Ara Rinerine ao Bukinakira

N te bong aei kam na rinea ae kam na toro irouna; … ao ngai ma kaaini batau, ti na toro iroun te Uea (Iotua 24:15).

N na rinea te raoiroi ke te buakaka ao ni kariai taabe ibukin au rinerine.

Taneiai Aika Kakawaki man Kainnanoaki

Katiai tenua atatai aikai aika kainnanoaki aika uaana. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

E kona natin te Atua te aine ni karaoi babaire aika tamaroa man katoki kangaanga. Wareka 1 Nibwaai 15:8; 2 Nibwaai 32:3; Aramwa 34:19–27; Ether 2–3; ao Doctrine ao Covenants 9:7–9. Ira te aro ni kamatebwaian booki aika tabu ao n tataro ni katoa bong ni karekei ibuobuoki ni karaoi oin am rinerine n aron rineakin raoraom aika raoiroi, bwainakin te akoi nakoia tabeman, uti iaon te tai, ke aia iango tabeman. Maroroakinna ma te karo ke te mataniwi bwa e na kanga kamatebwaiakan booki aika tabu n tainako ao te tataro ni buokiko ni karekei iango aika eti.
Wareka te boki ae uarereke Ibukin Rikirake I Bon Iroum. Koroi n am tienero kainibaire ibukin katei aika etieti ake a taekinaki n te boki ae uarereke, ao koroi bwa bukin tera e kakawaki bwa tina maiuakin kainibaire akanne. Kataneiako ni maiuakin kainibaire aika eti man rineakin tenua kainibaire aika ko tangiri ni katamaroai. Ko na bae n tangiria n rangin n taratara raoi iaon te terewition, te katangitang, ke katangitang riki tabeua, ke kona bae n tangiria ni karikirakea tamaroan tarakim, am taetae, ke am kokoaua. Imwiin tenua te wiiki tibwaua am mwakuri ma kaain am utu, am kiraati, ke te mataniwi.
Te rinerine, ke te kona n rinerine, bon teuana mai ibuakona ana bwaintituaraoi te Atua ae tamaroa nakoia Natina. Wareka taekan te rinerine n Iotua 24:15; 2 Nibwaai 2; ao Doctrine ao Covenants 82:2–10. Maroroakinna ma te karo ke te tia kairiiri, kakabwaia ao bwaai aika ana riki man te rinerine. Koroia n am tienero otam n te rinerine ao mwiin taian rinerine ao bwaai aika ana riki man am rinerine.

Taneiai TABEUA AIKA KAKAWAKI RIKI

Katiai teniua taneiai aika kakawaki riki tabeua. Kona bae n rinei man taian iango aikai ke koroi nakon uoua oin am iango A riai am karo ke am tia kairiiri ni kariai moa ake ko koroi imwain ae ko waaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

Wareka taekan te rinerine n Itaia1:18; Aramwa 26:22; 34:30–35; Moronaai 8:25–26; ao Doctrine ao Covenants 19:15–20; 58:42–43. Koroia n am tienero nanon te taeka ae rinerine nakoim. Kamatebwaia kawain te rairannano, tataro ibukin te kairiiri, ao maiuakin moan tua n te rinerine inanon maium.
E na buokiko te Tamnei ae Raoiroi ni karaoi rinerine aika eti. Reiakina riki taekan te Tamnei ae Raoiroi ma am karo, am mataniwi, ke raoraom, man te wareware ao man maroroakinan Etekiera 36:26–27; Ioane 14:26; 16:13; I-Karatia 5:22–25; 2 Nibwaai 32:5; Moronaai 10:4–5; ao Doctrine ao Covenants 11:12–14. Imwiina ao koroia n am tienero bwa e na kanga te Tamnei ae Raoiroi ni buokiko ni karaoi iango aika raraoi inanon maium. Tataro ibukin ao maiuakinan ana iraorao te Tamnei ae Raoiroi ae kororaoi.
Kamatebwaia ana botoniango te Ataeinnaine ao tera ae reireiniko bwa antai ngkoe, tera te bwai ae kona riai ni karaoia ao bukin tera kona karaoia. Koroia n am tienero te bwai ae ko riai ni karaoia ni katoa bong ni kaineti ma am kunikai, te boon taeka, ao te tamnei bwa e na itiaki man kororaoi n rin n te tembora. Koroia n te tienero bwa a na kanga rinerine aikai ni kateimatoaki n inaomata ao ni kukurei.
Karaoan taian rinerine bon iteran ana kainibaire Tamara are i Karawa ibukira. Wareka Moses 4:1–4; 7:32; ao 2 Nibwaai 9:51. Karekea te babaire ae wanawana ibukin bairean te mwane man karaoan te kataumwane ibukin te karekemwane ao te kabanemwane, n raonaki ma te kabwaka mwane iaon kabwakaan te kabuianibwai. Maiu nakon am kataumwane inanon tenua te namwakaina. Katei moa kainnanom aika moan te kakawaki imwain kabane mwane ibukin bwaai aika kam tangiri. Koroi n am tienero te bwai ae koa tia n reiakinna ao e na kanga irakin iango aikai ni kateimatoa ni kakabwaia maium.

Kanikinaai Taneiai Aika Kakawaki

Mwakuri aika a Kakawaki

Imwiin katian rinerine ake onoua ao katabeakim n atatai aika uaana, karaoa te mwakuri are e na buokiko ni kataneiako ni bwaai ake koa tia n reiakin. E na riki aei bwa te mwakuri ae moan te kakawaki are e na kabanea tebuina te aua ibukin katiaana. Tataro mwaaka n ukoukora ana kairi te Tamnei ae Raoiroi n rinea te mwakuri ae na uaana.

Anganiia am karo ke te tia kairiiri bwa e na kariaia te mwakuri imwain ae waaki. Korea mwiin te kakaae iaona mwiin karaoana. Aikai iango tabeua ibukin te mwakuri ae kakawaki.

Kabonganaan Ibukin Rikirake I Bon Iroum ao iaan aia kairiiri am karo ke mataniwi, babairea ke irii bootaki ni marooro, kamataku n te kabotikiraoi, ke waaki riki tabeua ake ana buokiko ao kairake ake tabeman ni maiuakina ana kainibaire te Uea.
Iaan aia kairiiri am karo ke mataniwi, ibuobuoki ni bairea ao ni karaoa aia mwaie kairake ke waaki ni kakukurei riki ake tabeua ake a kairaki ma kaetieti n te mwaie ao katangitang, taura, ao te tabo aika a nakoraoi.
Rinanon kabonganaan te tamnei ao bwaai n rabakau. Karioa ao karaoa te babaire ibukin tamnei aika tau n rin inanon mweengam. Kakoaua bwa am babaire e kaunga aron kabonganaan te terewition, tamnei, katangitang, kaombiuta, Intanete, tareboon, ao aekaki n tamnei riki tabeua ni mweengam. Tibwaua am iango ma kaain am utu ao tabeman.
Reirei aron katamaroa nakon kunnikai ao kawai ibukin karaoan uruaki aika uarereke ngkana ko katauraoa n nen am kunnikai nakon kainibaire ibukin kunnikai aika riai.
Rineia bwa kona baireaki riki ni mweengam man katiaan te mwakuri ibukin te kaitiaki ao te bairei raoi bwaai. Koroia n am tienero bwa e kanga karaoan aei ni buokiko n iteran maiu ake tabeua.

Au mwakuri bon:

Au babaire ibukin karaoan au mwakuri bon:

Kariaiakaki

Katautau ibukin te bong are e na tia iai

Au koaua iaon te mwakuri e (e raonaki ma aron am namakin ao otam iaon te rinerine ao rikiraken mwiokoam):

Ana Tiaaina te karo ke te tia kairiri

Bongin Namwakaina:

Aua ake a kabaneaki