An Libro Ni Mormon

1 Ngan yana ako, Mormon, nagsusurat han mga nahuna-huna nga kamatuoran ngan akon nahibatian, ngan ginngaranan ine an Libro ni Mormon.

2 Ngan ha takna nga ginhimos ni Ammaron adton mga sinurat ngadto ha Ginoo, hiya in kumadto ha akon, (ako napulo pala katuig adton pangidaron, ngan ako in nagtikang paghibaro ha bisan paonan-o subay ha pamaagi ngan pagkahibaro han akon mga tawo) ngan hi Ammaron nagsiring ha akon: Maaram ako nga ikaw in usa nga bata nga buotan, ngan madagmit ka mahibaro;

3 Sanglit, kun ikaw in umabot na ngadto ha 24 an panuigon karuyag ko nga imo hinumduman adton mga nahuna-huna nga nahikit-an nimo hiunong hine nga mga tawo; ngan kun ikaw in aada na hito nga panuigon masingadto ka ha katunaan han Antum, ha usa nga tayod nga gintatawag nga Shim; ngan didto akon gintago ngadto ha Ginoo an ngatanan nga sagrado nga mga sinurat hiunong hine nga mga tawo.

4 Ngan kitaa, kukuhaon mo adton mga lamina ni Nephi para ha imo kalugaringon, ngan adton nahibibilin in imo babaya-an ha lugar nga kinamumutangan hadto; ngan imo iuukit ha mga lamina ni Nephi an ngatanan nga nahuna-huna nga imo naobserbahan hiunong hine nga mga tawo.

5 Ngan ako, hi Mormon, nga tikang han tulin ni Nephi, (an ngaran han akon Amay amo hi Mormon) nahinumduman ko adton mga pulong nga iginsugo ha akon ni Ammaron.

6 Ngan ine nahitabo nga ako, 11 an pangidaron, in gindara han akon amay ha timog nga katunaan, bisan ngadto han katunaan han Zarahemla.

7 An bug-os nga katunaan in napuno hin mga balay, ngan duro hin kadamo han mga tawo nga haros, sugad hin baras ha dagat.

8 Ngan ine nahitabo nga hine nga tuig nagtikang in kagubot ha butnga han mga Nephite, nga ginsasakopan han mga Nephite ngan han mga Jakobite ngan han mga Josephite ngan mga Zoramite; ngan ine nga kagubot in ha butnga han mga Nephite, ngan mga Lamanite ngan mga Lemuelite ngan mga Ismaelite.

9 Ngan yana an mga Lamanite ngan mga Lemuelite ngan mga Ismaelite in gintatawag nga mga Lamanite, ngan an duha nga partido in amo an mga Nephite ngan mga Lamanite.

10 Ngan ine nahitabo nga an kagubot in natikang ha butnga nira ha ka-ultan ha Zarahemla, ha may katubigan han Sidon.

11 Ngan ine nahitabo nga an mga Nephite in nagkaurosa ngan nagtirok hin duro kadamo nga sundalo nga mga lalaki, bisan sobra pa kadamo hin 30,000. Ngan ine nahitabo nga ha pareho nga tuig hira in nagkamayada hin pipira nga pag-away, nga diin adton mga Nephite in ginperdi an mga Lamanite ngan ginpatay an damo ha ira.

12 Ngan ine nahitabo nga ginukoy han mga Lamanite an ira plano, ngan nagkamayada hin kamurayaw han tuna; ngan an kamurayaw in nagpabilin ha sakob hin upat katuig, ngan waray umawas nga dugo.

13 Kundi adton karaotan in nagpasige ha bawbaw han tuna, sanglit ginkuha han Ginoo adton iya mga minayuyu nga mga disipolo, ngan an mga pagbuhat han mga milagro ngan han mga pagtambal in naukoy tungod han karaotan han mga tawo.

14 Ngan waray na mga gasa tikang ha Ginoo, ngan an Espiritu Santo in waray mahingadto bisan kan kanay, tungod han ira karaotan ngan kawaray pagtuo.

15 Ngan ako, 15 adton pangidaron ngan mayada igo nga panhuna-huna, sanglit ako in ginbisita han Ginoo, ngan naprobaran ngan nahibaroan adton kaupayan ni Jesus.

16 Ngan ako in nagtalingoha nga magtutdo ngadto hine nga mga tawo, kundi an akon baba natak-om, ngan gindid-an ako nga magtutdo ha ira; kay makabirido hira in tinuyo nga nakiglaris kontra han ira Diyos; ngan an minayuyu nga mga disipolo in ginkuha tikang ha katunaan, tungod han ira karaotan.

17 Kundi ako in nagpabilin nga upod ha ira, kundi ako in gindid-an nga magtutdo ngadto ha ira, tungod han kamatig-a han ira mga kasingkasing; ngan tungod kay matig-a man an ira mga kasingkasing an katunaan in ginsumpa tungod ha ira.

18 Ngan ine nga mga tikasan nga Gadianton, nga nakada ha hugpo han mga Lamanite, in nag-uukoy ha katunaan, nga nasugad nga adton nanngongukoy didto in nagtikang pagtago han ira mga karikohan ha ilarum han tuna; ngan adto in nagin mahanglas, tungod kay an katunaan in ginsumpa han Ginoo, nga dire na nira adto makaptan, ngan dire na adto mahingangada ha ira liwat.

19 Ngan ine nahitabo nga mayada mga panbabarang, ngan mga parupangaswang, ngan mga mehiko; ngan an gahum hadton usa nga panulay in ginbuhat dida han bawbaw han katunaan, bisan ngada han katuman hadton ngatanan nga panagna ni Abinadi, ngan liwat hi Samuel nga Lamanite.