Kinakin Aron Maiun te Aine Ni Koaua

Ngkana ko kabanei ni karaoi kanoan Rikirake I Bon Iroum, ko kona n rineaki ni karekea Kinakin Aron Maiun te Aine Ni Koaua. Ni karekean te kanuanga aei:

• Katoatai ni irira te bootaki n toa (ngkana e kona).

• Maiuakin kainibaire inanon Ibukin Kakorakoraia Kairake.

• Karaoi ni kabane taneiai aika a kakawaki ao mwakuri aika a kakawaki ni katoai n tatabeua waaki aika kakawaki ake waniua.

• Kawakina oin am tienoro.

• Ira te tieminari ke ira waakin te kamatebwai ni inaomata (ike e kona ni karaoaki).

• Wareka Ana Boki Moomon ni katoatai.

• Korea mwin am koaua ibukin te Tia Kamaiu Iesu Kristo.

Te kaniwanga aei e kinako ibukin arom n tau ao ibukin karaoan bwaai ni kabanea ake a riai ni karaoaki ibukin Rikirake I Bon Iroum. Ngkai te tia karekea te kaniwanga, ko riai ni kaotia ae koa tia ni katea te banna ibukin rikiraken oin maium. Ko a tia n tauraoi ni karaoi ao ni kawakin berita aika a tabu n te tembora. Ko a tia ni motika nanom bwa kona kawakin tuua, ni beku ibukia tabeman, mani karikirakea ao n tibwauai tibwangam ao am taarena. Ko na kekeiaki ni kakorakora te mweenga ao te utu.

Kinakin Aron Maiun te Aine Ni Koaua e kona ni kaotaki man anganako inanon tain te bootaki n toa. Imwin karekean te kaniwanga, ko riai n reitinako ni kakaonimaki ni maiuakin taian kainibaire ake inanona Ibukin Kakorakoraia Kairake. Maiuakin baike ko a tia n reiakin inanon am katauraoi ni karaoi berita aika tabu n te tembora ma Tamam are i Karawa. Ko na kunea te kimwareirei ao te kukurei inanon am tai ni karaoa aei.