Tera ae I Karaoia Ngkana I Katiai Rikirake I Bon Iroum?

Katian kanoan Rikirake I Bon Iroum bon te mwaneka ae moan te tamaroa ni kakorakoran am onimaki ao am koaua ao te katauraoi ibukin berita aika tabu n te tembora. Koa tia n reiakina aron karaoan taian motinnano, karaoi kanoaia, ao ribootina waakim n rikirake. E na riai n reitinako te waaki aei ngkai ko teimatoa iaon te kawai nakon te tembora ao n reitinako ni karikirakei taian anua ake ana buokiko rinanon am tai ni maiu. Ko kona n reitanako rikirakem ni karekean Karinean Manibeeru ke ni moanakin riki Rikirake I Bon Iroum.

Karekea kaniwangam ae Karineaia Manibeeru

Te kauring ae Karineaia Manibeeru bon rongorongona ngkoa ae anganaki Ataeinnaine ake a kan karaoa ae raka riki nakon ae e kantaningaki. N reitanako rikirakem, ko kona ni karekea Karineaia Manibeeru n iriana te mwae te meetera ibukin Kinakin Aron Maiun te Aine Ni Koaua. Ko kona ni karekea te kauring ae Karineaia Manibeeru imwin katian ni kauoua bwaai aika a kantaningaki aikai:

1. Wareka riki Ana Boki Moomon. Te katei ni warekan booki aika tabu ni katoa bong e na kakorakora am onimaki ao ni buokiko ni karekean oin kaungaam ao kairakim rinanon maium. Ngkana ko wareware ti nimaua te miniti n te bongina, ko kona ni kabanea Ana Boki Moomon inanon teuana te ririki.

2. Beku ibukia tabeman ni kakoroa te mwaiti n aoa ae 40 te aoa. Ike e kona, tabeua aoa aika a kanoai aoa ni buokan temanna te Ataeinnaine ma Oin Rikiraken neiei. E riai ni karaoaki aei iaan ana kairiiri te beretitentii n te uoote ke te mwaanga irouia Ataeinnaine. Inanon am tai ni buoka temanna te Ataeinnaine, ko kona:

   • Riki bwa raoaron neienne.

   • Riki bwa te banna ni katooto ae te nati te aine ae kororaoi ae natin te Atua.

   • Kaunga neienne ni mwakuri ma ana karo n rinei taneiai ao mwakuri aika a kakawaki ake e riai ni karaoi.

   • Buoka neienne n tuoi karaoan mwin taneiai ao mwakuri aika a kakawaki.

   • Buoka neienne ni korei mwin taneiai ao mwakuri aika a kakawaki.

   • Buoka neienne ni kamataata raoi ni moan tuua n te euangkerio ake e reireinaki man taneiai ao mwakuri aika a kakawaki.

   • Kaunga neienne ni wareka Ana Boki Moomon, ao maroroakinna ma neiei te bwai are e warekia.

   • Kaunga neienne n tibwauai taneiai ao mwakuri aika a kakawaki ma ana utu.

Moana Rikirake I Bon Iroum

Ko kona ni moana riki karaoan kanoan Rikirake I Bon Iroum ao ni karekea te kauoua ni mwae te meetera ibukin Kinakin Aron Maiun te Aine Ni Koaua.