21. Lobwaku ya Yizelele

Kotalaka na ngambo ya sudi-westi uta na likolo ya Ngomba ya Tabola na ndambo moko ya Lobwaku ya Yizelele, lisusu eyebanaki lokola Libanda ya Esdalo. Atako bato bakanisaka mbala mingi Lobwaku ya Yizelele kozalaka lobwaku moko monene, ezali solo molongo moko ya mabwaku oyo masangisi Esobe ya Ako na Lobwaku ya Yaladene mpe etuka ya Mbu ya Galilea. Lobwaku ya Megido, ndakisa, ezali ndambo ya ngambo ya westi ya lobwaku oyo. Lobwaku ya Yizelele ezalaki balabala ya monene na ntaka ya Mabele Masantu na kati ya Mbu ya Meditelanea na westi mpe Lobwaku ya Yaladene na esti.

Makambo Minene: Balabala monene oyo esangisi Ejipito mpe Mesopotamia elekaki na nzela ya lobwaku oyo, mpe bitumba mingi bibundamaki awa (Bas. 1:22–27; 5:19; 2 Mik. 23:29–30). Kozanga boyokani bonene na mabele oyo bokobanda na Etumba ya Alamagedo, oyo ekobundama kala mingi te liboso ya Boyei ya Mibale ya Mobikisi; ezwi nkombo na yango uta na Hala Megidono, to Ngomba ya Megido (Ejek. 38; Yoele 3:9–14; Zek. 14:2–5; Emon. 16:14–16).