1 Na hivyo tunaweza kuona vile uwongo, na pia kutoaminika kwa mioyo ya watoto wa binadamu; ndiyo, tunaweza kuona kwamba Bwana katika uzuri wake usio na mwisho hubariki na kufanikisha wale ambao huweka imani yao kwake.

2 Ndiyo, na tunaweza kuona kwa ule wakati anaofanikisha watu wake, ndiyo, kwa kuongeza mavuno yao, na wanyama wao na mifugo yao, na kwa dhahabu, na kwa fedha, na katika kila aina ya vitu vya thamani vya kila aina na umbo; kuachilia maisha yao, na kuwaokoa kutoka kwa mikono ya maadui wao; kugusa mioyo ya maadui wao ili wasitangaze vita dhidi yao; ndiyo, na kwa kifupi, akifanya vitu vyote kwa ustawi na furaha ya watu wake; ndiyo, na hapo ni wakati ambao wanashupaza mioyo yao, na humsahau Bwana Mungu wao, na kumkanyaga chini ya miguu yao yule Mtakatifu—ndiyo, na wanafanya hivi kwa sababu ya utulivu wao, na mafanikio yao makubwa sana.

3 Na hivyo tunaona kwamba Bwana asipowaadhibu watu wake kwa mateso mengi, ndiyo, isipokuwa awaadhibishe kwa kifo na kwa vitisho, na kwa njaa na kwa namna yote ya magonjwa, hawatamkumbuka.

4 Ee jinsi gani wapumbavu, na jinsi gani bure, na waovu, na wenye uibilisi, na jinsi gani hufanya mabaya kwa urahisi, na jinsi gani watoto wa watu, hufanya mema polepole, ndiyo, huwa wepesi kuyasikia maneno ya mwovu, na kuweka mioyo yao kwenye vitu vilivyo bure vya ulimwengu!

5 Ndiyo, jinsi gani kwa haraka wanainuliwa kwa kiburi; ndiyo, jinsi gani ni wepesi kwa kujisifu, na kufanya kila aina ya yale ambayo ni ya uovu; na jinsi gani wana upole kumkumbuka Bwana Mungu wao, na kusikiza amri zake, ndiyo, na jinsi gani ni wapole kutembea kwenye njia za hekima!

6 Tazama, hawataki kwamba Bwana Mungu wao, ambaye amewaumba, aongoze na kutawala juu yao; ijapokuwa uzuri wake na rehema yake kuwaelekea, wanachukua kama bure mawaidha yake, na hawataki awe kiongozi wao.

7 Ee ni kubwa jinsi gani hali ya kutokuwa na kitu ya watoto wa watu; ndiyo, hata wako hafifu kuliko mavumbi ya dunia.

8 Kwani tazama, mavumbi ya dunia huvuma hapa na pale, na hata kugawanyika mbali, wakati inavyoamrishwa kufanya hivyo na Mungu wetu mkuu na asiye na mwisho.

9 Ndiyo, tazama kwa sauti yake vilima na milima hutetemeka na kutapatapa.

10 Na kwa uwezo wa sauti yake inavunjika, na kuwa laini, ndiyo, hata kama bonde.

11 Ndiyo, kwa uwezo wa sauti yake dunia yote hutetemeka;

12 Ndiyo, kwa uwezo wa sauti yake, misingi ya miamba, hutikisika hata mpaka katikati.

13 Ndiyo, na ikiwa ataambia dunia—Songa—itasonga.

14 Ndiyo, na ikiwa ataambia dunia—Utarudi nyuma, ili iongeze siku kwa masaa mengi—itafanyika;

15 Na hivyo, kulingana na neno lake dunia hurudi nyuma, na huonekana kwa binadamu kwamba jua linasimama mahali pamoja; ndiyo, na tazama, hivyo ndivyo ilivyo; kwani kwa kweli ni dunia ndiyo husogea na sio jua.

16 Na tazama, pia, ikiwa ataambia kilindi cha maji ya bahari—Kauka—inafanyika.

17 Tazama, ikiwa atauambia huu mlima—Inuka juu, na uangukie mji huo, ili uzikwe—tazama inafanyika.

18 Na tazama, ikiwa mtu anaficha hazina ndani ya ardhi, na Bwana aseme—Ebu ilaaniwe, kwa sababu ya ubaya wa yule aliyeificha—tazama, italaaniwa.

19 Na ikiwa Bwana atasema—Wewe ulaaniwe, kwamba hakuna mtu yeyote atakayekupata sasa hadi milele—tazama, hakuna mtu atakayeipata kutokea hiyo siku hadi milele.

20 Na tazama, ikiwa Bwana atamwambia mtu—Kwa sababu ya uovu wako, utalaaniwa milele—itafanyika.

21 Na ikiwa Bwana atasema—Kwa sababu ya uovu wako utatolewa kutoka kwenye uwepo wangu—atasababisha kwamba itakuwa hivyo.

22 Na ole kwake yeye ambaye atamwambia hivi, kwani itakuwa kwake ambaye atafanya maovu, na hataweza kuokolewa; kwa hivyo, kwa sababu hii, kwamba binadamu wangeokolewa, toba imetangazwa.

23 Kwa hivyo, heri wale ambao watatubu na kusikiza sauti ya Bwana Mungu wao; kwani hawa ndiyo wale ambao wataokolewa.

24 Na Mungu akubali, kwa utimilifu wake mkuu, kwamba watu waonyeshe nia ya kutubu na kufanya matendo mazuri, kwamba wangerudishwa kwenye neema kwa neema, kulingana na vitendo vyao.

25 Na ningetaka kwamba watu wote waokolewe. Lakini tunasoma kwamba katika ile siku kuu ya mwisho kuna wengine ambao watatupwa nje, ndiyo, ambao watatolewa kwenye uwepo wa Bwana;

26 Ndiyo, ambao watawekwa kwa hali yenye taabu isiyo na mwisho, kwa kutimiza maneno ambayo yanasema: Wale ambao wametenda mema watakuwa na maisha yasiyo na mwisho; na wale ambao wametenda maovu watapata laana isiyo na mwisho. Na hivyo ndivyo ilivyo. Amina.