Buk Bilong Hilaman
Stori long ol lain bilong Nifai. Bikpela pait wantaim tok pait na bruknabaut bilong ol. Na tu ol profesi bilong planti holi profet, bipo long Krais long kam, olsem long ol rekot bilong Hilaman, em i pikinini man bilong Hilaman na olsem long ol rekot bilong ol pikinini man bilong em, i go daun inap long taim long Krais long kam. Na tu planti lain bilong Leman i tanim bel. Stori long tanim bel bilong ol. Stori long stretpela pasin bilong ol lain bilong Leman, na pasin nogut wantaim pasin les nogut tru bilong ol lain bilong Nifai, olsem long rekot bilong Hilaman na ol pikinini man bilong em, i go daun inap long taim long Krais long kam, na dispela stori wantaim stori bilong narapela samting i stap insait long dispela buk ol i kolim buk bilong Hilaman.
Sapta 1
Pahoran nambatu i kamap het jas na Kiskumen i kilim em i idai—Pakumenai i kisim jasmen-sia long kamap het jas—Korientuma i lidim ami long ol lain bilong Leman, kisim Jarahemla, na kilim Pakumenai—Moronai i winim ol lain bilong Leman, na kisim bek Jarahemla, na Korientuma i idai. Klostu 52–50 krismas bipo Krais.
1 Na nau lukim, em i kamap we bikpela hevi i stat long kamap namel long ol pipol long ol lain bilong Nifai, long i stat long fopela ten krismas long rul bilong ol jas long ol pipol bilong Nifai.
2 Long wanem, lukim, Pahoran i bin idai, na i go pinis olsem olgeta man long graun save wokim, olsem na bikpela toktok long pait i stat long kamap namel long ol brata, em i ol pikinini man bilong Pahoran, olsem em bai kisim jasmen-sia.
3 Nau dispela em ol nem long ol pikinini man bilong Pahoran, em ol i bin pait long kisim jasmen-sia, em tu i bin mekim ol pipol long pait: Pahoran, Paankai na Pakumenai.
4 Nau dispela i no olgeta pikinini man bilong Pahoran (long wanem, em i bin gat planti pikinini man), tasol dispela em ol nem bilong ol pikinini man ol i bin pait long kisim jasmen-sia, olsem na, ol i bin pulim ol pipol long bruk i go long tripela hap.
5 Tasol, em i bin kamap we maus bilong ol pipol i bin makim Pahoran long kamap het jas na gavana long ol pipol bilong Nifai.
6 Na em i kamap we, Pakumenai, i bin bung wantaim maus bilong ol pipol, taim em i bin lukim olsem em i nogat wei long kisim jasmen-sia.
7 Tasol lukim, Paankai wantaim ol pipol ol i halivim em long kamap gavana i belhat nogut tru, olsem na, em i bin kirapim bel bilong ol dispela pipol long kirapim pait wantaim lain brata bilong ol.
8 Na em i kamap we taim em i bin klostu long wokim dispela, lukim, em i bin kisim, na traim wantaim maus bilong ol pipol, na kotim ol long idai, bikos em i bin kirapim pait na traim long bagarapim fridom bilong ol pipol.
9 Nau taim ol pipol ol i bin halivim em long kamap gavana ol i lukim olsem ol i bin kotim em long idai, ol i bin belhat, na lukim, ol i salim wanpela man Kiskumen, i go insait tru long jasmen-sia bilong Pahoran, na kilim Pahoran taim em i sindaun i stap long jasmen-sia.
10 Na ol wokman bilong Pahoran ol i bin ronim em, tasol lukim, Kiskumen i no isi isi long ron, olsem na, nogat wanpela i bin abrusim em.
11 Na em i bin go long ol lain ol i bin salim em, na olgeta long ol i bin wokim promis, ye, ol i bin tok tru antap long nem bilong Papa oltaim oltaim, olsem ol bai i no inap tokim wanpela man olsem Kiskumen i bin kilim Pahoran.
12 Olsem na, nogat wanpela man i bin save Kiskumen namel long ol pipol bilong Nifai, long wanem, em i bin haitim pes bilong em taim em i kilim Pahoran. Na Kiskumen wantaim ol lain bilong em, ol i bin wokim promis wantaim em, i stap namel long ol pipol long kain pasin we olgeta long ol i no bin painim, tasol planti ol i bin kotim ol long idai taim ol bin painim aut.
13 Na nau lukim, maus bilong ol pipol ol i bin makim Pakumenai, long kamap het jas na gavana bilong ol pipol, long rul long ples long brata bilong em Pahoran, na em i olsem long rait bilong em. Na olgeta long dispela i bin kamap long fopela ten krismas long rul bilong ol jas, na em i bin pinis olsem.
14 Na em i kamap we long fopela ten wan krismas long rul bilong ol jas, olsem ol lain bilong Leman ol i bin bung wantaim traipela namba tru long ol man bilong ami, na kisim ol naip bilong pait, huknaip, banara wantaim spia bilong banara, hetplet, brosplet wantaim olgeta kainkain banis bilong pait.
15 Na ol i bin kam daun gen olsem ol bai pait wantaim ol lain bilong Nifai. Na wanpela man nem bilong em Korientuma i bin lidim ol, na em i wanpela tumbuna pikinini bilong Jarahemla, na em i wanpela man em i bin bruk i go awe long ol lain bilong Nifai, na em i wanpela bikpela na strongpela man tru.
16 Olsem na, king long ol lain bilong Leman, nem bilong em Tubalot, em i pikinini man bilong Amoron, i bin ting olsem bikos Korientuma i wanpela strongpela man tru, olsem na em i bin salim Korientuma long pait na winim ol lain bilong Nifai wantaim strong na bikpela save tru bilong em—
17 Olsem na Tubalot i bin tanim bel long ol pipol bilong em long belhat, na bung wantaim ol ami bilong em, na makim Korientuma long kamap lida bilong ol, na givim oda long ol long go daun long graun bilong Jarahemla, long pait wantaim ol lain bilong Nifai.
18 Na em i kamap we bikos long planti tok pait tru wantaim bikpela hevi tru insait long gavman, olsem na, ol i no bin putim inap wasman insait long graun bilong Jarahemla, long wanem, ol i bin ting olsem ol lain bilong Leman ol bai poret long kam insait tru long graun bilong ol, long pait wantaim bikpela siti Jarahemla.
19 Tasol em i kamap we Korientuma i bin wokabaut go pas long het bilong traipela namba tru long ami bilong em, na em i bin kam stret long ol pipol long siti, na ol i no isi long wokabaut, olsem na, ol pipol bilong Nifai ol i nogat taim long bungim ami bilong ol wantaim.
20 Olsem na, Korientuma i bin kilim ol wasman long dua bilong siti, na go insait long siti wantaim olgeta ami bilong em, na kilim olgeta man ol i bin traim long pait wantaim ol, olsem na ol i bin kisim olgeta siti long ol yet.
21 Na em i kamap we Pakumenai, em i het jas, i ronawe long Korientuma, i go inap long ol banis bilong siti. Na em i kamap we Korientuma i bin paitim Pakumenai i go long banis, na em i idai. Na olgeta de bilong Pakumenai i bin pinis olsem.
22 Na nau taim Korientuma i lukim olsem em i bin kisim siti bilong Jarahemla, na lukim ol lain bilong Nifai ol i bin ronawe long ai bilong ol, na ol i bin kilim, na ol i bin kisim ol na tromoi ol long kalabus, na olsem na em i bin kisim strongpela siti tru bilong olgeta graun, em i bin kisim strong nogut tru olsem long em i klostu go het long pait long olgeta graun.
23 Na nau em i no i stap long graun bilong Jarahemla, tasol em i bin go het wantaim bikpela namba long ami i go long hap long siti bilong Planti, bikos em i strongpela tingting bilong em long go het na katim rot bilong em wantaim naip bilong pait, olsem long em bai kisim graun long hap long not.
24 Na, bikos em i bin ting olsem bikpela strong tru bilong ol i stap long namel long graun, olsem na em i bin go het, na i no givim ol taim long bung wantaim ol yet, tasol long ol liklik namba, long aini bilong ol, olsem na ol i bin pundaun na ol i bin kilim ol idai.
25 Tasol lukim, traipela namba tru long ol pipol bilong Nifai ol i bin kilim, tasol, dispela wokabaut bilong Korientuma insait long namel long graun i bin givim Moronaia bikpela sans tru.
26 Long wanem, lukim, Moronaia i bin ting olsem ol lain bilong Leman ol bai i no inap kam insait tru long graun, tasol olsem ol bai pait wantaim ol siti raunabaut long ol arere long graun olsem ol i bin wokim bipo, olsem na, Moronaia i bin tokim ol strongpela ami bilong em long lukautim dispela ol siti i stap long ol arere long graun.
27 Tasol lukim, ol lain bilong Leman ol i no poret olsem long tingting bilong em, tasol ol i kam insait long namel long graun, na kisim nambawan siti, na dispela i siti bilong Jarahemla, na bihain ol i go long nambawan nambawan siti long olgeta hap long graun, na kilim ol bikpela namba tru long ol pipol, ol man, ol meri wantaim ol pikinini, na kisim planti siti na ples hait bilong ol.
28 Tasol taim Moronaia i luksave long dispela, em i bin salim Lihai wantaim wanpela ami hariap tru, long raunabaut long pasim ol olsem ol bai i no inap kam long graun bilong Planti.
29 Na em i bin wokim olsem, na pasim ol long kam long graun bilong Planti, na pait wantaim ol inap long ol i stat long tanim ol i go bek long hap long graun bilong Jarahemla.
30 Na em i kamap we Moronai i bin pasim ol taim ol i tanim na i go bek, na pait wantaim ol, inap long dispela pait i kamap wanpela pait nogut tru bilong kapsaitim blut, ye, planti ol i bin kilim ol, na tu Korientuma ol i bin painim em namel long namba ol i bin kilim.
31 Na nau, lukim, ol lain bilong Leman ol i bin nogat rot long go bek, long hap long not o long hap long saut, o long hap long is o long hap long wes, long wanem, ol lain bilong Nifai ol i bin raunim ol long olgeta sait.
32 Olsem na Korientuma i bin tromoi ol lain bilong Leman insait long namel tru long ol lain bilong Nifai, olsem long ol i bin kam aninit long pawa long ol lain bilong Nifai, na em yet i bin idai, na ol lain bilong Leman givim ol yet i go long han long ol lain bilong Nifai.
33 Na em i kamap we Moronaia i bin kisim bek gen siti bilong Jarahemla, na tokim ol lain bilong Leman ol i bin kisim ol kalabus long go aut long graun wantaim bel isi.
34 Na fopela ten wan krismas long rul bilong ol jas i pinis olsem.