraoi n am tienero, ao koroia bwa kona kanga ni kateimatoa ni karikirakei bwaintituaraoi aikai mani kabonganai ibukiia kaain am utu ao tabeman riki.

Tataneiai Atatai Aika Kakawaki Ibukim

Mwakuri aika a Kakawaki

Imwiin are ko a tia ni koroi onoua atatai aika uaana ibukiia n tatabemaniia, karaoa te mwakuri ae na buokiko ni karaoa te bwai are ko a tia n reiakinna. E na riki aei bwa te mwakuri ae moan te kakawaki are e na kabanea tebuina te aua ibukin katiaana. Tataro mwaaka n ukoukora ana kairi te Tamnei ae Raoiroi n rinea te mwakuri ae na uaana.

Anganiia am karo ke te tia kairiiri bwa e na kariaia te mwakuri imwain ae waaki. Korea mwiin te kakaae iaon mwiin karaoana. Aikai iango tabeua ibukin te mwakuri ae kakawaki.

Iai katabeakim ae moan te onoti man mimitong ae ko na karaoia iaon te aba man tia ni kakabwaiakaki n tarena ake ana kona ni kakoroa nanon katabeakim anne. Ngkana koa tia ni karaoa teuana mai ibuakon mwakuri aikai, ao kona tiki bwa te tia kakoaua ibukin kororaoia ao aia ibuobuoki tabeman ao n noora naba aron te rikirake ni maiuia tabeman. Kaota am kakaitau nakoia ake koa tia ni mwakuri ma ngaai, ao koroi mwiin am atatai n am tienero.

Katia oin rongorongom ao rongorongoia ngkoa am utu mani kabonganaan moan karinrin, tamnei, ao beeba aika kakawaki.
Tibwaua teuana man am bwaintituaraoi n anga te reirei iaona ke n reireina temanna n, te katangitang, te takakaro, ke te rabakau n te korotamnei.
Karaoa te mwakuri ni katamaroa nakon maiun temanna ae rangin ni kainnanoia.
Kaetieti ke iri n aia kuaea, takakaro, kaoti tarena, ke aia kaoti bwai iroua kaain te roronrikirake.
Kamatebwaia te rabakau ae kainnanoaki ae na kona ni buokiko n am mwakuri ae ngkai ke n taai aika ana roko.

Au mwakuri bon:

Au babaire ibukin karaoan au mwakuri bon:

Kariaiakaki

Katautau ibukin te bong are e na tia iai

Au katautau iaon mwiin au mwakuri e bon (e raonaki ma aron am namakin ao otam iaon rikiraken kororaoia n tatabemaniia):

Ana Tiaaina te karo ke te tia kairiri

Bongin Namwakaina:

Aua ake a kabaneaki