Kairake
Mwakuri Aika Raraoi

Mwakuri Aika Raraoi

Mangaia are kaotai ami taura imataia te botanoamata aio, bwa ana norii ami mwakuri aika a raraoi ma ni karaoia Tamami are i karawa iai (3 Nibwaai 12:16).

Nna buokiia tabeman ao katea abanueana rinanon te mwakuri ae etieti.

Atatai Aika Kainnanoaki Aika Kakawaki

Katiai tenua atatai aika kainnanoaki aika Kakawaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

  1. Reiakinna bwa bukin tera te ibuobuoki bon boton te reirei n te euangkerio. Wareka Mataio 5:13–16; 25:34–40; I-Karatia 6:9–10; Iakobo1:22–27; Motiaea 2:17; 4:26; ao 3 Nibwaai 13:1–4. Tabeman a kona n anga mwakuri aika ko aki kantaningai, n aron karaoan te amwarake, wareware nakon ke ongora nakoia natim ae te kabanea ni uarereke, bonotan te kunikai, ke buokan tarim ke mwanem. Ibukin uoua te wiiki koroia n am tienero te mwakuri ae rau ae a karaoia kaain am utu ke tabeman. Kaboa aia mwakuri n ibuobuoki n anga tabeua aika uaana.

  2. Te mwakuri n ibuobuoki bon te moan tua ae kakawaki ibukin te maiu n utu. Ibuobuoki ni karaoa te babaire iaon kanaia kaain te utu, karekei amwarake, ao katauraoa te amwarake ibukin kanoan uoua te wiiki. N te tai anne ao buokiia kaain am utu n tibwaua aia tai n amwarake. Ribotinna nakon te kiraati te bwai ae koa tia n reiakinna.

  3. Wareka Motiaea 18:7–10, ao n am tienero tenua kawai ae ko kona iai ni kamaiuraoia am utu ke ni buokiia ni kabebetea rawawataia. Karaoi bwaai ake koa tia ni koroi, ao tuanga temanna kaain te utu ke te tia kairiiri ibukin te atatai ao e kanga anuam ke otam ni bitaki.

Taneiai TABEUA AIKA KAKAWAKI RIKI

Katiai tenua taneiai aika Kakawaki riki tabeua. Kona bae n rinei man taian iango aikai ke koroi nakon uoua oin am iango A riai am karo ke am tia kairiiri ni kariai moa ake ko koroi imwain ae ko waaki. Karekeia am karo ke am mataniwi bwa ana tiainai ao ni korea te tai are a bane iai am mwakuri aikai

  1. Reirei taekan te mwakuri n ibuobuoki n te bootaki n te utu n te tairiki ke n angana riki teuana. Kabonganai tamnen, katangitang, ke te kabwarabwara n am tai n anga reirei. Ko kona ni kabongana te boki ni kairi Teaching, No Greater Call bwa bwaai ni ibuobuoki.

  2. Wareka Doctrine ao Covenants 58:26–28. Iangoi kawai ae e kona iai te kairake n Ataeinnaine, ma te bu aine ao te tina ni kabongana te kibu aei n ana utu. Karikirakea te katei n ibuobuoki inanon maium man rineakin te utu teuana ae ko kona ni buokia. Buoka te aomata anne inanon teuana te namwakaina. Koroia n am tienero am mwakuri ao am namakin bwa e kanga te bwai aei ni katamaroa aron am reitaki ma te aomata anne.

  3. Kabanea tenua te aoa ibukin karaoan am mwakuri n ibuobuoki itinanikun am utu. Tuanga am beretitenti n Aia Bootaki Aine n am uoote ke n am mwaanga ke te tia kairiiri n am kaawa ibukin aia iango iaon te mwakuri n ibuobuoki. Te katooto, tararuakiia ataei ngkana kaaro a nakon te tembora; rikoi, karaoi, ke ni karaoi taore ke takakaro ibukiia ataei aika uarereke, kukurei ni karaoa te tibwanga bwa e na kaitiaka te autinibootaki, ke karaoa te wareware nakoia aomata ake aki kona ni kiitan aia auti ibukin aorakiia ke kanganga riki tabeua. Koroi n am tienero aron te aomata are koa tia ni buokia ao kouru ake a riai ibukin taai aika ana roko ibukin ibuobuoki nakon taai aika ana roko.

  4. Rinanon am mwakuri aika tamaroa, ao tabeman ake a noora am katooto ana bae n tangiria ni kan ata riki taekan te euangkerio. Tataro ibukin te atatai n te nakoa ni mitinare. Wareka Mataio 24:14; 28:19; ao Doctrine ao Covenants 88:81. Kaoa temanna ae tiaki kaain te Ekaretia ke temanna ae aki kakaonimaki bwa e na nako ma ngkoe nakon te taromauri ke botaki ni kakukurei. Kabwarabwara raoraom nakoia tabeman kaain te ekaretia, ao taraia bwa e na bo ibuako. Tibwaua am koaua n te euangkerio, ao kaoa neienne ke teuanne nakon are imwiina.

Kanikinaai Tataneiai Aika Kakawaki

Mwakuri aika a Kakawaki

Imwiin ae koa tia ni karaoi onoua Mwakuri Aika Tamaroa, karaoa te mwakuri ae na buokiko n reiakina te bwai are koa tia ni karaoia. E na riki aei bwa te mwakuri ae moan te kakawaki are e na kabanea tebuina te aua ibukin katiaana. Tataro mwaaka n ukoukora ana kairi te Tamnei ae Raoiroi n rinea te mwakuri ae na uaana.

Anganiia am karo ke te tia kairiiri bwa e na kariaia te mwakuri imwain ae waaki. Korea mwiin te kakaae mwiin karaoana. Aikai iango tabeua ibukin te mwakuri ae kakawaki.

  • Buoka bairean ao ibuobuoki n te mwakuri ni kaitiaki ke ni katikiraoa am kaawa.

  • Katauraoi n riki bwa te tia mwakuri n te mweenga man karekean bwaai ni kuuka, boobwai ibukin te amwarake, ao katauraoan te amwarake ibukin am utu.

  • Mwakuri ma kaain am utu ni karekei araia tabeman kaain te utu ake a tia ni mate ake tiaki kaain te Ekaretia. Karekei aia bongi ni bung ao te tai are a mate iai ao katauraoi araia bwa ana uotaki nakon te tembora. Buoka aron te babaire ibukin te nakon te tembora man karaoi bwabetito ibukiia kaain te utu akanne.

  • Katauraoi ni buokiia tabeman man karekean te reirei iaon te rabakau ae na kabonganaaki n aron aoraki aika karina, karaoan ikoaki, buokan te aomata ae kiro, ke rabakau ni kamaiu n anga riki tabeua.

  • Buokiia tabeman. Anga am ibuobuoki ae akea boona n am kaawa, boboti bwaai ake a kainnanoaki ni kaitarai kainnanoia aomata ake a kainnano, kabanea am tai ni buokiia ataei ke n tararuaia kaara, ke n anga reirei n am reirei, ke n am kaawa.

Au mwakuri bon:

Au babaire ibukin karaoan au mwakuri bon:

Kariaiakaki

Katautau ibukin te bong are e na tia iai

Au koaua iaon te mwakuri e (e raonaki ma aron am namakin ao otam iaon rikiraken mwakuri aika raraoi):

Ana Tiaaina te karo ke te tia kairiri

Bongin Namwakaina:

Aua ake a kabaneaki