1 An manga tataramon ni Cristo, na saiyang sinabi sa saiyang manga disipulos, an dose na saiyang pinili, mantang saiyang ibinugtak an saiyang manga kamot sa sainda—

2 Asin saiyang inapod sinda sa pangaran, an sabi: Mag-apod kamo sa Ama sa sakuyang pangaran, sa maimbod na pagpamibi; asin pagkatapos na saindong magibo ini magkakaigwa kamo nin kapangyarihan sa saiya na saindong bubugtakan kan saindong manga kamot, saindong itatao an Espiritu Santo; asin sa sakuyang pangaran iyan saindong itatao, huli ta siring an ginigibo kan sakuyang manga apostoles.

3 Ngonian sinabi ni Cristo an manga tataramon na ini sa sainda sa panahon kan saiyang enot na pagpahiling; asin dai idto nadangog kan katiripunan, alagad nadangog idto kan manga disipulos; asin ta kun gurano kadakol an binugtakan kan saindang manga kamot, iyo man an binabaan kan Espiritu Santo.