8. Yelusaleme

Kotalaka na ngambo ya nordi ya Yelusaleme. O katikati ya foto ezali ndako ya bokumbameli ya Basumani oyo ezipami na motondo ya lolenge ya ndambo ya libungutulu ya wolo, oyo ebiangami Motondo ya Mabanga. Bayuda bazalaki kala kokumbamela na tempelo oyo izwamaki awa. Bifelo penepene na Motondo ya Mabanga bizingaki engumba ya kala ya Yelusaleme. Na loboko ya mobali na libanda ya foto, ezali Lobwaku ya Kidilono. Mosika na loboko ya mobali ezali Ngomba ya Bilaya. Na nordi, mosika na Motondo ya Mabanga, ekoki kozala esika ya Gologota, to Kalavari.

Makambo Minene: Yelusaleme abiangamaki kala Saleme (Nze. 76:2). Abalayama afutaki moko na zomi na Melikisedeki (Gen. 14:18–20). Abalayama ayaki kopesa Yisaka na libonza (Gen. 22:2–14). Mokonzi Dawidi akamataki Yelusaleme uta na Bayebusi (2 Sam. 5:4–9). Mokonzi Solomo atongaki tempelo (1 Mik. 6–7). Lehi alongwe mpo na kokende na mabele ya elaka (1 Nef. 1:4; 2). Mobikisi asalaki mosala, amikabaki mpo na masumu na biso, mpe asekwaki (Mat. 21–28). Lokola Mobikisi asakolaki, Yelusaleme ebebisamaki kala mingi nsima ya liwa na Ye (JS—Mat. 1:3–20). Yelusaleme ekokamatama na mikolo ya nsuka (Ejek. 38–39; Yoele 2–3; Emon. 11; 16). Mobikisi akomonana awa kala mingi te liboso ya Boyei na Ye ya Mibale (Zek. 12–14; Mal&May 45:48–53). (Tala MOMA Yelusaleme; Saleme.)