Te Tamaroa

Ai antai ae kona ni kunea te aine ae riai? Bwa e bati riki boona nakoni moomi (Taeka n Rabakau 31:10).

N na katauraoai nakon te rin n te tembora ao N na tiku ni itiaki ao n raoiroi.

Au iango ao au mwakuri ana aanaki ni katei aika raraoi.

Taneiai Aika Kainnanoaki Aika Kakawaki

Kabwanin aua bwaai aika tangiraki inano aika katerea Kakawakin te Mwakuri. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

1. Te tamaroa bon karinan n iango ao katei aika boboto iaon kainibaire aika rietaata. E raonaki ma te kororaoi ao te itiaki. Te mwaaka ibukin karikan te maiu ae mamate bon te mwaaka ae rietaata ae kanakoa te Atua nakoia Natina. E a tia n taekinna bwa te mwaaka aei e na ti kabonganaaki ti imarenan te mwaane ao te aine, ae a tia ni mareaki bwa te bu temwaane ao te bu te aine iaan te tua. Kamatebwaia nanon ao kakawakin te itiaki ao te tamaroa man warekan Iakobwa 2:28; “Te Utu: Te Katanoata nakon te Aonaaba” (tara te iteraniba101); ao mwakoron te iein ae itiaki n te boki Ibukin Rikirake I Bon Iroum. Wareka naba Taekan te Onimaki nambwa tebwi ma tenua ao Taeka n Rabakau31:10–31. Koroia n am tienero kakabwaia ake kanoan berita ibukin te iein ae itiaki ao am motinnano nakon tuan te itiaki.

2. Te maiu ae tamaroa “n taai nako ao ni bwaai nako, ao n taabo nako” e kariaiakako ibukin karekean ana iraorao te Tamnei ae Raoiroi. Ngkana ko bwabetitoaki man kamatoaaki, ko anganaki ana bwaintituaraoi te Tamnei ae Raoiroi are e na kairiko inanon maium. Ngkai te Tamnei ae Raoiroi e aki mamaeka n taabo aika aki itiaki, maiuakinan te maiu ae tamaroa bon te kawai ibukin karekean ana iraorao te Tamnei ae Raoiroi ao karekean kakabwaian otenanti man te tembora. Wareki kiibu man koroboki aika tabu aikai ao kinai maiai kakabwaia ake a kaman beritanaki: Ioane 14:26–27; 15:26; 2 Nibwaai 32:1–5; ao Doctrine ao Covenants 45:57–59; 88:3–4; 121:45–46. Koroi n am tienero bwaai ake ko a tia n reiakin, ao korea te tai are ko namakina iai ana kairiri te Tamnei ae Raoiroi.

3. Katauraoiko bwa kona kororaoi ngkana kona rin n te tembora ao ni ira karaoan taian tua inanona. Wareka Aramwa mwakoro 5. Korei ni karinani ana titiraki Aramwa. Kaekai ibukim ao korei bwaai aika ko konai, ma aika kona boni karaoi ni katauraoiko bwa kona itiaki mani kororaoi n rin n te tembora bwa kona butimwaei kakabwaia ni kabane are anga bwa te berita Tamara are i Karawa nakoia natina aine aika E tangiriia.

4. Ibukina ngkai e tangiriko te Tia Kamaiu man tia n anga Maiuna ibukim, ko kona n raira nanom. Te rairannano bon te mwakuri ibukin te onimaki iroun Iesu Kristo. Wareka Moronai 10:32–33, ana boki Enoti, ao te mwakoro iaon te rairannano inanon Ibukin Kakorakoraia Kairake. Ana anganano ni mwakuri ni kamaiu te Tia Kamaiu e karekea ae e na kona ni kabwaraki am bure nako. Wareka te tataro n toa inanon Doctrine ao Covenants 20:77, 79. Iangoia ni kana te toa n te aro ae tau ni katoa wiiki mani kanoai maium ma mwakuri aika tamaroa ake a na uota te mwaaka n tamnei. Inanon am tai ni karaoa aei, ko na rikirake ni korakora inanon am konabwai n totokoa te kariiri, ni kawakin tuua, man rikirake n aiaron Iesu Kristo. Iangoa te bwai ae ko na kona ni karaoia ni katoa bong man teimatoa ni itiaki man tau, ao korea am babaire inanon am tienoro.

Mwakuri aika a Kakawaki

Ko kona ni moana te mwakuri ae kakawaki aei n te tai are ko baireia.

E rineia te Tia Kamaiu ni maiuakina te maiu ae tamaroa. N iri Ana taeka ni kauring n “reirei mai irouna” (D&C 19:23) man warekan Ana Boki Moomon ni kabane: Te Kakoaua Teuana ibukin Iesu Kristo. Kabotaui koroboki aika tabu nakon maium ao baika a riki nakoim. Inanon am wareware, korei am iango ni katoa tai inanon am tienoro. Tarai ana banna ni katooto te Tia Kamaiu. Baikara ake E karaoi ma naake a Iriria ni maiuakin maiu aika tamaroa? Ni banen am wareware, korea am koaua.

“I tuangiia taari bwa Ana Boki Moomon bon te kabanea n eti ibuakon booki n te aonaaba, ao te kabanea ni kakawaki ae aana katean ara ekaretia, ao e na kaan riki iai te aomata ma te Atua, ngkana e kairaki ni karaoan tuan te riai akana inanona, nakon booki riki tabeua.” (Iotebwa Timiti, Moan taeka ibukin te kamatata nakon Ana Boki Moomon).

Au Koaua ibukin Ana Boki Moomon

Ao ngkana a reke bwaai aikai iroumi, kaungai nanomi bwa kam na butia te Atua, te Tama ae akea Tokina, n aran Kristo, ngkana arona bwa a koaua bwaai aikai; ao ngkana kam bubuti ma te nano ae koaua ma nanomi raoi, ao te onimaki iroun Kristo, e na bon kaota te koaua nakoimi, ni mwaakan te Tamnei ae Raoiroi (Moronai 10:4).

Ana Tiaaina te karo ke te tia kairiri

Bongin Namwakaina:

Aua ake a kabaneaki