1 Desnieteenstaande, die dofheid sal nie wees soos wat dit in haar kwelling was nie; toe hy aanvanklik die land Sebulon en die land Naftali ligtelik verdruk het, en daarna nog swaarder verdruk het langs die weg na die Rooi See, oorkant die Jordaan in Galiléa van die nasies.

2 Die volk wat in duisternis gewandel het, het ’n groot lig gesien; hulle wat woon in die land van die doodskaduwee, oor hulle het die lig geskyn.

3 U het die nasie vermenigvuldig, en die vreugde vergroot—hulle verbly hulle voor U soos die vreugde in die oes, en soos manne juig wanneer hulle die buit verdeel.

4 Want U het die juk verbreek van sy las, en die staf van sy skouer, die roede van sy verdrukker.

5 Want elke stryd van die krygsman is met verwarde geraas, en klere wat gerol is in bloed, maar dit sal wees met verbranding en brandstof van die vuur.

6 Want ’n Kind is vir ons gebore, aan ons is ’n Seun gegee, en die heerskappy sal wees op sy skouer; en sy naam sal wees: Wonderbaar, Raadsman, die Sterke God, die Ewige Vader, die Vredevors.

7 Aan die vermeerdering van die heerskappy en van vrede is daar geen einde nie, op die troon van Dawid, en oor sy koninkryk, om dit te orden en dit te vestig met reg en met geregtigheid, van nou af en vir ewig. Die ywer van die Here van die Leërskare sal dit uitvoer.

8 Die Here het sy woord gestuur na Jakob en dit het op Israel neergedaal.

9 En die hele volk sal weet, naamlik Efraim en die inwoners van Samaría, wat sê in die hoogmoed en grootsheid van hart:

10 Die bakstene het neergeval, maar ons sal bou met gekapte klippe; die wildevyebome is afgekap, maar ons sal hulle in seders verander.

11 Daarom, die Here sal die teenstanders van Resin verhef teen hom, en sy vyande saamvoeg;

12 Die Arameërs voor en die Filistyne agter; en hulle sal Israel verslind met ope mond. Ondanks dit alles is sy toorn nie afgewend nie, maar sy hand is steeds uitgestrek.

13 Want die volk keer nie tot Hom wat hulle slaan nie, nóg soek hulle die Here van die Leërskare.

14 Daarom sal die Here van Israel kop en stert afsny, tak en biesie in een dag.

15 Die oudste, hy is die kop; en die profeet wat leuens verkondig, hy is die stert.

16 Want die leiers van hierdie volk veroorsaak dat hulle dwaal; en diegene wat gelei word deur hulle, word vernietig.

17 Daarom, die Here sal geen vreugde hê oor hulle jongmanne nie, nóg sal Hy geen barmhartigheid hê vir hulle wese en weduwees; want elkeen van hulle is ’n huigelaar en ’n boosdoener, en elke mond spreek dwaasheid. Ondanks dit alles is sy toorn nie afgewend nie, maar sy hand is steeds uitgestrek.

18 Want boosheid brand soos die vuur; dit sal die distels en dorings verteer, en sal die struikgewasse van die woude aan die brand steek, en hulle sal opklim soos die opstyging van rook.

19 Deur die toorn van die Here van die Leërskare is die land verduister, en die volk sal wees soos die brandstof van die vuur; geen mens sal sy broer spaar nie.

20 En hy sal gryp na die regterhand en honger wees; en hy sal eet aan die linkerhand en hulle sal nie versadig wees nie; hulle sal eet, elke mens die vlees van sy eie arm—

21 Manasse, Efraim; en Efraim, Manasse; hulle saam sal teen Juda wees. Ondanks dit alles is sy toorn nie afgewend nie, maar sy hand is steeds uitgestrek.