Ti pihia foki e Fakamooliaga he Toko Valu
Kia iloa ai he tau motu oti, he tau magafaoa oti, he tau vagahau oti, mo e tau tagata oti kua hoko atu e gahua nai ki ai: Ko Iosefa Samita tama, ko ia haia ne fakaliliu e gahua nai ne fakakite mai ki a mautolu e tau lapa maka kua talahau ki ai i luga, ne kitia e mautolu kua kikila mai tuga e auro; mo e tau lau tohi oti kua fakaliliu e Samita, ne amoamo aki e mutolu e tau lima ha mautolu; mo e kitia ai foki e mautolu e tau mata tohi kua ha ha i ai, ko e tau mena mai he vaha i tuai, mo e kehe ni e talagaaga kua ha ha i ai. Ko e mena ia kua fakamooli atu a mautolu mo e nakai fai kupu fakauaua, ne fakakite mai e Samita ki a mautolu e tau mena nai ne kitia mo e lagaaki e mautolu e tau mena nai, ne iloa mo e maaliali e mautolu kua ha ha ia Samita e tau lapa maka nai kua vagahau atu a mautolu ki ai. Kua tuku atu e mautolu e tau higoa oti ha mautolu ke fakamooli ke he lalolagi katoa ne kitia e mautolu. Kua nakai fatipiko a mautolu, ka kua fakamooli e tau mena nai ki mua he Atua.
Kelisiano Uitima
Iakopo Uitima
Peteru Uitima tama
Toane Uitima
Hailama Paisi
Iosefa Samita matua
Hailama Samita
Samuela H. Samita