An Libro ni Moroni

1 Asin ako, si Moroni, pagkatapos kan pagpahalipot kan kasaysayan kan manga tawo ni Jared, ako kutana dai na masurat pa nin kadakol, alagad dai pa man ako napapara; asin ako dai mapamidbid kan sakuyang sadiri sa manga Lamanite ta tibaad gadanon ninda ako.

2 Huli totoo, an saindang manga gera labi-labi kaisog sa saindang katiripunan; asin huli sa saindang kaanggotan ginagadan ninda an lambang Nephite na dai mag-inda ki Cristo.

3 Asin ako, si Moroni, dai iindahan an Cristo; kaya ako naglilibot-libot kun sain-sain para sa kaligtasan kan sakuyang sadiring buhay.

4 Huli kaini, ako nagsurat nin kadikit pang manga bagay, salungat sa sakuyang pinaghuna-huna; huli ta ako naghuna na dai na ako masurat pa; alagad ako nagsurat nin kadikit pang manga bagay, tanganing tibaad pa maging mahalaga sa sakuyang manga katugangan, an manga Lamanite, sa maabot na manga aldaw, sunod sa kapagbotan kan Kagurangnan.