23. Mbu ya Galilea mpe Ngomba ya Bisengo mwambe

Kotalaka na ngambo ya sudi-westi likolo ya nsuka ya nordi-westi ya Mbu ya Galilea, ezali litima moko ya mai malili. Ngomba oyo liboso na katikati ezali esika ya Ngomba ya Bisengo mwambe engebene na masolo ya momeseno. Kapalanauma ezali na loboko ya mwasi, libanda na elili.

Makambo Minene: Mobikisi alekisaki mingi ya mosala na Ye ya kufa na etuka oyo. Awa Abiangaki mpe akulisaki Bapostolo Zomi na mibale (Mat. 4:18–22; 10:1–4; Mal. 1:16–20; 2:13–14; 3:7, 13–19; Luk. 5:1–11), ateyaki Esakola likolo ya Ngomba (Mat. 5–7), mpe ateyaki na masese (Mat. 13:1–52; Mal. 4:1–34). Bikamwisi oyo Asalaki ezalaki na oyo bilandi: Abikisaki moto ya maladi ya maba (Mat. 8:1–4); alembisaki mopepe makasi (Mat. 8:23–27); abenganaki uta na elenge mobali moko ebele ya milimo mabe, oyo ekotaki nsima na bangulube oyo bakimaki mbangu kati na mbu (Mal. 5:1–15); leisaki nkoto 5.000 mpe 4.000 (Mat. 14:14–21; 15:32–38); atindaki bayekoli na Ye kokitisa maluba na bango, na oyo bakangaki mbisi mingi (Luk. 5:1–6); abikisaki bato mingi (Mat. 15:29–31; Mal. 3:7–12); mpe amonanaki nsima ya Bosekwi na Ye mpo na koteya bayekoli na Ye (Mal. 14:27–28; 16:7; Yoan. 21:1–23). (Tala MOMA Galilea.)