1 Na em i kamap we long fopela ten tu krismas long rul bilong ol jas, bihain long Moronaia i bin strongim gen bel isi namel long ol lain bilong Nifai na ol lain bilong Leman, lukim, nogat wanpela man i stap long kisim jasmen-sia, olsem na tok pait i stat long kirap gen namel long ol pipol olsem husat bai kisim jasmen-sia.

2 Na em i kamap we Hilaman, em i pikinini man bilong Hilaman, ol i bin makim em long kisim jasmen-sia wantaim maus bilong ol pipol.

3 Tasol lukim, Kiskumen em i bin kilim Pahoran i wet long bagarapim Hilaman tu, na ol lain bilong em i bin halivim em, ol i bin wokim promis olsem nogat wanpela man mas save long pasin nogut bilong em.

4 Long wanem, wanpela man, nem bilong em Gadianton, em i bin save gut tru long planti toktok wantaim smatpela pasin, long kilim man na stil long hait, olsem na, em bin kamap lida long ol lain bilong Kiskumen.

5 Olsem na, em i bin kirapim bilong ol wantaim Kiskumen, olsem sapos ol i putim em long jasmen-sia, em bai putim ol long pawa na atoroti namel long ol pipol, olsem na, Kiskumen i bin traim long bagarapim Hilaman.

6 Na em i kamap we taim em i go long hap long jasmen-sia long bagarapim Hilaman, lukim, wanpela wokman bilong Hilaman, bikos em i bin hait na go aut long nait na save long dispela plen bilong ol dispela lain long bagarapim Hilaman.

7 Na em i kamap we em i bin bungim Kiskumen, na mekim wanpela mak, olsem na Kiskumen bin autim long em as bilong em long kam, na laikim olsem em bai kisim em i go long jasmen-sia olsem em bai kilim Hilaman.

8 Na bihain long wokman bilong Hilaman i bin save long olgeta bel bilong Kiskumen, na olsem em i laik bilong em long kilim man, na tu olsem em i laik bilong olgeta man ol i memba long ol lain bilong em long kilim man, stil na kisim pawa, (na dispela i tokhait plen na kainkain nogut plen bilong ol) wokman bilong Hilaman i bin tokim Kiskumen: Yumi go het long jasmen-sia.

9 Nau dispela toktok i bin mekim Kiskumen amamas nogut tru, bikos em i bin ting olsem em bai mekim kamap tru plen bilong em, tasol lukim, wokman bilong Hilaman, taim ol i go stret long jasmen-sia, em i bin kilim Kiskumen long leva stret, na em i no mekim wanpela nois tasol idai na pundaun. Na em i bin ron i go na tokim Hilaman long olgeta samting em i bin lukim, na harim na wokim.

10 Na em i kamap we Hilaman i bin salim ol pipol i go long kisim dispela ol stil lain wantaim man bilong kilim man long hait, olsem ol pipol bai kilim ol olsem lo i tok.

11 Tasol lukim, taim Gadianton i lukim olsem Kiskumen i no go bek, em i bin poret nogut Kiskumen ol i bin kilim, em olsem na em i bin tokim ol lain bilong em long bihainim em. Na ol i ronawe i go aut long graun, long rot nogat wanpela man i save, i go long ples we nogat man i stap, olsem na, ol pipol i no bin painim ol taim Hilaman i bin salim ol.

12 Na moa long toktok bilong dispela Gadianton bai kam bihain long dispela stori. Na fopela ten tu krismas long rul bilong ol jas long ol pipol bilong Nifai i pinis olsem.

13 Na lukim, yu bai lukim long arere long dispela buk olsem dispela Gadianton i bin strong long daunim, ye, klostu bagarapim olgeta pipol bilong Nifai.

14 Lukim, mi no tok long arere long buk bilong Hilaman, tasol mi tok long arere long buk bilong Nifai, we mi bin kisim olgeta stori mi bin raitim.