1 Nefi

Maandiko Matakatifu

Kitabu cha Mormoni

Yaliyomo
Utangulizi na Mashahidi
1 Nefi
2 Nefi
Yakobo (KM)
Enoshi
Yaromu
Omni
Maneno ya Mormoni
Mosia
Alma
Helamani
3 Nefi
4 Nefi
Mormoni
Etheri
Moroni

1 Nefi

Mlango wa 1
Nefi anaanza maandishi ya watu wake—Lehi aona ono la nguzo ya moto na kusoma kutoka kitabu cha unabii—Anamsifu Mungu, anatabiri kuja kwa Masiya, na kutoa unabii kuhusu maangamizo ya Yerusalemu—Anateswa na Wayahudi. Karibia mwaka 600 K.K.
Mlango wa 2
Lehi anachukua jamii yake nyikani kando ya Bahari ya Shamu—Wanaacha mali yao—Lehi anamtolea Bwana dhabihu na anawafundisha wanawe kuweka amri—Lamani na Lemueli wananungʼunika dhidi ya baba yao—Nefi ni mtiifu na anasali kwa imani; Bwana anamzungumzia na anachaguliwa kuwaongoza kaka zake. Karibia mwaka wa 600 K.K.
Mlango wa 3
Wana wa Lehi warejea Yerusalemu kupata mabamba ya shaba nyeupe—Labani anakataa kuwapa mabamba—Nefi anawasihi na kuwatia moyo kaka zake—Labani anaiba mali yao na anajaribu kuwauwa—Lamani na Lemueli wanawapiga Nefi na Samu na wanashutumiwa na malaika. Karibia mwaka 600–592 K.K.
Mlango wa 4
Nefi anamuua Labani kwa amri ya Bwana na kisha anayapata mabamba ya shaba nyeupe kwa werevu—Zoramu achagua kuandamana na familia ya Lehi nyikani. Karibia mwaka 600–592 K.K.
Mlango wa 5
Saria anamnungʼunikia Lehi—Wote wawili wanashangilia kurudi kwa wana wao—Wanatoa dhabihu—Mabamba ya shaba nyeupe yana maandiko ya Musa na manabii wengine—Mabamba yanamtambulisha Lehi kuwa uzao wa Yusufu—Lehi anatoa unabii kuhusu uzao wake na kuhifadhiwa kwa mabamba. Karibia mwaka 600–592 K.K.
Mlango wa 6
Nefi anaandika kuhusu vitu vya Mungu—Kusudi la Nefi ni kushawishi watu kumjia Mungu wa Ibrahimu ili waokolewe. Karibia mwaka 600–592 K.K.
Mlango wa 7
Wana wa Lehi wanarejea Yerusalemu na kumwalika Ishmaeli na jamii yake waungane nao katika safari yao—Lamani na wengine wanaasi—Nefi anawasihi kaka zake wawe na imani katika Bwana—Wanamfunga kwa kamba na kupanga njama za kumwangamiza—Anakombolewa kwa nguvu za imani—Kaka zake wanaomba msamaha—Lehi na kikundi chake wanatoa dhabihu na sadaka za kuteketezwa kwa moto. Karibia mwaka 600–592 K.K.
Mlango wa 8
Lehi anaona ono la mti wa uhai—Anakula matunda yake na kutamani jamii yake pia nao wale—Anaona fimbo ya chuma, na njia nyembamba imesonga, na ukungu wa giza ambao unafunika wanadamu—Saria, Nefi, na Samu wanakula matunda, lakini Lamani na Lemueli wanakataa. Karibia mwaka 600–592 K.K.
Mlango wa 9
Nefi anaandika aina mbili za historia—Kila kimoja kinaitwa mabamba ya Nefi—Mabamba makubwa yanayo maandishi ya historia ya kiulimwengu; mabamba ndogo yanayo asili ya vitu vitakatifu. Karibia mwaka 600–592 K.K.
Mlango wa 10
Lehi abashiri kwamba Wayahudi watatekwa mateka na Wababilonia—Anasimulia kuja kwa Masiya, Mwokozi, na Mkombozi, miongoni mwa Wayahudi—Lehi pia anasimulia kuhusu kuja kwa yule atakaye mbatiza Mwanakondoo wa Mungu—Lehi anasimulia kifo na ufufuko wa Masiya—Analinganisha kutawanyika na kukusanyika kwa Israeli na mzeituni—Nefi anazungumza kuhusu Mwana wa Mungu, kipawa cha Roho Mtakatifu, na haja ya haki. Karibia mwaka 600–592 K.K.
Mlango wa 11
Nefi anaona Roho wa Bwana na anaonyeshwa kwa ono mti wa uzima—Anamuona mama wa Mwana wa Mungu na kufahamu kuhusu ufadhili wa Mungu—Anaona ubatizo, huduma, na kusulibiwa kwa Mwanakondoo wa Mungu—Pia anaona mwito na huduma ya Mitume Kumi na Wawili wa Mwanakondoo. Karibia mwaka 600–592 K.K.
Mlango wa 12
Nefi anaona katika ono nchi ya ahadi; haki, uovu, na uangamizo wa wenyeji wake; kuja kwa Mwanakondoo wa Mungu miongoni mwao; jinsi wale Wanafunzi Kumi na Wawili pamoja na wale Mitume Kumi na Wawili watahukumu Israeli; na hali ya machukizo na uchafu ya wale ambao wanafifia katika kutoamini. Karibia mwaka 600–592 K.K.
Mlango wa 13
Nefi anaona katika ono kanisa la ibilisi limeanzishwa miongoni mwa wayunani, uvumbuzi na ukoloni katika Marekani, kupotea kwa sehemu nyingi zilizo wazi na za thamani za Biblia, kama matokeo yake hali ya ukengeufu wa myunani, urejesho wa injili, kutokea kwa maandiko ya siku za mwisho, na ujenzi wa Sayuni. Karibia mwaka 600–592 K.K.
Mlango wa 14
Malaika anamwambia Nefi kuhusu baraka na laana ambazo zitawateremkia Wayunani—Kuna makanisa mawili pekee: Kanisa la Mwanakondoo wa Mungu na kanisa la ibilisi—Watakatifu wa Mungu kote ulimwenguni wanateswa na lile kanisa kuu la machukizo—Mtume Yohana ataandika kuhusu mwisho wa ulimwengu. Karibia mwaka 600–592 K.K.
Mlango wa 15
Uzao wa Lehi utapokea injili kutoka kwa Wayunani katika siku za mwisho—Kusanyiko la Israeli unafananishwa na mti wa mzeituni ambao matawi yake ya asili yatapandikizwa tena—Nefi anatafsiri ono la mti wa uzima na anazungumza kuhusu haki ya Mungu katika kuwatenga waovu kutoka kwa watakatifu. Karibia mwaka 600–592 K.K.
Mlango wa 16
Waovu wanachukua ukweli kuwa mgumu—Wana wa Lehi wanaoa mabinti za Ishmaeli—Liahona inawaongoza njiani huko nyikani—Ujumbe kutoka kwa Bwana unaandikwa kwenye Liahona mara kwa mara—Ishmaeli anafariki; jamii yake inanungʼunika kwa sababu ya masumbuko. Karibia mwaka 600–592 K.K.
Mlango wa 17
Nefi anaamriwa kujenga merikebu—Kaka zake wanampinga—Anawasihi kwa kuwaelezea vile Mungu alivyoitendea Israeli katika historia—Nefi anajazwa na nguvu za Mungu—Kaka zake wanakatazwa wasimguse, au sivyo watanyauka kama nyasi iliyokauka. Karibia mwaka 592–591 K.K.
Mlango wa 18
Merikebu inamalizika—Kuzaliwa kwa Yakobo na Yusufu kunatajwa—Kundi lapakia kuelekea nchi ya ahadi—Wana wa Ishmaeli na wake zao wanaungana kwa kuasi na ugomvi—Nefi anafungwa, na merikebu inarudishwa nyuma na dhoruba kubwa—Nefi anaachiliwa huru, na kwa sala zake dhoruba inatulia—Watu wanawasili katika nchi ya ahadi. Karibia mwaka 591–589 K.K.
Mlango wa 19
Nefi anatengeneza mabamba ya madini na kuandika historia ya watu wake—Mungu wa Israeli atakuja baada ya miaka mia sita tangu Lehi kutoka Yerusalemu—Nefi anaelezea kuhusu mateso Yake na kusulubiwa Kwake—Wayahudi watadharauliwa na kutawanywa hadi siku za baadaye, wakati watamrudia Bwana. Karibia mwaka 588–570 K.K.
Mlango wa 20
Bwana anafunua makusudi Yake kwa Israeli—Israeli imechaguliwa kutoka katika tanuri la masumbuko na linapaswa kuondoka kutoka Babeli—Linganisha Isaya 48. Karibia mwaka 588–570 K.K.
Mlango wa 21
Masiya atakuwa nuru ya Wayunani na atawafungua wafungwa—Israeli itakusanywa kwa uwezo katika siku za mwisho—Wafalme watakuwa baba zao walezi—Linganisha Isaya 49. Karibia mwaka 588–570 K.K.
Mlango wa 22
Israeli itatawanyika kote usoni mwa ulimwengu—Wayunani watalea na kulisha Israeli kwa injili katika siku za mwisho—Israeli itakusanywa na kuokolewa, na waovu wataungua kama kapi—Ufalme wa ibilisi utaangamizwa, na Shetani atafungwa. Karibia mwaka 588–570 K.K.