1 Thiab nim no kuv, Maulaunais, tau sau tej lus uas raug txib kuv, raws li kuv txoj kev nco tau; thiab kuv tau qhia rau koj tej uas kuv tau muab zwm cia; yog li ntawd tsis txhob kov lawv xwv kom koj yuav tau muab txhais; vim yam ntawd raug txwv rau koj, tsuas yog nyob thiab nyob nws yuav yog kev txawj ntse nyob hauv Vajtswv.

2 Thiab saib seb, koj yuav muaj sij hawm zoo uas koj yuav tau muab cov phiaj rau cov uas yuav pab coj kom muaj tau txoj hauj lwm no pom;

3 Thiab rau peb tug lawv yuav raug ua kom pom los ntawm Vajtswv lub hwj chim; yog li ntawd lawv yuav paub tseeb tias tej yam no muaj tseeb.

4 Thiab nyob hauv tej qhov ncauj ntawm peb tug tim khawv tej yam no yuav raug tsim kom muaj; thiab tej lus tim khawv ntawm peb tug, thiab txoj hauj lwm no, uas yog txoj uas yuav raug ua kom pom Vajtswv lub hwj chim thiab nws txoj lus, uas Leej Txiv, thiab Leej Tub, thiab tus Vaj Ntsuj Plig Dawb Huv ua tim khawv—thiab tag txhua yam no yuav sawv ua tim khawv tawm tsam neeg ntiaj teb nyob rau hauv hnub kawg.

5 Thiab yog tias lawv ho hloov siab lees txim thiab los cuag Leej Txiv los ntawm Yexus lub npe, lawv yuav raug txais mus rau hauv Vajtswv lub nceeg vaj.

6 Thiab nim no, yog kuv tsis muaj cai rau tej yam no, nej sim txiav txim seb; vim nej yuav paub tias kuv muaj cai thaum nej pom kuv, thiab peb yuav sawv ntawm Vajtswv xub ntiag nyob hauv hnub kawg. Amees.