Мормоны Ном

Иймийн тул, энэ нь Нифайн хүмүүсийн, мөн түүнчлэн леменчүүдийн цэдгийн хураангуйлал юм—Израилын угсааны үлдэгдэл болох леменчүүдэд мөн түүнчлэн Иудей болон харийнханд бичигдсэн болой—Зарлигийн замаар, мөн түүнчлэн бошиглолын мөн илчлэлийн суу билгээр бичигдсэн бөлгөө—Бичигдэн, лацдагдаж, мөн тэдгээр нь устгагдахгүй байж болохын тулд Их Эзэнд далд хадгалагдсан бөлгөө—Энэ нь Бурханы бэлэг болон хүчээр орчуулагдахын тулд авчрагдах болно—Моронайн гараар лацдагдан, мөн зохих цагтаа харийнхнаар дамжин авчрагдахын тул Их Эзэнд далд хадгалагдсан буюу—Үүний орчуулга нь Бурханы бэлгээр болой.

Тэднийг тэнгэрт хүрэх цамхаг барьж байхад нь, Их Эзэн хүмүүсийн хэл яриаг будилуулсан тэр цагт тараагдсан тэдгээр, Жаредын хүмүүсийн цэдэг болох, Иферийн номоос түүнчлэн авагдсан хураангуйлал бөлгөө—Их Эзэний гэрээнүүдийг тэд мэдэж болохын тул, тэд үүрд хаягдахгүй байхын тул Их Эзэн тэдний өвөг дээдэст ямар агуу зүйлсийг хийж өгснийг Израилын угсааны үлдэгдэлд үзүүлэхийн тулд болой—Мөн түүнчлэн өөрийгөө бүх үндэстэнд үзүүлэх Есүс бол Христ, Мөнхийн Бурхан гэдгийг иудейчүүдэд болон харь үндэстнийхэнд итгүүлэхийн тулд болой—Мөн эдүгээ, хэрэв буруу буй бөгөөс тэдгээр нь хүмүүсийн алдаа бөлгөө; иймийн тул, та нар Христийн шүүлтийн суудлын өмнө толбогүй байж болохын тулд Бурханы зүйлсийг бүү шүүмжил.