Ko e
Tohi Moromona

Ko e mena ia, ko e taha maaga he fakamauaga he tau tagata Nifai, pihia mo e tau tagata Lamana, ko lautolu ko e toe tagata mai he magafaoa a Isaraela; ti pihia foki ke he tau Iutaia mo e tau Tagata Kehe — Ne tohia ai ha ko e poakiaga, ti pihia foki ha ko e agaaga he perofetaaga mo e fakakiteaga — Ne tohia mo e fakamau ai mo e fufu ai ke he Iki, kia nakai moumou ai — Fakamau ai he lima a Moronai, ti fufu ai ke he Iki, ke ta mai ai he magaaho kua lata ai, ke he Tagata Kehe — Ko e haana a fakaliliuaga ha ko e fakaalofa he Atua.

Ko e taha maga ne moua mai ai he tohi a Ieteru foki, ko e fakamauaga ia ke he tau tagata a Iareto, ko lautolu ia ne fakamavehevehe ai ke he magaaho ne fakakehekehe ai e Vagahau he tau tagata, he magaaho ne ta ai e lautolu e kolo ke hoko atu ke he lagi — Ke fakakite ai ke he toe tagata he magafaoa a Isaraela, e tau mena lalahi ne taute ai he Iki ma e tau mamatua ha lautolu; kia iloa ai e lautolu e tau maveheaga he Iki, kua nakai tiaki a lautolu ke he tukulagi — Kia iloa ai foki he tau tagata Iutaia mo e tau Tagata Kehe ko Iesu ko e Keriso, ko e Atua Tukulagi, mo e fakakite ai ke he tau kautu oti — Ti kaeke ke ha ha i ai e tau mena hepehepe, ko e tau hepe he tagata a ia; ko e mena ia, aua neke fakakelea e tau mena he Atua, kia nakai fai ila ai a mutolu ke he nofoa he fakafiliaga a Keriso.