1 Ja’ o jech, ta ts’acal ti c’alal laj yo’nton ta yalel Alma ti va’ay lo’iletique, te choti ta lumtic, ti Amuleke ja’ lic xchi’uc sjapo xchanubtaselic, jech la jyal:

2 Quermanotac vu’un, mu jch’un ya’el ti me mu xa na’ic ti c’usitic la jyich’alel ta sventa c’u x-elan ta xtal Cristoe. Ti boch’o la jcalcutic ti ja’ xnich’on Rioxe, jech, vu’un jna’oj ti jech cha vich’ic albel lec smelolal ti c’usitic li’ ti c’alal jech muyuc xa va’ybuncutic lec smelolale.

3 Ja’ jech chac c’u cha’al a c’anojbe ti quermano vu’un lec jc’anoje, ja’ jech xu’ xa yac’boxuc a na’ic ti c’usi xu’ cha pasique, ta sventa yatel a vo’ntonic; ja’ la spas jutuc c’uxi xu’ smeltsaj ti ajolique; jech, xchi’uc yalojboxuc ti ac’o oyuc xch’unolajel avo’ntonic xchi’uc a c’unilic ta spasele.

4 Jech ti ac’o oyuc ep xch’unolajel a vo’ntonic ta sts’unel ti a’yej ta avo’ntonique, ti c’uxi xu’ xa va’ybeic me lec ti slequil yo’ntone.

5 Xchi’uc quilojcutic ti c’usi ep c’opetic ochem ta ajolic ti me ja’ ti a’yejetic ti te oy ta xnich’on Rioxe, o me muyuc Cristo.

6 Xchi’uc avilojic xa ti li’ quermano la xa jyac’ ta ilel ep ta velta, ti lo’iletic te oy ta Cristo ta sventa coltaele.

7 Ti quermanoe ja’ c’opojem ta ya’yejtac Zenós, ti coltaele ja’ te ta xtal ta sventa xnich’on Riox, xchi’uc ta ya’yejtac Zenós xtoc; xchi’uc yaloj ta sventa Moisés ti c’uxi stac’ jq’ueltic ti me ja’ ta bats’imelele.

8 Jech tana, ti li’e ta to xcal ta jamal vu’un jtuc ti yu’un ja’ ta bats’imelel ti c’usitic li’e, jech tana, ta xcalboxuc ti vu’un jna’oj ti Cristo ta xtal ta stojolal xnich’nab viniquetic ti c’uxi chtal stsac ta jech no’ox stuc ti c’u x-elan yalic ta mulil steclumale, xchi’uc ti ta stojbe smultac sbejel banamile, yu’un ja’ Cajvaltic Riox yaloj.

9 Yu’un ja’ lec ti ac’o xich’ pasel ti jech oy boch’o ta stoj mulile, jech chac c’u cha’al sc’anoj stuc Riox ta sbatel osil. ti jech ac’o c’otuc ta pasel ti jech oy boch’o ta stoj mulile, ti me mu jechuque scotol viniquetic mu xu’ xcolic ta lajel; jech, scotolic spasoj sbaic ta tsots, jech scotolic yalemic ta lum xchi’uc ch’ayemic, xchi’uc manchuc ti ja’ lec ti ta xtal coltaele, ti jechuque stac’ xchamic.

10 Yu’un ja’ lec ti jech oyuc jun muc’ xchi’uc ti jech oyuc slajeb matanalile, jech, ma’uc matanalil yu’un vinic, xchi’uc me ja’uc chon bolom, xchi’uc me ja’uc jcotuc mutetic; yu’un ma’uc matanalil yu’un vinic, yu’un ja’ jun matanalil muyuc slajeb ta sbatel osil.

11 Xchi’uc muyuc boch’o jech vinic ti xu’ xac’ ta matanal xch’ich’al stuc ti jech xu’ stojbe smul yan xchi’ile, yu’un ti me milvan jun vinique, ja’ jech, ¿me ta xal jmantalcutic, ti ja’ lec ta sventa xch’ulel-yermanoe? ta xcal ti mo’oje.

12 Yu’un ti mantaletique ja’ ta sc’anbe xcuxlejal ti boch’o milvaneme, ja’ jech yu’un muyuc c’usi ti manchuc coltael ta sventa sbatel osil ti xu’ ja’ stojbe smul sbejel banamile.

13 Ti c’uxi ja’ lec ti oyuc junuc muc’ xchi’uc ti slajeb matanalile, ja’ jech ta xich’ aq’uel, o me ja’ lec ti ta xich’ aq’uel slajeb ti jech ta smalic ch’ich’e, ti va’aye ja’ jech ta xich’ ch’unel o ti smantal Moisese, jech, scotol xa c’ot ta pasel o, muyuc xa bu tsc’an jlec’uc xchi’uc me jutebuc, xchi’uc muyuc c’usi ta ach’ay.

14 Jech tana, ti li’e ja’ smelolal ta scotol ti mantale, scotol c’usi juteb ta xac’ ta ilel ti va’ay muc’ta slajeb matanalile, ti va’ay muc’ta slajeb matanalile ja’ ti snich’on Rioxe, jech, ti muyuc slajeb ta sbatel osile.

15 Ja’ jech ja’ ta xich’tal coltael ta sventaic ti boch’otic ta xch’unbat sbie, ti yu’un ja’ jech smelolal ti li’ slajeb matanalil ta xich’ abtelanel ti c’usi oy ta yut yutsilale, ti ja’ ta suj lequilal xchi’uc ti ja’ ta xac’be viniquetic ti c’uxi xu’ oyuc xch’unolajel yo’ntonic ta sventa xu’ sutes yo’ntonique.

16 Ja’ jech ti yutsilale stac’ sta ti c’usi tsc’an lequilale, xchi’uc ta stsinbe sc’ob viniquetic ta sventa c’uxi tsotsuc oyic, ti c’alal me muyuc to ta xac’ ta ilel ti xch’unolajel yo’nton ta sventa sutesub o’ntonale, ja’ te ta xcom ti ta c’u x-elan tsc’an mantalile xchi’uc ti c’u x-elan yaloj ta sbatel osil lequilale; ja’ jech, ja’ no’ox ti boch’o oy xch’unolajel yo’nton ta sventa ta sutes yo’ntone ja’ te ta xac’utic ta sbatel osil coltael.

17 Ja’ jech quermanotac vu’un, Riox ta xac’ ac’o xlic avaq’uic ta ilel xch’unolajel avo’ntonic ta sventa sutesub o’ntonal ti c’uxi xu’ xlic ac’anbeic ta xch’ul bi, ti c’uxi oyuc yutsilal ta atojolalique.

18 Jech, c’anbeic yutsilal, yu’un ja’ tsots xu’ yu’un ta xcoltavan.

19 Jech bic’tajes abaic xchi’uc ja’uc no’ox oyanic ta sc’opanel ta stojolal.

20 Ja’ c’opanic stuc ti c’alal te oyoxuc ta a vosilique, jech, ta sventa scotol a chon a bolomic.

21 Ja’ c’opanic stuc ta sventa anaic, jech, ta scotol ti c’usitic oy ta anaique, jech chac c’u cha’al ta sob xchi’uc ta o’lol c’ac’al xchi’uc ta bat c’ac’al.

22 Jech ja’ xa c’opanic stuc ta sventa ac’o sloq’uesoxuc ta stsatsal a baj contraic.

23 Jech, ja’ xa c’opanic stuc ta scontra pucuj, ti yu’un ja’ scotrainoj c’usi ja’ lequilale.

24 Ja’ xa c’opanic stuc ta sventa c’usi ats’unojic ta avosilic, ti c’uxi xu’ lecuque.

25 Xa c’opanic ta sventa achon abolomic ti c’uxi xu’ epajuque.

26 Ti va’aye ma’uc o scotol; tsc’an cha puclin ach’ulel ta ana, xchi’uc ti ta avosil bu xa na’ ta avo’ntone, xchi’uc ti bu tu jnome.

27 Jech ti c’alal me muyuc cha c’opan ti Cajvaltique, ac’o sc’opan ti avo’ntonique, ja’uc xa vac’ abaic ta sc’opanel ta stojolal ta sventa alequilalic, ja’ jech chac c’u cha’al slequilalic ta c’usi joybiloxuc oe.

28 Ja’ jech quermanotac ti vu’un lec jc’anojoxuque, ta xcalboxuc ti mu xa nopic ti me yu’un ja’ xa scotol oe, yu’un ti me jech ta ts’acal ti c’alal ti me la pasic scotol ti c’usitic va’aye, me la vac’beic avalupatic ti boch’o muyuc staq’uin xchi’uc ti boch’o t’anale, xchi’uc ti me muyuc xa vu’lanic jchamel xchi’uc boch’o ta xat yo’ntone, xchi’uc ti me muyuc xavaq’uic c’usitic oy avu’nic ti me oy avu’nic ti boch’otic ta xtun yu’nique, jech ta xcalboxuc, ti me muyuc xa pasic junucal ti c’usitic va’aye, ja’ jech, ti c’u x-elan cha c’opanique muyuc stu xchi’uc muyuc jlec’uc c’usi val, xchi’uc ti me ja’ jechoxuc jech chac c’u cha’al boch’o lec sna’oj scuyoj sba ti jech chopol c’usi ta spas ti jech mu xac’ ta ilel xch’unolajel yo’ntone.

29 Ja’ jech ti me mu xa c’an xa c’uxubin a xchi’ilique, ja’ jechoxuc jech chac c’u cha’al bic’tal ac’al ti jech ta sjip loq’uel ti boch’o ta sq’uele, (Ti jech muyuc o stue) xchi’uc ti jech ta xich’ pech’el ta teq’uel yu’un viniquetique.

30 Jech tana quermanotac vu’un, ta ts’acal ti jech la vich’ic xa ti c’u x-elan ep albil ta jamale, ti yu’un jech ta xal ta jamal ti ch’ul ts’ibiletic ti c’usitic va’aye, vu’un ta jc’an ti ac’o xatalic xchi’uc ti ac’o xa vac’ a satic ta sventa sutesub o’ntonale.

31 Jech ta jc’an ti ac’o xa talique xchi’uc ti mu ech’emuc xa tsatsubtas ti a vo’ntonique, yu’un ti li’e, tana no’ox xchi’uc ja’ li’ ta ora ti sc’ac’alil chi jcolutique, ja’ jech; ti me cha sutes xchi’uc ti me muyuc cha tsatsubtas ti avo’ntonique, ta anil no’ox ta x-abtej ta atojolalic ti c’u x-elan yaloj Riox ta sventa coltaele.

32 Yu’un ti li’e, ja’ ti c’uxi xu’ tsmeltsan sba ti vinic c’uxi xu’ chc’ot ta stojolal Rioxe, jech, ti sc’ac’alil c’uxi li’ cuxule, ja’ sc’ac’alil ti c’uxi xu’ tspas yabteltac ti vinique.

33 Jech chac c’u cha’al la jcal ta ba’yuc, ti jech ep xa ataoj ti c’usi a na’oj ta bats’imelele, jech ta jc’an tana, ti ac’o mu xjalij sc’ac’alil ti c’u x-elan cha sutes avo’ntonic c’alalto ta slajebal c’ac’ale, yu’un ta ts’acal ti c’u x-elan c’ac’al cuxulutic li’e, ja’ ac’bilutic ti c’uxi xu’ jmeltsan jbatic ta sventa cuxlejal ta sbatel osile, jech tana, ti me muyuc jmeltsantic lec ti jc’ac’aliltic c’u yepal c’ac’al li’ to cuxulutique, ja’ o ta xtal ti bats’i ic’al ac’ubal ti bu mu xa c’usi xu’ xich’ pasel j-ech’eluque.

34 Mu xa c’usi stac’ xa bal ti c’alal oyot xa ta muc’ta tsatsal vocolile, ta jsutes co’nton, xchi’uc ta xi sut ta stojolal Jriox mu xa stac’ jech xa val o ti va’aye, yu’un ja’ stuc espíritu ti te to ox oy ta jbec’taltic ti jech chloc’ batel ti c’u x-elan li’ to cuxulutique, ti va’ay espiritue ja’ xa oy stsatsal ta x-och ta jbec’taltic ti te ta banamil sbatel osile.

35 Ti me tu j-ech’en jalij ti sc’ac’alil cha sutes avo’ntonique, jech ja’ to me la chamique, ja’ jech, ti me ja’ te la bac’ abaic ta S-espíritu pucuj ti yu’un ja’ ta xac’ a senyailic ta sventa yu’ntaque; ja’ jech, ta chloc’ ta atojolalic ti S-espíritu Cajvaltique, xchi’uc muyuc yavil ta atojolalic; yu’un pucuj oy stsatsal ta atojolalic; ti va’aye, ja’ xa te ta xlajic o ti boch’otic chopolique.

36 Jech jna’oj ti va’aye, yu’un Cajvaltic la jyalbun ti mu xu’ xnaqui ta templo bu oy yic’ubale, ja’ no’ox xu’ ta xnaqui ta yo’ntonic boch’otic lequic, jech, xchi’uc yaloj xtoc ti ta xchotiic te bu ta spas mantal ti boch’otic lequique, ti jech mu xa xu’ xloq’uic yan veltae, xchi’uc ti sc’u’ique ta xich’ sacubtasel ta xch’ich’al xch’ium chij.

37 Jech tana, quermanotac ti vu’un lec jc’anojoxuque, ta jc’an ti ac’o xa vules ta ajolic ti c’usitic li’e, xchi’uc ti ac’o xa xi’ic ti Riox ta sventa c’u x-elan xu’ cha colique, xchi’uc mu xa naq’uic ti c’u x-elan ta xtal Cristoe.

38 Xchi’uc mu xa chopoluc xa c’opojic ta sventa Ch’ul Espíritu, ja’ no’ox xa vich’ic xchi’uc xa tsaquic ta atojolalic ti sbi Cristoe, xchi’uc ac’o xa bic’tajes a vaic c’alalto ta spucucal xchi’uc ja’ xa vich’ic ta muc’ Riox, ta buyuc no’ox oyoxuc, ja’uc ta Espíritu xchi’uc c’usi ta bats’imelel; xchi’uc ac’o xa ch’iic ta tojvocolil ta jujun c’ac’al ta sventa yu’un ep slequilal xchi’uc sbenticion ti yu’un ja’ stuc ta xac’ ta atojolalique.

39 Jech, xchi’uc tsots ta xcalboxuc xtoc, quermanotac vu’un, julovanic xchi’uc c’opanic ta jujuliquel ti c’uxi mu xa vich’ic iq’uel batel ta c’u x-elan smantaltac pucuje, xchi’uc ti c’uxi mu xa vich’ic lo’laele, xchi’uc ti c’uxi ma’uc xa oyiic ta stsatsal ta slajebal c’ac’ale, yu’un ti stuque muyuc ta xac’ lequil matanal.

40 Jech tana, quermanotac ti vu’un lec jc’anojoxuque, ta jc’an tsots cha calboxuc ti oyuc alequilalic ta smalaele, xchi’uc cuchuc avu’nic ti scotol ta chop vocolile; xchi’uc mu chopoluc xa c’opojic ta stojolalic ti boch’otic sbajojic a sme’onalique, mu me ja’uc o jech xa c’otic ta jmulavil jech chac c’u cha’al stuquic;

41 Ja’uc no’ox me oyuc a slequilalic ta smalael xchi’uc cuchuc avu’nic ti at o’ntonale, ja’uc no’ox xa na’ic lec ti yu’un cha cux avo’ntonic ta baq’uin ta sventa scotol o c’u x-elan la vich’ic o vocolile.