1 Kunantaq noqa Nephi, mana taytaykunaq ayllusaphinkuta qonichu qelqasqaypa kayninpi, manataqmi hayk’aqpas qosaqchu kay qelqashasqay raphikunapiqa, taytaypa waqaychasqan qelqakunapi qelqasqa kaqtin; chayraykun mana kaypi qelqanichu.

2 Allinñan Joseq ch’awchunmanta kasqayku nisqay.

3 Manataqmi ancha chaninniyoqchu noqapaq, taytaypa llapan imaymanankunamanta qelqay; manataqmi kay raphikunapi qelqakunmanchu, Yayaq imaymanankunamanta maypi qelqanaypaq ch’usaq kananpaq.

4 Llapan munayniyqa, Abrahanpa, Isaakpa, Jakobpa ima Yayankuman hamuspa qespichisqa kanankupaq runakunata inkitaymi.

5 Chhaynaqa, runakunapaq sumaq imaymanakunataqa mana qelqanichu; ichaqa Yayapaq, mana kay pachamanta kaqkunapaqwan sumaq kasqantan qelqani.

6 Hinaqa, ch’awchuymanmi huk kamachiyta qosaq, kay raphikunapi runaq wawankunapaq mana chaninniyoq imaymanakunata mana qelqanankupaq.