Il‑
Ktieb ta’ Mormon

Għalhekk, dan hu kompendju tal‑annali tal‑poplu ta’ Nefi, kif ukoll tal‑Lamaniti—Miktub għal‑Lamaniti, li huma fdal tad‑dar ta’ Iżrael; kif ukoll għal‑Lhud u għall‑Ġentili—Miktub fuq ordni ta’ kmandament, kif ukoll permezz tal‑ispirtu tal‑profezija u r‑rivelazzjoni—Miktub u ssiġillat, u moħbi għall‑Mulej, ħalli l‑pjanċi ma jiġux meqruda—Biex dan il‑kompendju jara d‑dawl permezz tad‑don u l‑qawwa ta’ Alla ħalli jiġi interpretat—Issiġillat minn id Moroni, u moħbi għall‑Mulej, biex jara d‑dawl meta jkun il‑waqt permezz tal‑Ġentili—L‑interpretazzjoni tiegħu permezz tad‑don ta’ Alla.

Kompendju meħud ukoll mill‑Ktieb ta’ Għeter, li hu l‑istorja tal‑poplu ta’ Ġared, li spiċċa nxtered fiż‑żmien li fih il‑Mulej ħawwad ilsien il‑poplu, meta bdew jibnu torri biex jitilgħu fis‑smewwiet—Sabiex juri lill‑fdal tad‑dar ta’ Iżrael kemm għamel ħwejjeġ kbar il‑Mulej għal missirijiethom; u sabiex huma jkunu jafu l‑patti tal‑Mulej, ħalli ma jiġux imwarrbin għal dejjem—Kif ukoll biex jikkonvinċi lil‑Lhud u lill‑Ġentili li Ġesù hu l‑ Kristu, Alla l‑Etern, li juri lilu nnifsu lill‑ġnus kollha—U issa, jekk fih hemm xi żbalji, huma l‑iżbalji tal‑bnedmin; għalhekk, tikkundannawx il‑ħwejjeġ ta’ Alla, biex intom tinstabu bla tebgħa quddiem it‑tribunal ta’ Kristu.