15. Yeliko

Foto oyo ezali kolakisa milona na Yeliko ya mikolo ya lelo. Na ntango ya kala ezalaki engumba ya bifelo kati na lobwaku ya Ebale ya Yaladene, metele 252, na nse ya ndelo ya mai. Ezali ntei ya kobimisa milona mingi na bilanga wapi mbila ya esobe mpe banzete ya mabaya ezali kofuluka. Na nsima ezali oyo ebiangami engebene na masolo ya momeseno Ngomba ya Masenginia (Mat. 4:1–11).

Makambo Minene: Penepene na esika oyo, Yosua mpe bana ya Yisalaele bakatisaki yambo Ebale ya Yaladene, na kokotaka na mabele ya elaka (Yos. 2:1–3; 3:14–16). Nkolo na makamwisi akweisaki bifelo liboso ya bokasi ya Yisalaele (Yos. 6; tala lisusu Ebe. 11:30). Yosua alakaki mabe na engumba yango (Yos. 6:26), oyo ekokisamaki (1 Mik. 16:34). Elisa abongisaki mai ya Yeliko (2 Mik. 2:18–22). Mobikisi alekaki awa mbala ya nsuka Akendaki na Yelusaleme, kobikisaka mokufi miso Balatimai mpe kotikalaka na Yakai, mofutisi mpako (Mal. 10:46–52; Luk. 18:35–43; 19:1–10). Nzela ya kokende na Yeliko uta na Yelusaleme elimbolamaki na lisese ya Mosamalia malamu (Luk. 10:30–37). (Tala MOMA Yeliko.)